ﺭﻧﺠﺸﻮﮞ ﮐﯽ ﺑﺎﺗﻮﮞ ﮐﻮ ، ﺑﮭﻮﻟﻨﺎ ﺑﮭﯽ ﭘﮍﺗﺎ ﮨﮯ

ﺩﺭﺩ ﭘﮭﯿﻞ ﺟﺎﺋﮯ ﺗﻮ
ﺍﯾﮏ ﻭﻗﺖ ﺁﺗﺎ ﮨﮯ
ﺩﻝ ﺩﮬﮍﮐﺘﺎ ﺭﮨﺘﺎ ﮨﮯ
ﺁﺭﺯﻭﮔﺰﯾﺪﻭﮞ ﮐﮯ ﺣﻮﺻﻠﮯ
ﻧﮩﯿﮟ ﭼﻠﺘﮯ
ﺩﺷﺖِ ﺑﮯ ﯾﻘﯿﻨﯽ ﻣﯿﮟ
ﺁﺳﺮﮮ ﻧﮩﯿﮟ ﭼﻠﺘﮯ
ﺭﮨﺮﺅﮞ ﮐﯽ ﺁﻧﮑﮭﻮﮞ ﻣﯿﮟ
ﻣﻨﺰﻟﯿﮟ ﻧﮧ ﺟﺐ ﺗﮏ ﮨﻮﮞ ،
ﻗﺎﻓﻠﮯ ﻧﮩﯿﮟ ﭼﻠﺘﮯ
ﺍﮎ ﺫﺭﺍ ﺗﻮﺟﮧ ﺳﮯ ﺩﯾﮑﮭﺌﮯ
ﺗﻮ ﮐُﮭﻠﺘﺎ ﮨﮯ
ﻟﻮﮒ ﺍِﻥ ﭘﮧ ﭼﻠﺘﮯ ﮨﯿﮟ ،
ﺭﺍﺳﺘﮯ ﻧﮩﯿﮟ ﭼﻠﺘﮯ
ﺳﻮﭼﻨﮯ ، ﺳﻤﺠﮭﻨﮯ ﺳﮯ ،
ﺳﺎﺗﮫ ﺳﺎﺗﮫ ﭼﻠﻨﮯ ﺳﮯ
ﺩﻭﺭﯾﺎﮞ ﺳﻤﭩﺘﯽ ﮨﯿﮟ ،
ﻓﺎﺻﻠﮯ ﻧﮩﯿﮟ ﭼﻠﺘﮯ
ﺧﻮﺍﺏ ﺧﻮﺍﺏ ﺁﻧﮑﮭﻮﮞ ﻣﯿﮟ
ﺭﺗﺠﮕﮯ ﻧﮩﯿﮟ ﭼﻠﺘﮯ
ﺩﺭﮔُﺰﺭ ﮐﮯ ﺣﻠﻘﮯ ﻣﯿﮟ
ﻣﺴﺌﻠﮯ ﻧﮩﯿﮟ ﭼﻠﺘﮯ
ﺩﻭ ﺩِﻟﻮﮞ ﮐﯽ ﻗﺮﺑﺖ ﻣﯿﮟ
ﺗﯿﺴﺮﺍ ﻧﮩﯿﮟ ﮨﻮﺗﺎ
”ﻭﺍﺳﻄﮯ“ ﻧﮩﯿﮟ ﭼﻠﺘﮯ
ﺑﺨﺖ ﺳﺎﺗﮫ ﭼﻠﺘﺎ ﮨﮯ ، ﻃﺎﺑﻊ
ﺁﺯﻣﺎﺋﻮﮞ ﮐﮯ
ﻭﻗﺖ ﺭﺍﻡ ﮐﺮﻧﮯ ﻣﯿﮟ ،
ﺗﺠﺰﯾﻮﮞ ﮐﮯ ﺩﺍﺅ ﮐﯿﺎ
”ﺗﺠﺮﺑﮯ“ ﻧﮩﯿﮟ ﭼﻠﺘﮯ
ﻋﺸﻖ ﮐﮯ ﻋﻼﻗﮯ ﻣﯿﮟ ،
ﺣُﮑﻢِ ﯾﺎﺭ ﭼﻠﺘﺎ ﮨﮯ
ﺿﺎﺑﻄﮯ ﻧﮩﯿﮟ ﭼﻠﺘﮯ
ﺣُﺴﻦ ﮐﯽ ﻋﺪﺍﻟﺖ ﻣﯿﮟ ،
ﻋﺎﺟﺰﯼ ﺗﻮ ﭼﻠﺘﯽ ﮨﮯ
ﻣﺮﺗﺒﮯ ﻧﮩﯿﮟ ﭼﻠﺘﮯ
ﺩﻭﺳﺘﯽ ﮐﮯ ﺭﺷﺘﻮﮞ ﮐﯽ
ﭘﺮﻭﺭﺵ ﺿﺮﻭﺭﯼ ﮨﮯ
ﺳﻠﺴﻠﮯ ﺗﻌﻠﻖ ﮐﮯ ﺧﻮﺩ ﺳﮯ
ﺑﻦ ﺗﻮ ﺟﺎﺗﮯ ﮨﯿﮟ
ﻟﯿﮑﻦ ﺍِﻥ ﺷﮕﻮﻓﻮﮞ ﮐﻮ
ﭨﻮﭨﻨﮯ ﺑﮑﮭﺮﻧﮯ ﺳﮯ
ﺭﻭﮐﻨﺎ ﺑﮭﯽ ﭘﮍﺗﺎ ﮨﮯ
ﭼﺎﮨﺘﻮﮞ ﮐﯽ ﻣﭩﯽ ﮐﻮ ،
ﺁﺭﺯﻭ ﮐﮯ ﭘﻮﺩﻭﮞ ﮐﻮ
ﺳﯿﻨﭽﻨﺎ ﺑﮭﯽ ﭘﮍﺗﺎ ﮨﮯ
ﺭﻧﺠﺸﻮﮞ ﮐﯽ ﺑﺎﺗﻮﮞ ﮐﻮ ،
ﺑﮭﻮﻟﻨﺎ ﺑﮭﯽ ﭘﮍﺗﺎ ﮨﮯ