کوئی ضبط دے نہ جلال دے

کوئی ضبط دے نہ جلال دے 
مجھے صرف اتنا کمال دے 
میں ہر اک کی صدا بنوں 
کہ زمانہ میری مثال دے 
تیری رحمتوں کا نزو ل ہو
میری محنتوں کا صلہ ملے 
مجھے مال و زر کی ہوس نہ ہو
مجھے بس تو رزق ِ حلال دے
میرے ذہن میں تیری فکر ہو
میری سانس میں تیرا ذکر ہو
تیرا خوف میری نجا ت ہو
سبھی خوف دل سے نکال دے
تیری بار گاہ میں اے خدا 
میری روز و شب ہے یہی دعا
تو رحیم ہے ، تو کریم ہے 
تو سبھی بلا ؤں کو ٹال دے