ابھی ﺩﺭﯾﺎ ﻣﯿﮟ ﭘﺎﻧﯽ ﮨﮯ

ابھی ﺩﺭﯾﺎ ﻣﯿﮟ ﭘﺎﻧﯽ ﮨﮯ
ﺍﺳﯿﺮِ ﻭﺳﻮﺳﮧ ﮐﯿﻮﮞ ﮨﻮ
ﻭﻃﻦ ﮐﮯ ﺭﻭﺯ ﻭ ﺷﺐ ﺳﮯ
ﮐﺲ ﻟﯿﮯ ﺑﯿﺰﺍﺭ ﮨﻮ ﺍﺗﻨﮯ
تمہاﺭﯼ ﺁﻧﮑﮫ ﻣﯿﮟ ﮐﯿﻮﮞ
ﺑﮯ ﯾﻘﯿﻨﯽ ﺭﻗﺺ ﮐﺮﺗﯽ ﮨﮯ
ﺭﮔﻮﮞ ﻣﯿﮟ ﺁﺧﺮ
ﮐﯿﻮﮞ ﺧﻮﻑ ﮐﺎ ﻋﺎﻟﻢ ﮨﮯ ﺍﺱ ﺩﺭﺟﮧ
ﺍﺑﮭﯽ ﺗﻮ ﺍﭘﻨﯽ ﻣﭩﯽ ﻣﯿﮟ،
ﻧﻤﻮ ﮐﺎ ﻭﺻﻒ ﺯﻧﺪﮦ ﮨﮯ ﺍﺑﮭﯽ ﺩﺭﯾﺎ ﻣﯿﮟ ﭘﺎﻧﯽ ﮨﮯ
ﺍﺑﮭﯽ ﺟﮭﯿﻠﯿﮟ ﻧﮩﯿﮟ ﺳﻮﮐﮭﯿﮟ
ﺍﺑﮭﯽ ﺟﻨﮕﻞ ﻧﮩﯿﮟ ﺍُﺟﮍﮮ
ﻓﻀﺎﺅﮞ ﻣﯿﮟ ﺍﺑﮭﯽ ﺗﮏ
ﺑﺎﺩﻟﻮﮞ ﮐﺎ ﺁﻧﺎ ﺟﺎﻧﺎ ﮨﮯ
ﮨﻮﺍﺅﮞ ﻣﯿﮟ ﻧﻤﯽ ﮐﺎ ﺳﻠﺴﻠﮧ
ﻗﺎﺋﻢ ﻭ ﺩﺍﺋﻢ ﮨﮯ
ﺍﺑﮭﯽ ﺗﮏ ﻓﺼﻞِ ﮔُﻞ ﮐﺎ
ﺩﺍﻣﻦِ ﺷﺎﺩﺍﺏ ﺑﺎﻗﯽ ﮨﮯ
ﺍﺑﮭﯽ ﺗﮏ ﻗﻄﺮۂ ﺷﺒﻨﻢ ﮐﯽ
ﺁﺏ ﻭ ﺗﺎﺏ ﺑﺎﻗﯽ ﮨﮯ
ﻧﻈﺮ ﮐﮯ ﺳﺎﻣﻨﮯ ﻓﺼﻠﯿﮟ ﺍﺑﮭﯽ ﺗﮏ ﻟﮩﻠﮩﺎﺗﯽ ﮨﯿﮟ
ﮨﻤﺎﺭﮮ ﻧﺎﻡ ﮐﮯ ﺩﺍﻧﮯ،
ﺍُﮔﺎ ﮐﺮﺗﮯ ﮨﯿﮟ ﮐﮭﯿﺘﻮﮞ ﻣﯿﮟ
ﮨﻤﺎﺭﯼ ﺳﺮ ﺯﻣﯿﮟ ﮐﯽ
ﭘﮭﻮﻝ ﺳﮯ ﻧﺴﺒﺖ ﺍﺑﮭﯽ ﺗﮏ ﮨﮯ
ﺍﺑﮭﯽ ﺗﮏ ﺗﺘﻠﯿﺎﮞ ﭘﺮﻭﺍﺯ ﮐﺮﺗﯽ ﮨﯿﮟ ﮔﻠﺴﺘﺎﮞ ﻣﯿﮟ
ﺍﺑﮭﯽ ﺗﮏ ﺟﮕﻨﻮﺅﮞ ﮐﯽ ﺭﻭﺷﻨﯽ
ﺩﻝ ﮐﻮ ﻟﺒﮭﺎﺗﯽ ﮨﮯ
ﺯﻣﯿﻦ ﭘﮧ ﭼﺎﻧﺪﻧﯽ ﮐﮯ ﺭﻗﺺ ﮐﺎ ﺟﺎﺩﻭ
ﺍﺑﮭﯽ ﺗﮏ ﮨﮯ
ﺣﺮﺍﺭﺕ ﺯﻧﺪﮔﯽ ﺑﺮﻑ ﻧﮯ ﺍﺏ ﺗﮏ ﻧﮩﯿﮟ ﭼﮭﯿﻨﯽ
ﺳﻠﮕﺘﮯ ﻣﮩﺮ ﻧﮯ
ﺑﺮﺳﺎﺕ ﮐﺎ ﻣﻮﺳﻢ ﻧﮩﯿﮟ ﭼﮭﯿﻨﺎ
ﺍﺑﮭﯽ ﺻﺤﺮﺍﺅﮞ ﮐﮯ ﻋﻔﺮﯾﺖ ﺳﮯ
ﻣﺤﻔﻮﻅ ﮨﯿﮟ ﺩﺭﯾﺎ
ﺍﺑﮭﯽ ﻧﺨﻞِ ﺗﻤﻨّﺎ ﮐﯽ
ﮨﺮﯼ ﺷﺎﺧﯿﮟ ﺳﻼﻣﺖ ﮨﯿﮟ
ﺍﺑﮭﯽ ﻗﺪﻣﻮﮞ ﮐﮯ ﻧﯿﭽﮯ
ﻣﺎﮞ ﺻﻔﺖ
ﻣﭩﯽ ﮐﯽ ﺣﺪّﺕ ﮨﮯ
ﻣﺮﮮ عزیز
ﺗﻢ ﺍﺱ ﺳﭽﺎﺋﯽ ﺳﮯ ﺁﮔﺎﮦ ﺗﻮ ﮨﻮ ﮔﮯ
ﭘﺮﻧﺪﮮ ﺍﯾﺴﮯ ﻣﻮﺳﻢ ﻣﯿﮟ
ﮐﺒﮭﯽ ﮨﺠﺮﺕ ﻧﮩﯿﮟ ﮐﺮﺗﮯ