محبت کو زوال نہیں

میں بارش کی برستی بوند نہیں
جو برس کر تھم جاتی ہے
میں خواب نہیں
جسے دیکھا اور بھلا دیا
میں شمع نہیں
جسے پھونکا اور بجھا دیا
میں ھوا کا جھونکا نہیں
جو آیا اور گزر گیا
میں چاند بھی نہیں
جو رات آئی اور ڈھل جاۓ
میں تو وہ احساس ہوں
جو تجھ میں لہو بن کر گردش کرے
میں تو وہ رنگ ھوں
جو تیرے دل پہ چڑھے تو کبھی نہ مٹے
میں وہ گیت ہوں
جو تیرے لبوں سے جدا نہ ھوگا
خواب،عبارت،ھوا کی طرح
چاند بوند ،شمع کی طرح
میرے مٹنے کا سوال ہی نہیں
کیوں کہ میں تو محبت ھوں
اور محبت کو زوال نہیں !