مت چھوڑ کے جانا

کہا تھا نا کہ یوں سوتے ہوۓ مت چھوڑ کے جانا
مجھے بے شک جگا دینا
بتا دینا
تمہیں رستہ بدلنا ہے
میری حد سے نکلنا ہے
تمہیں کس بات کا ڈر تھا؟
تمہیں جانے نہیں دیتا؟
کہیں پہ قید کر لیتا؟

ارے پاگل محبت کی طبیعت میں زبردستی نہیں ہوتی
جسے رستہ بدلنا ہو اسے رستہ بدلنے سے
جسے حدسےنکلناہو اسےحدسےنکلنےسے
نہ کوئ روک پایا ہے نہ کوئ روک پاۓ گا

تو تمہیں کس بات کاڈر تھا
مجھے بے شک جگادیتے
میں تم کو دیکھ ہی لیتا
تمہیں کوئی دعا دیتا
کم از کم یوں تو نہ ہوتا

تمہارے بعد کھونے کیلیے کچھ بھی نہیں باقی
مگر یہ بھی حقیقت ہے
کہ میں کھونے سے ڈرتی  ہوں
میں اب سونے سے ڈرتی  ہوں