ﮨﻮ ﻧﮧ ﺩﻧﯿﺎ ﻣﯿﮟ ﮐﻮﺋﯽ ﮨﻢ ﺳﺎ ﺑﮭﯽ ﭘﯿﺎﺳﺎ ﻟﻮﮔﻮ

ﮨﻮ ﻧﮧ ﺩﻧﯿﺎ ﻣﯿﮟ ﮐﻮﺋﯽ ﮨﻢ ﺳﺎ ﺑﮭﯽ ﭘﯿﺎﺳﺎ ﻟﻮﮔﻮ
ﺟﯽ ﻣﯿﮟ ﺍٓﺗﺎ ﮨﮯ ﮐﮧ ﭘﯽ ﺟﺎﺋﯿﮟ ﯾﮧ ﺩﺭﯾﺎ ﻟﻮﮔﻮ
ﮐﺘﻨﯽ ﺍﺱ ﺷﮩﺮ ﮐﮯ ﺳﺨﯿﻮﮞ ﮐﯽ ﺳُﻨﯽ ﺗﮭﯽ ﺑﺎﺗﯿﮟ
ﮨﻢ ﺟﻮ ﺁﺋﮯ ﺗﻮ ﮐﺴﯽ ﻧﮯ ﺑﮭﯽ ﻧﮧ ﭘﻮﭼﮭﺎ ﻟﻮﮔﻮ
ﺍﺗﻔﺎﻗﺎً ﮨﯽ ﺳﮩﯽ ، ﭘﺮ ﮐﻮﺋﯽ ﺩﺭ ﺗﻮ ﮐُﮭﻠﺘﺎ
ﺟﮭﻠﻤﻼﺗﺎ ﭘﺲِ ﭼﻠﻤﻦ ﮐﻮﺋﯽ ﺳﺎﯾﺎ ﻟﻮﮔﻮ
ﺳﺐ ﮐﮯ ﺳﺐ ﻣﺴﺖ ﺭﮨﮯ ﺍﭘﻨﮯ ﻧﮩﺎﮞ ﺧﺎﻧﻮﮞ ﻣﯿﮟ
ﮐﻮﺋﯽ ﮐﭽﮫ ﺑﺎﺕ ﻣﺴﺎﻓﺮ ﮐﯽ ﺑﮭﯽ ﺳُﻨﺘﺎ ﻟﻮﮔﻮ
ﮨﻮﻧﮕﮯ ﺍﺱ ﺷﮩﺮ ﻣﯿﮟ ﮐﭽﮫ ﺍﺱ ﮐﮯ ﺑﮭﯽ ﭘﮍﮬﻨﮯ ﻭﺍﻟﮯ
ﯾﻮﮞ ﺗﻮ ﯾﮧ ﺷﺨﺺ ﺑﮭﯽ ﻣﺸﮩﻮﺭ ﺗﮭﺎ ﺧﺎﺻﺎ ﻟﻮﮔﻮ
ﮐﺴﯽ ﺩﺍﻣﻦ ، ﮐﺴﯽ ﺁﻧﭽﻞ ﮐﯽ ﮨﻮﺍ ﺗﻮ ﻣﻠﺘﯽ
ﺟﺐ ﺳﺮِ ﺭﺍﮦ ﯾﮧ ﻭﺍﻣﺎﻧﺪﮦ ﮔﺮﺍ ﺗﮭﺎ ﻟﻮﮔﻮ
ﺍﯾﮏ ﺗﺼﻮﯾﺮ ﺗﮭﯽ، ﮐﯿﺎ ﺟﺎﻧﯿﺌﮯ ﮐﺲ ﮐﯽ ﺗﺼﻮﯾﺮ !
ﻧﻘﺶ ﻣﻮﮨﻮﻡ ﺳﮯ، ﺍﻭﺭ ﺭﻧﮓ ﺍُﮌﺍ ﺳﺎ ﻟﻮﮔﻮ
ﺍﯾﮏ ﺁﻭﺍﺯ ﺗﮭﯽ، ﮐﯿﺎ ﺟﺎﻧﯿﺌﮯ ﮐﺲ ﮐﯽ ﺁﻭﺍﺯ !
ﺍﺱ ﻧﮯ ﺁﻭﺍﺯ ﮐﺎ ﺭﺷﺘﮧ ﺑﮭﯽ ﻧﮧ ﺭﮐﮭﺎ ﻟﻮﮔﻮ
ﮐﭽﮫ ﭘﺘﺎ ﺍﺱ ﮐﺎ ﮨﻤﯿﮟ ﮨﻮ،ﺗﻮ ﺗﻤﮩﯿﮟ ﺑﺘﻼﺋﯿﮟ
ﮐﻮﻥ ﮔﮭﺮ ؟ﮐﻮﻥ ﻧﮕﺮ؟ﮐﻮﻥ ﻣﺤﻠﮧ ﻟﻮﮔﻮ !
ﭼﻨﺪ ﺣﺮﻓﻮﮞ ﮐﺎ ﻣﻌﻤﮧ ﺗﮭﺎ ﻭﮦ ﺍﻟﺠﮭﺎ ،ﺳﻠﺠﮭﺎ
ﺍُﺱ ﻧﮯ ﺗﻮ ﻧﺎﻡ ﺑﮭﯽ ﭘﻮﺭﺍ ﻧﮧ ﺑﺘﺎﯾﺎ ﻟﻮﮔﻮ
ﮨﺎﺋﮯ ﯾﮧ ﺩﺭﺩ ،ﮐﮧ ﻣﺸﮑﻞ ﺳﮯ ﺗﮭﻤﺎ ﺗﮭﺎ ﺩﻝ ﻣﯿﮟ
ﭼﺎﻧﺪ ﭘﻮﻧﻢ ﮐﺎ ﺍﺑﮭﯽ ﺳﮯ ﻧﮑﻞ ﺁﯾﺎ ﻟﻮﮔﻮ !
ﭘﮭﺮ ﻭﮨﯽ ﺩﺷﺖ ، ﻭﮨﯽ ﺩﺷﺖ ﮐﯽ ﺗﻨﮩﺎﺋﯽ ﮨﮯ
ﻭﺣﺸﺖِ ﺩﻝ ﻧﮯ ﮐﮩﯿﮟ ﮐﺎ ﺑﮭﯽ ﻧﮧ ﺭﮐﮭﺎ لوﮔﻮ
ﺍُﺱ ﻣﯿﮟ ﮨﻤﺖ ﮨﮯﺗﻮ ﺩﺭ ﺁﺋﮯ، ﺍُﭨﮭﺎ ﺩﮮ ﯾﮧ ﺣﺼﺎﺭ
ﺍﭘﻨﮯ ﮔﻨﺒﺪ ﻣﯿﮟ ﺗﻮ ﺩﺭ ﮨﮯ ،ﻧﮧ ﺩﺭﯾﭽﮧ ﻟﻮﮔﻮ
ﺟﯽ ﮐﯽ ﺟﯽ ﮨﯽ ﻣﯿﮟ ﺭﮨﯿﮟ ﺣﺴﺮﺗﯿﮟ ﻃﻮﻓﺎﻧﻮﮞ ﮐﯽ
ﯾﮧ ﺳﻔﯿﻨﮧ ﺗﻮ ﮐﻨﺎﺭﮮ ﮨﯽ ﭘﮧ ﮈﻭﺑﺎ ﻟﻮﮔﻮ
ﺁﺝ ﮐﯽ ﮈﺍﮎ ﺳﮯ ﮐﯿﺎ ﮐﻮﺋﯽ ﻟﻔﺎﻓﮧ ﺁﯾﺎ؟
ﮐﯿﺴﯽ ﺳﺮﮔﻮﺷﯿﺎﮞ ﮐﺮﺗﮯ ﮨﻮ ،ﺍﺭﮮﮐﯿﺎ ﻟﻮﮔﻮ !
ﮐﻮﺋﯽ ﭘﯿﻐﺎﻡ ﺯﺑﺎﻧﯽ ﺑﮭﯽ ﻧﮩﯿﮟ،ﮐﭽﮫ ﺑﮭﯽ ﻧﮩﯿﮟ
ﮨﻢ ﻧﮯ ﺍﭘﻨﮯ ﺁﭖ ﮐﻮ ﺑﮩﺖ ﺩﯾﺮ ﺳﻨﺒﮭﺎﻻ ﻟﻮﮔﻮ
ﺑﻨﺪ ﺁﻧﮑﮭﯿﮟ ﮨﻮﺋﯽ ﺟﺎﺗﯽ ﮨﯿﮟ ،ﭘﺴﺎﺭﯾﮟ ﭘﺎﺅﮞ
ﻧﯿﻨﺪ ﺳﯽ ﻧﯿﻨﺪ ! ﮨﻤﯿﮟ ﺍﺏ ﻧﮧ ﺍﭨﮭﺎﻧﺎ ﻟﻮﮔﻮ
ﺍﯾﮏ ﮨﯽ ﺷﺐ ﮨﮯ ﻃﻮﯾﻞ، ﺍﺗﻨﯽ ﻃﻮﯾﻞ، ﺍﺗﻨﯽ ﻃﻮﯾﻞ !
ﺍﭘﻨﮯﺍﯾّﺎﻡ ﻣﯿﮟ ﺍﻣﺮﻭﺯ ، ﻧﮧ ﻓﺮﺩﺍ ﻟﻮﮔﻮ
ﺍﺏ ﮐﻮﺋﯽ ﺁﺋﮯ ﺗﻮ ﮐﮩﻨﺎ ﮐﮧ " ﻣﺴﺎﻓﺮ ﺗﻮ ﮔﯿﺎ "
ﯾﮧ ﺑﮭﯽ ﮐﮩﻨﺎ ﮐﮧ " ﺑﮭﻼ ﺍﺏ ﺑﮭﯽ ﻧﮧ ﺟﺎﺗﺎ ﻟﻮﮔﻮ "
ﺭﺍﮦ ﺗﮑﺘﮯﮨﻮﺋﮯ ﭘﺘﮭﺮﺍ ﺳﯽ ﮔﺌﯽ ﺗﮭﯿﮟ ﺁﻧﮑﮭﯿﮟ
ﺁﮦ ﺑﮭﺮﺗﮯ ﮨﻮﺋﮯ ﭼﮭﻠﻨﯽ ﮨﻮﺍ ﺳﯿﻨﮧ ﻟﻮﮔﻮ
ﮨﻮﻧﭧ ﺟﻠﺘﮯ ﺗﮭﮯ ﺟﻮ ﻟﯿﺘﺎ ﺗﮭﺎ ﮐﺒﮭﯽ ﺁﭖ ﮐﺎ ﻧﺎﻡ
ﺍﺱ ﻃﺮﺡ ﺍﻭﺭ ﮐﺴﯽ ﮐﻮ ﻧﮧ ﺳﺘﺎﻧﺎ ﻟﻮﮔﻮ