ابھی جگنو نہیں رُوٹھے
ابھی آنسو نہیں ٹوٹے
ابھی سورج نہیں جاگا
ابھی تارے نہیں ڈوبے
ابھی مہتاب باقی ہے
ابھی اک خواب باقی ہے
ابھی منزل نهیں آئی
ابھی رسته نهیں ٹھہرا
ابھی جنگل نهیں گزرا
ابھی صحرا نہیں بھیگا
ابھی دریا نهیں اترا
ابھی گرداب باقی ہے
ابھی اک خواب باقی ہے
ابھی طوفاں نہیں ٹھرا
ابھی آنکھوں میں جل تھل ہے
ابھی سینے میں ہلچل ہے
ابھی کھڑکی میں بارش ہے
ابھی کمرے میں بادل ہے
ابھی برفاب باقی ہے
ابھی اکِ خواب باقی ہے
ابھی قصه ادھورا یے
ابھی پوری کہانی ہے
ابھی سارا بڑھاپا ہے
ابھی آدھی جوانی یے
ابھی اس پار جانا ہے
ابھی جھیلوں میں پانی ہے
ابھی رستے میں دلدل ہے
ابھی پایاب باقی یے
ابھی اک خواب باقی ہے
ابھی اک خواب باقی ہے
ـــــــــــــــــــــــــــــــــــــــــــــــــــــــــ
نصیر احمد ناصر
(پانی میں گم خواب)
No comments:
Post a Comment