ﺍﺗﻨﮯ ﭼﮭﻮﭨﮯ ﮐﻤﺮﮮ ﻣﯿﮟ
ﺗﻢ ﮐﮩﺎﮞ ﭼﻠﯽ ﺁﺋﯿﮟ
ﺩﯾﮑﮭﻮ ﮐﯿﺴﯽ ﺣﺎﻟﺖ ﻣﯿﮟ
ﯾﺎﺭ ﻟﻮﮒ ﺭﮨﺘﮯ ﮨﯿﮟ
ﺍﺗﻨﮯ ﭼﮭﻮﭨﮯ ﮐﻤﺮﮮ ﻣﯿﮟ
ﭼﺎﺭ ﻟﻮﮒ ﺭﮨﺘﮯ ﮨﯿﮟ
ﺑﮭﯿﮍ ﮨﮯ ﮐﺘﺎﺑﻮﮞ ﮐﯽ
ﺑﺎﺱ ﮨﮯ ﺷﺮﺍﺑﻮﮞ ﮐﯽ
ﺩﯾﮑﮭﻮ ﭼﮭﺖ ﺳﮯ ﻟﭩﮑﯽ ﮨﯿﮟ
ﻻﺷﯿﮟ ﮐﺘﻨﮯ ﺧﻮﺍﺑﻮﮞ کی
ﺍﻭﺭ ﯾﮧ ﺟﻮ ﺩﯾﻮﺍﺭﯾﮟ
ﺟﻦ ﻣﯿﮟ ﮨﻢ ﻣﻘﯿّﺪ ﮨﯿﮟ
ﮐﺎﻥ ﺑﮭﯽ ﻧﮩﯿﮟ ﺭﮐﮭﺘﯿﮟ
ﯾﮧ ﮨﻤﺎﺭﯼ ﺳﺐ ﺑﺎﺗﯿﮟ
ﮨﻢ ﮐﻮ ﮨﯽ ﺳﻨﺎﺗﯽ ﮨﯿﮟ
ﺍﻭﺭ ﯾﮧ ﺟﻮ ﺗﺼﻮﯾﺮﯾﮟ
ﮨﻢ ﻧﮯ ﭨﺎﻧﮏ ﺭﮐﮭﯽ ﮨﯿﮟ
ﯾﮧ ﮨﻤﺎﺭﯼ ﺣﺎﻟﺖ ﭘﺮ
ﺻﺮﻑ ﻣﺴﮑﺮﺍﺗﯽ ﮨﯿﮟ
ﯾﮧ ﺑﯿﭽﺎﺭﯼ ﺗﺼﻮﯾﺮﯾﮟ
ﺷﻮﺥ ﺭﻧﮓ ﮨﯿﮟ ﺟﻦ ﮐﮯ
ﭘﯿﺮﺍﮨﻦ ﺳﻼﻣﺖ ﮨﯿﮟ
ﺳﻮﭼﻨﮯ ﺳﮯ ﻋﺎﺭﯼ ﮨﯿﮟ
ﯾﮧ ﺍﺑﮭﯽ ﮐﻨﻮﺍﺭﯼ ﮨﯿﮟ
ﯾﮧ ﮐﮩﺎﮞ ﺳﮯ ﺳﻤﺠﮭﯿﮟ ﮔﯽ
ﺗﺎﺭ ﺗﺎﺭ ﮨﯿﮟ ﺟﺬﺑﮯ
ﺳﻮﭺ ﺳﺮ ﺑﺮﯾﺪﮦ ﮨﮯ
ﺯﻧﺪﮔﯽ ﮐﺎ ﭘﯿﺮﺍﮨﻦ
ﮐﺲ ﻗﺪﺭ ﺩﺭﯾﺪﮦ ﮨﮯ
ﺳﮕﺮﯾﭩﻮﮞ ﮐﮯ ﭼﻨﺪ ﭨﮑﮍﮮ
ﺗﺎﺵ ﮐﮯ ﻭﮨﯽ ﭘﺘّﮯ
ﺟﺎﻡ ﮐﯽ ﻭﮨﯽ ﺑﻮﺗﻞ
ﺗﯿﻦ ﭼﺎﺭ ﺗﺼﻮﯾﺮﯾﮟ
ﺩﻭﺭ ﭘﮭﺮ ﮐﺘﺎﺑﻮﮞ ﮐﺎ
ﮨﺠﺮ ﮐﮯ ﻋﺬﺍﺑﻮﮞ ﮐﺎ
ﺭﻭﺯ ﻗﺘﻞ ﺧﻮﺍﺑﻮﮞ ﮐﺎ
ﻭﮦ ﺑﮭﯽ ﺍﯾﮏ ﮐﻤﺮﮮ ﻣﯿﮟ
ﻭﮦ ﺑﮭﯽ ﺍﺗﻨﺎ ﭼﮭﻮﭨﺎ ﺳﺎ
ﺟﯿﺴﮯ ﺟﯿﻞ ﮐﺎ ﮐﻤﺮﮦ
ﺯﻧﺪﮔﯽ ﮐﯽ ﭘﭩﮍﯼ ﭘﺮ
ﺟﯿﺴﮯ ﺭﯾﻞ ﮐﺎ ﮐﻤﺮﮦ
ﺭﯾﻞ ﮐﮯ ﻣﺴﺎﻓﺮ ﺳﮯ
ﺍﺗﻨﮯ ﭼﮭﻮﭨﮯ ﮐﻤﺮﮮ ﻣﯿﮟ
ﺑﺎﺕ ﮐﯿﺴﮯ ﮐﺮ ﻟﻮ ﮔﯽ
ﺷﻮﺭ ﻣﯿﮟ ﺷﺮﺍﺑﻮﮞ ﻣﯿﮟ
ﺭﺍﺕ ﮐﯿﺴﮯ ﮐﺮ ﻟﻮ ﮔﯽ
ﺍﺗﻨﮯ ﭼﮭﻮﭨﮯ ﮐﻤﺮﮮ ﻣﯿﮟ
ﻟﮍﮐﯿﺎﮞ ﻧﮩﯿﮟ ﺁﺗﯿﮟ
ﺍﺗﻨﮯ ﭼﮭﻮﭨﮯ ﮐﻤﺮﮮ ﻣﯿﮟ
ﺗﻢ ﮐﮩﺎﮞ ﭼﻠﯽ ﺁﺋﯿﮟ
Monday, September 21, 2015
ﺍﺗﻨﮯ ﭼﮭﻮﭨﮯ ﮐﻤﺮﮮ ﻣﯿﮟ
Subscribe to:
Post Comments (Atom)
No comments:
Post a Comment