ﻭﮦ ﻣﻮﺝِ ﺗﺒﺴّﻢ
ﺷﮕﻔﺘﮧ ﺷﮕﻔﺘﮧ ،
ﻭﮦ ﺑﮭﻮﻻ ﺳﺎ ﭼﮩﺮﮦ
ﮐﺘﺎﺑﯽ ﮐﺘﺎﺑﯽ.
ﻭﮦ ﺳُﻨﺒﻞ ﺳﮯ ﮔﯿﺴﻮ
ﺳﻨﮩﺮﮮ ﺳﻨﮩﺮﮮ ،
ﻭﮦ ﻣﺨﻤﻮﺭ ﺁﻧﮑﮭﯿﮟ
ﮔﻼﺑﯽ ﮔﻼﺑﯽ.
ﮐﻒِ ﺩﺳﺖ ﻧﺎﺯﮎ
ﺣﻨﺎﺋﯽ ﺣﻨﺎﺋﯽ ،
ﻭﮦ ﻟﺐ ﮨﺎﺋﮯ ﺷﯿﺮﯾﮟ
ﺷﮩﺎﺑﯽ ﺷﮩﺎﺑﯽ.
ﻭﮦ ﺑﺎﺗﻮﮞ ﻣﯿﮟ ﺟﺎﺩﻭ ﺍﺩﺍﺅﮞ ﻣﯿﮟ ﭨﻮﻧﺎ ،
ﻭﮦ ﺩُﺯﺩﯾﺪﮦ ﻧﻈﺮﯾﮟ
ﻋﻘﺎﺑﯽ ﻋﻘﺎﺑﯽ.
ﮐﺒﮭﯽ ﺧﻮﺵ ﻣﺰﺍﺟﯽ ، ﮐﺒﮭﯽ ﺑﮯ ﻧﯿﺎﺯﯼ،
ﺍﺑﮭﯽ ﮨﻮﺷﯿﺎﺭﯼ ،ﺍﺑﮭﯽ ﻧﯿﻢ ﺧﻮﺍﺑﯽ.
ﻗﺪﻡ
ﺑﮩﮑﮯ ﺑﮩﮑﮯ
ﻧﻈﺮ
ﮐﮭﻮﺋﯽ ﮐﮭﻮﺋﯽ ،
ﻭﮦ ﻣﺨﻤﻮﺭ ﻟﮩﺠﮧ
ﺷﺮﺍﺑﯽ ﺷﺮﺍﺑﯽ.
ﻧﮧ ﺣﺮﻑِ ﺗﮑﻠّﻢ ، ﻧﮧ ﺳﻌﯽِ ﺗﺨﺎﻃﺐ ،
ﺳﺮِ ﺑﺰﻡ ﻟﯿﮑﻦ ﺑﮩﻢ ﮨﻢ ﮐﻼﻣﯽ.
ﺍﺩﮬﺮ ﭼﻨﺪ ﺁﻧﺴﻮ
ﺳﻮﺍﻟﯽ ﺳﻮﺍﻟﯽ ،
ﺍُﺩﮬﺮ ﮐﭽﮫ ﺗﺒﺴّﻢ
ﺟﻮﺍﺑﯽ ﺟﻮﺍﺑﯽ.
ﻭﮦ ﺳﯿﻼﺏِ ﺧﻮﺷﺒﻮ
ﮔﻠﺴﺘﺎﮞ ﮔﻠﺴﺘﺎﮞ ،
ﻭﮦ ﺳﺮﻭِ ﺧﺮﺍﻣﺎﮞ
ﺑﮩﺎﺭﺍﮞ ﺑﮩﺎﺭﺍﮞ.
ﻓﺮﻭﺯﺍﮞ ﻓﺮﻭﺯﺍﮞ
ﺟﺒﯿﮟ ﮐﮩﮑﺸﺎﻧﯽ ،
ﺩﺭﺧﺸﺎﮞ ﺩﺭﺧﺸﺎﮞ
ﻧﻈﺮﻣﺎﮨﺘﺎﺑﯽ.
ﻧﮧ ﮨﻮﻧﭩﻮﮞ ﭘﮧ ﺳﺮﺧﯽ ، ﻧﮧ ﺁﻧﮑﮭﻮﮞ ﻣﯿﮟ ﮐﺎﺟﻞ ،
ﻧﮧ ﮨﺎﺗﮭﻮﮞ ﻣﯿﮟ ﮐﻨﮕﻦ ، ﻧﮧ ﭘﯿﺮﻭﮞ ﻣﯿﮟ ﭘﺎﺋﻞ.
ﻣﮕﺮ ﺣُﺴﻦِ ﺳﺎﺩﮦ
ﻣﺜﺎﻟﯽ ﻣﺜﺎﻟﯽ ،
ﺟﻮﺍﺏِ ﺷﻤﺎﺋﻞ ﻓﻘﻂ ﻻﺟﻮﺍﺑﯽ.
ﻭﮦ ﺷﮩﺮِ ﻧﮕﺎﺭﺍﮞ ﮐﯽ ﮔﻠﯿﻮﮞ ﮐﮯ ﭘﮭﯿﺮﮮ ،
ﺳﺮِ ﮐﻮﺋﮯ ﺧﻮﺑﺎﮞ ﻓﻘﯿﺮﻭﮞ ﮐﮯ ﮈﯾﺮﮮ.
ﻣﮕﺮ ﺣﺮﻑِ ﭘُﺮﺳﺶ ، ﻧﮧ ﺍِﺫﻥِ ﮔﺰﺍﺭﺵ ،
ﮐﺒﮭﯽ ﻧﺎﻣُﺮﺍﺩﯼ ﮐﺒﮭﯽ ﺑﺎﺭﯾﺎﺑﯽ.
ﯾﮧ ﺳﺐ ﮐﭽﮫ ﮐﺒﮭﯽ ﺗﮭﺎ ، ﻣﮕﺮ ﺍﺏ ﻧﮩﯿﮟ ﮨﮯ
ﮐﮧ ﺁﻭﺍﺭﮦ ﻓﺮﮨﺎﺩ ﮔﻮﺷﮧ ﻧﺸﯿﮟ ﮨﮯ.
ﻧﮧ ﺗﯿﺸﮧ ﺑﺪﻭﺷﯽ ، ﻧﮧ ﺧﺎﺭﮦ ﺷﮕﺎﻓﯽ ،
ﻧﮧ ﺁﮨﯿﮟ ، ﻧﮧ ﺁﻧﺴﻮ ،ﻧﮧ ﺧﺎﻧﮧ ﺧﺮﺍﺑﯽ.
ﮐﮧ ﻧﻈﺮﻭﮞ ﻣﯿﮟ ﺍﺏ ﮐﻮﺋﯽ ﺷﯿﺮﯾﮟ ﻧﮩﯿﮟ ﮨﮯ ،
ﺟﺪﮬﺮﺩﯾﮑﮭﯿﺌﮯ ﺍﯾﮏ ﻣﺮﯾﻢ ﮐﮭﮍﯼ ﮨﮯ.
ﻧﺠﺎﺑﺖ ﺳﺮﺍﭘﺎ ، ﺷﺮﺍﻓﺖ ﺗﺒﺴّﻢ ،
ﺑﮧ ﻋﺼﻤﺖ ﻣﺰﺍﺟﯽ ، ﺑﮧﻋﻔّﺖ ﻣﺂﺑﯽ.
ﺟﻮ ﮔﯿﺴﻮ ﺳﻨﮩﺮﮮ ﺗﮭﮯ ﺍﺏ ﻧُﻘﺮﺋﯽ ﮨﯿﮟ ،
ﺟﻦ ﺁﻧﮑﮭﻮﮞ ﻣﯿﮟ ﺟﺎﺩﻭ ﺗﮭﺎ ، ﺍﺏ ﺑﺎ ﻭﺿﻮ ﮨﯿﮟ.
ﯾﮧ ﭘﺎﮐﯿﺰﮦ ﭼﮩﺮﮮ ، ﯾﮧ ﻣﻌﺼﻮﻡ ﺁﻧﮑﮭﯿﮟ ،
ﻧﮧ ﻭﮦ ﺑﮯ ﺣﺠﺎﺑﯽ ، ﻧﮧ ﻭﮦ ﺑﮯ ﻧﻘﺎﺑﯽ.
ﻭﮦ ﻋﺸﻖِ ﻣﺠﺎﺯﯼ ﺣﻘﯿﻘﺖ ﻣﯿﮟ ﮈﮬﻞ ﮐﺮ
ﺗﻘﺪّﺱ ﮐﯽ ﺭﺍﮨﻮﮞ ﭘﮧ ﺍﺏ ﮔﺎﻣﺰﻥ ﮨﮯ.
ﺟﻮ ﺣُﺴﻦِ ﻧﮕﺎﺭﺍﮞ ﻓﺮﯾﺐِ ﻧﻈﺮ ﺗﮭﺎ ،
ﻓﺮﺷﺘﻮﮞ ﮐﯽ ﺻﻮﺭﺕ ﮨﮯ ﮔﺮﺩﻭﮞ ﺟﻨﺎﺑﯽ.
ﻭﮦ ﺻﻮﺭﺕ ﭘﺮﺳﺘﯽ ﺳﮯ ﺍُﮐﺘﺎ ﮔﯿﺎ ﮨﮯ ،
ﺧﻠﻮﺹِ ﻧﻈﺮ ﺍﻭﺭﮐﭽﮫ ﮈﮬﻮﻧﮉﺗﺎ ﮨﮯ.
ﻧﮧ ﻣﻮﺝِ ﺗﺒﺴّﻢ ،
ﻧﮧ ﺩﺳﺖِ ﺣﻨﺎﺋﯽ ،
ﻧﮧ ﻣﺨﻤﻮﺭ ﺁﻧﮑﮭﯿﮟ
ﮔﻼﺑﯽ ﮔﻼﺑﯽ
No comments:
Post a Comment