تمھاری آنکھیں کہتی ہیں
حصارٖ ذات سے نکلو
تمنا میری بن جاؤ
شب برباد سے نکلو
کنارہ تھام لو دل کا
بھلا دو سب گلے شکوے
کبھی سچی ہنسی ہنسا دو
پرانی یاد سے نکلو
خیال یار اچھا ہے
مگر جس نے وفا نہ کی
پلٹ کر پھر صدا نہ دو
،در فریاد سے نکلو
آج کی رات کا پہلو
اچانک،ہم سے کہتا ہے
،سجا لو آنکھ میں سپنے
اداس رات سے نکلو
بڑی مشکل میں لگتے ہو
جو یوں رک رک کے چلتے ہو
جو جی میں ہے کر ڈالو
بس ان حالات سے نکلو
نہیں تم کو گوارہ اب
،ہمارا قرب تو کہہ دو
،ہمارے قرب کی چھوڑو
تم اس عذاب سے نکلو
Friday, October 7, 2016
تمھاری آنکھیں کہتی ہیں
Subscribe to:
Post Comments (Atom)
No comments:
Post a Comment