ﺍﮮ ﻣﺮﮮ ﮐﺒﺮﮨﺎ !——
ﺍﮮ ﺍﻧﻮﮐﮭﮯ ﺳﺨﯽ !
ﺍﮮ ﻣﺮﮮ ﮐﺒﺮﯾﺎ !!
ﻣﯿﺮﮮ ﺍﺩﺭﺍﮎ ﮐﯽ ﺳﺮﺣﺪﻭﮞ ﺳﮯ ﭘﺮﮮ
ﻣﯿﺮﮮ ﻭﺟﺪﺍﻥ ﮐﯽ ﺳﻠﻄﻨﺖ ﺳﮯ ﺍﺩﮬﺮ
ﺗﯿﺮﯼ ﭘﮩﭽﺎﻥ ﮐﺎ ﺍﻭﻟﯿﻦ ﻣﺮﺣﻠﮧ !
ﻣﯿﺮﯼ ﻣﭩﯽ ﮐﮯ ﺳﺐ ﺫﺍﺋﻘﻮﮞ ﺳﮯ ﺟﺪﺍ !!
ﺗﯿﺮﯼ ﭼﺎﮨﺖ ﮐﯽ ﺧﻮﺷﺒﻮ ﮐﺎ ﭘﮩﻼ ﺳﻔﺮ!!
ﻣﯿﺮﯼ ﻣﻨﺰﻝ ؟
ﺗﯿﺮﯼ ﺭﮨﮕﺰﺭ ﮐﯽ ﺧﺒﺮ !
ﻣﯿﺮﺍ ﺣﺎﺻﻞ ؟
ﺗﯿﺮﯼ ﺁﮔﮩﯽ ﮐﯽ ﻋﻄﺎ!!
ﻣﯿﺮﮮ ﻟﻔﻈﻮﮞ ﮐﯽ ﺳﺎﻧﺴﯿﮟ
ﺗﺮﺍ ﻣﻌﺠﺰﮦ !
ﻣﯿﺮﮮ ﺣﺮﻓﻮﮞ ﮐﯽ ﻧﺒﻀﯿﮟ
ﺗﺮﮮ ﻟﻄﻒ ﮐﺎ ﺑﮯ ﮐﺮﺍﮞ ﺳﻠﺴﮧ !
ﻣﯿﺮﮮ ﺍﺷﮑﻮﮞ ﮐﯽ ﭼﺎﻧﺪﯼ
ﺗﺮﺍ ﺁﺋﯿﻨﮧ !
ﻣﯿﺮﯼ ﺳﻮﭼﻮﮞ ﮐﯽ ﺳﻄﺮﯾﮟ
ﺗﺮﯼ ﺟﺴﺘﺠﻮ ﮐﯽ ﻣﺴﺎﻓﺖ ﻣﯿﮟ ﮔﻢ ﺭﺍﺳﺘﻮﮞ ﮐﺎ ﭘﺘﮧ !
ﻣﯿﮟ ﻣﺴﺎﻓﺮ ﺗﺮﺍ -——( ﺧﻮﺩ ﺳﮯ ﻧﺎ ﺁﺷﻨﺎ)
ﻇﻠﻤﺘﻮﮞ ﮐﮯ ﮔﮭﻨﮯ ﺟﻨﮕﻠﻮﮞ ﻣﯿﮟ ﮔﮭﺮﺍ
ﺧﻮﺩ ﭘﮧ ﺍﻭﮌﮬﮯ ﮨﻮﺋﮯ ﮐﺮﺏِ ﻭﮨﻢ ﻭ ﮔﻤﺎﮞ ﮐﯽ ﺳﻠﮕﺘﯽ ﺭﺩﺍ
ﻧﺎﺷﻨﺎﺳﺎﺋﯿﻮﮞ ﮐﮯ ﭘﺮﺍﻧﮯ ﻣﺮﺽ،
ﮔﻤﺮﮨﯽ ﮐﮯ ﻃﻠﺴﻤﺎﺕ ﻣﯿﮟ ﻣﺒﺘﻼ
ﺳﻮﺭﺟﻮﮞ ﺳﮯ ﺑﮭﺮﯼ ﮐﮩﮑﺸﺎﮞ ﮐﮯ ﺗﻠﮯ
ﮈﮬﻮﻧﮉﺗﺎ ﭘﮭﺮ ﺭﮨﺎ ﮨﻮﮞ ﺗﺮﺍ ﻧﻘﺶِ ﭘﺎ !!——
ﺍﮮ ﺍﻧﻮﮐﮭﮯ ﺳﺨﯽ !
ﺍﮮ ﻣﺮﮮ ﮐﺒﺮﯾﺎ !!
ﮐﺐ ﺗﻠﮏ ﮔﻤﺮﮨﯽ ﮐﮯ ﻃﻠﺴﻤﺎﺕ ﻣﯿﮟ؟
ﻇﻠﻤﺖِ ﺫﺍﺕ ﻣﯿﮟ
ﻧﺎﺷﻨﺎﺳﺎﺋﯿﻮﮞ ﺳﮯ ﺍﭨﯽ ﺭﺍﺕ ﻣﯿﮟ
ﺩﻝ ﺑﮭﭩﮑﺘﺎ ﺭﮨﮯ
ﺑﮭﺮ ﮐﮯ ﺩﺍﻣﺎﻥِ ﺻﺪ ﭼﺎﮎ ﻣﯿﮟ ﺑﮯ ﺍﻣﺎﮞ ﺣﺴﺮﺗﻮﮞ ﮐﺎ ﻟﮩﻮ
ﺑﮯ ﺛﻤﺮ ﺧﻮﺍﮨﺸﯿﮟ
ﺭﺍﺋﯿﮕﺎﮞ ﺟﺴﺘﺠﻮ !!
ﺍﮮ ﺍﻧﻮ ﮐﮭﮯ ﺳﺨﯽ !
ﺍﮮ ﻣﺮﮮ ﮐﺒﺮﯾﺎ !!
ﮐﻮﺋﯽ ﺭﺳﺘﮧ ﺩﮐﮭﺎ
ﺧﻮﺩ ﭘﮧ ﮐﮭﻞ ﺟﺎﺅﮞ ﻣﯿﮟ
ﻣﺠﮫ ﭘﮧ ﺍﻓﺸﺎ ﮨﻮ “ ﺗﻮ ”
ﺍﮮ ﻣﺮﮮ ﮐﺒﺮﯾﺎ !!
ﮐﺒﺮﯾﺎ ‘ ﺍﺏ ﻣﺠﮭﮯ
ﻟﻮﺡِ ﺍﺭﺽ ﻭ ﺳﻤﺎ ﮐﮯ ﺳﺒﮭﯽ ﻧﺎﺗﺮﺍﺷﯿﺪﮦ ‘ ﭘﻮﺷﯿﺪﮦ
ﺣﺮﻓﻮﮞ ﻣﯿﮟ ﻟﭙﭩﮯ ﮨﻮﺋﮯ
ﺍﺳﻢ ﭘﮍﮬﻨﺎ ﺳﮑﮭﺎ
ﺍﮮ ﺍﻧﻮﮐﮭﮯ ﺳﺨﯽ !
ﺍﮮ ﻣﺮﮮ ﮐﺒﺮﯾﺎ !
ﻣﯿﮟ ﻣﺴﺎﻓﺮ ﺗﺮﺍ
Sunday, May 31, 2015
ﺍﮮ ﻣﺮﮮ ﮐﺒﺮیا
Subscribe to:
Post Comments (Atom)
No comments:
Post a Comment