ﻣﮩﺎﺟﺮ ﮨﯿﮟ ﻣﮕﺮ ﮨﻢ ﺍﯾﮏ ﺩﻧﯿﺎ ﭼﮭﻮﮌ ﺁﺋﮯ ﮨﯿﮟ
ﺗﻤﮩﺎﺭﮮ ﭘﺎﺱ ﺟﺘﻨﺎ ﮨﮯ ﮨﻢ ﺍﺗﻨﺎ ﭼﮭﻮﮌ ﺁﺋﮯ ﮨﯿﮟ
ﮐﮩﺎﻧﯽ ﮐﺎ ﯾﮧ ﺣﺼﮧ ﺁﺝ ﺗﮏ ﺳﺐ ﺳﮯ ﭼﮭﭙﺎﯾﺎ ﮨﮯ
ﮐﮧ ﮨﻢ ﻣﭩﯽ ﮐﯽ ﺧﺎﻃﺮ ﺍﭘﻨﺎ ﺳﻮﻧﺎ ﭼﮭﻮﮌ ﺁﺋﮯ ﮨﯿﮟ
ﻧﺌﯽ ﺩﻧﯿﺎ ﺑﺴﺎ ﻟﯿﻨﮯ ﮐﯽ ﺍﮎ ﮐﻤﺰﻭﺭ ﭼﺎﮨﺖ ﻣﯿﮟ
ﭘﺮﺍﻧﮯ ﮔﮭﺮ ﮐﯽ ﺩﮨﻠﯿﺰﻭﮞ ﮐﻮ ﺳﻮﺗﺎ ﭼﮭﻮﮌ ﺁﺋﮯ ﮨﯿﮟ
ﻋﻘﯿﺪﺕ ﺳﮯ ﮐﻼﺋﯽ ﭘﺮ ﺟﻮ ﺍﮎ ﺑﭽﯽ ﻧﮯ ﺑﺎﻧﺪﮬﯽ ﺗﮭﯽ
ﻭﮦ ﺭﺍﮐﮭﯽ ﭼﮭﻮﮌ ﺁﺋﮯ ﮨﯿﮟ ﻭﮦ ﺭﺷﺘﮧ ﭼﮭﻮﮌ ﺁﺋﮯ ﮨﯿﮟ
ﮐﺴﯽ ﮐﯽ ﺁﺭﺯﻭ ﮐﮯ ﭘﺎﺅﮞ ﻣﯿﮟ ﺯﻧﺠﯿﺮ ﮈﺍﻟﯽ ﺗﮭﯽ
ﮐﺴﯽ ﮐﯽ ﺍﻭﻥ ﮐﯽ ﺗﯿﻠﯽ ﻣﯿﮟ ﭘﮭﻨﺪﺍ ﭼﮭﻮﮌ ﺁﺋﮯ ﮨﯿﮟ
ﭘﮑﺎ ﮐﺮ ﺭﻭﭨﯿﺎﮞ ﺭﮐﮭﺘﯽ ﺗﮭﯽ ﻣﺎﮞ ﺟﺲ ﻣﯿﮟ ﺳﻠﯿﻘﮯ ﺳﮯ
ﻧﮑﻠﺘﮯ ﻭﻗﺖ ﻭﮦ ﺭﻭﭨﯽ ﮐﯽ ﮈﻟﯿﺎ ﭼﮭﻮﮌ ﺁﺋﮯ ﮨﯿﮟ
ﺟﻮ ﺍﮎ ﭘﺘﻠﯽ ﺳﮍﮎ ﺍُﻧّﺎﻭ ﺳﮯ ﻣﻮﮨﺎﻥ ﺟﺎﺗﯽ ﮨﮯ
ﻭﮨﯿﮟ ﺣﺴﺮﺕ ﮐﮯ ﺧﻮﺍﺑﻮﮞ ﮐﻮ ﺑﮭﭩﮑﺘﺎ ﭼﮭﻮﮌ ﺁﺋﮯ ﮨﯿﮟ
ﯾﻘﯿﮟ ﺁﺗﺎ ﻧﮩﯿﮟ، ﻟﮕﺘﺎ ﮨﮯ ﮐﭽّﯽ ﻧﯿﻨﺪ ﻣﯿﮟ ﺷﺎﺋﺪ
ﮨﻢ ﺍﭘﻨﺎ ﮔﮭﺮ ﮔﻠﯽ ﺍﭘﻨﺎ ﻣﺤﻠﮧ ﭼﮭﻮﮌ ﺁﺋﮯ ﮨﯿﮟ
ﮨﻤﺎﺭﮮ ﻟﻮﭦ ﺁﻧﮯ ﮐﯽ ﺩﻋﺎﺋﯿﮟ ﮐﺮﺗﺎ ﺭﮨﺘﺎ ﮨﮯ
ﮨﻢ ﺍﭘﻨﯽ ﭼﮭﺖ ﭘﮧ ﺟﻮ ﭼﮍﯾﻮﮞ ﮐﺎ ﺟﺘﮭﺎ ﭼﮭﻮﮌ ﺁﺋﮯ ﮨﯿﮟ
ﮨﻤﯿﮟ ﮨﺠﺮﺕ ﮐﯽ ﺍﺱ ﺍﻧﺪﮬﯽ ﮔﭙﮭﺎ ﻣﯿﮟ ﯾﺎﺩ ﺁﺗﺎ ﮨﮯ
ﺍﺟﻨﺘﺎ ﭼﮭﻮﮌ ﺁﺋﮯ ﮨﯿﮟ ﺍﻟﻮﺭﺍ ﭼﮭﻮﮌ ﺁﺋﮯ ﮨﯿﮟ
ﺳﺒﮭﯽ ﺗﯿﻮﮨﺎﺭ ﻣﻞ ﺟﻞ ﮐﺮ ﻣﻨﺎﺗﮯ ﺗﮭﮯ ﻭﮨﺎﮞ ﺟﺐ ﺗﮭﮯ
ﺩﻭﺍﻟﯽ ﭼﮭﻮﮌ ﺁﺋﮯ ﮨﯿﮟ ﺩﺳﮩﺮﺍ ﭼﮭﻮﮌ ﺁﺋﮯ ﮨﯿﮟ
ﮨﻤﯿﮟ ﺳﻮﺭﺝ ﮐﯽ ﮐﺮﻧﯿﮟ ﺍﺱ ﻟﺌﮯ ﺗﮑﻠﯿﻒ ﺩﯾﺘﯽ ﮨﯿﮟ
ﺍﻭﺩﮪ ﮐﯽ ﺷﺎﻡ ﮐﺎﺷﯽ ﮐﺎ ﺳﻮﯾﺮﺍ ﭼﮭﻮﮌ ﺁﺋﮯ ﮨﯿﮟ
ﮔﻠﮯ ﻣﻠﺘﯽ ﮨﻮﺋﯽ ﻧﺪﯾﺎﮞ ﮔﻠﮯ ﻣﻠﺘﮯ ﮨﻮﺋﮯ ﻣﺬﮨﺐ
ﺍﻟﮧ ﺁﺑﺎﺩ ﻣﯿﮟ ﮐﯿﺴﺎ ﻧﻈﺎﺭﮦ ﭼﮭﻮﮌ ﺁﺋﮯ ﮨﯿﮟ
ﮨﻢ ﺍﭘﻨﮯ ﺳﺎﺗﮫ ﺗﺼﻮﯾﺮﯾﮟ ﺗﻮ ﻟﮯ ﺁﺋﮯ ﮨﯿﮟ ﺷﺎﺩﯼ ﮐﯽ
ﮐﺴﯽ ﺷﺎﻋﺮ ﻧﮯ ﻟﮑﮭﺎ ﺗﮭﺎ ﺟﻮ ﺳﮩﺮﺍ ﭼﮭﻮﮌ ﺁﺋﮯ ﮨﯿﮟ
ﮐﺌﯽ ﺁﻧﮑﮭﯿﮟ ﺍﺑﮭﯽ ﺗﮏ ﯾﮧ ﺷﮑﺎﯾﺖ ﮐﺮﺗﯽ ﺭﮨﺘﯽ ﮨﯿﮟ
ﮐﮧ ﮨﻢ ﺑﮩﺘﮯ ﮨﻮﺋﮯ ﮐﺎﺟﻞ ﮐﺎ ﺩﺭﯾﺎ ﭼﮭﻮﮌ ﺁﺋﮯ ﮨﯿﮟ
ﺷﮑﺮ ﺍﺱ ﺟﺴﻢ ﺳﮯ ﮐﮭﻠﻮﺍﮌ ﮐﺮﻧﺎ ﮐﯿﺴﮯ ﭼﮭﻮﮌﮮ ﮔﯽ
ﮐﮧ ﮨﻢ ﺟﺎﻣﻦ ﮐﮯ ﭘﯿﮍﻭﮞ ﮐﻮ ﺍﮐﯿﻼ ﭼﮭﻮﮌ ﺁﺋﮯ ﮨﯿﮟ
ﻭﮦ ﺑﺮﮔﺪ ﺟﺲ ﮐﮯ ﭘﯿﮍﻭﮞ ﺳﮯ ﻣﮩﮏ ﺁﺗﯽ ﺗﮭﯽ ﭘﮭﻮﻟﻮﮞ ﮐﯽ
ﺍﺳﯽ ﺑﺮﮔﺪ ﻣﯿﮟ ﺍﯾﮏ ﮨﺮﯾﻞ ﮐﺎ ﺟﻮﮌﺍ ﭼﮭﻮﮌ ﺁﺋﮯ ﮨﯿﮟ
ﺍﺑﮭﯽ ﺗﮏ ﺑﺎﺭﺷﻮﮞ ﻣﯿﮟ ﺑﮭﯿﮕﺘﮯ ﮨﯽ ﯾﺎﺩ ﺁﺗﺎ ﮨﮯ
ﮐﮧ ﮨﻢ ﭼﮭﭙﺮ ﮐﮯ ﻧﯿﭽﮯ ﺍﭘﻨﺎ ﭼﮭﺎﺗﺎ ﭼﮭﻮﮌ ﺁﺋﮯ ﮨﯿﮟ
ﺑﮭﺘﯿﺠﯽ ﺍﺏ ﺳﻠﯿﻘﮯ ﺳﮯ ﺩﻭﭘﭩﮧ ﺍﻭﮌﮬﺘﯽ ﮨﻮﮔﯽ
ﻭﮨﯽ ﺟﮭﻮﻟﮯ ﻣﯿﮟ ﮨﻢ ﺟﺲ ﮐﻮ ﮨﻤﮑﺘﺎ ﭼﮭﻮﮌ ﺁﺋﮯ ﮨﯿﮟ
ﯾﮧ ﮨﺠﺮﺕ ﺗﻮ ﻧﮩﯿﮟ ﺗﮭﯽ ﺑﺰﺩﻟﯽ ﺷﺎﺋﺪ ﮨﻤﺎﺭﯼ ﺗﮭﯽ
ﮐﮧ ﮨﻢ ﺑﺴﺘﺮ ﻣﯿﮟ ﺍﯾﮏ ﮨﮉﯼ ﮐﺎ ﮈﮬﺎﻧﭽﺎ ﭼﮭﻮﮌ ﺁﺋﮯ ﮨﯿﮟ
ﮨﻤﺎﺭﯼ ﺍﮨﻠﯿﮧ ﺗﻮ ﺁ ﮔﺌﯽ ﻣﺎﮞ ﭼﮭﭧ ﮔﺌﯽ ﺁﺧﺮ
ﮐﮧ ﮨﻢ ﭘﯿﺘﻞ ﺍﭨﮭﺎ ﻻﺋﮯ ﮨﯿﮟ ﺳﻮﻧﺎ ﭼﮭﻮﮌ ﺁﺋﮯ ﮨﯿﮟ
ﻣﮩﯿﻨﻮﮞ ﺗﮏ ﺗﻮ ﺍﻣﯽ ﺧﻮﺍﺏ ﻣﯿﮟ ﺑﮭﯽ ﺑﺪﺑﺪﺍﺗﯽ ﺗﮭﯿﮟ
ﺳﮑﮭﺎﻧﮯ ﮐﮯ ﻟﺌﮯ ﭼﮭﺖ ﭘﺮ ﭘﻮﺩﯾﻨﮧ ﭼﮭﻮﮌ ﺁﺋﮯ ﮨﯿﮟ
ﻭﺯﺍﺭﺕ ﺑﮭﯽ ﮨﻤﺎﺭﮮ ﻭﺍﺳﻄﮯ ﮐﻢ ﻣﺮﺗﺒﮧ ﮨﻮﮔﯽ
ﮨﻢ ﺍﭘﻨﯽ ﻣﺎﮞ ﮐﮯ ﮨﺎﺗﮭﻮﮞ ﻣﯿﮟ ﻧﻮﺍﻟﮧ ﭼﮭﻮﮌ ﺁﺋﮯ ﮨﯿﮟ
ﯾﮩﺎﮞ ﺁﺗﮯ ﮨﻮﺋﮯ ﮨﺮ ﻗﯿﻤﺘﯽ ﺳﺎﻣﺎﻥ ﻟﮯ ﺁﺋﮯ
ﻣﮕﺮ ﺍﻗﺒﺎﻝ ﮐﺎ ﻟﮑﮭﺎ ﺗﺮﺍﻧﮧ ﭼﮭﻮﮌ ﺁﺋﮯ ﮨﯿﮟ
ﮨﻤﺎﻟﮧ ﺳﮯ ﻧﮑﻠﺘﯽ ﮨﺮ ﻧﺪﯼ ﺁﻭﺍﺯ ﺩﯾﺘﯽ ﺗﮭﯽ
ﻣﯿﺎﮞ ﺁﺅ ﻭﺿﻮ ﮐﺮ ﻟﻮ ﯾﮧ ﺟﻤﻠﮧ ﭼﮭﻮﮌ ﺁﺋﮯ ﮨﯿﮟ
ﻭﺿﻮ ﮐﺮﻧﮯ ﮐﻮ ﺟﺐ ﺑﮭﯽ ﺑﯿﭩﮭﺘﮯ ﮨﯿﮟ ﯾﺎﺩ ﺁﺗﺎ ﮨﮯ
ﮐﮧ ﮨﻢ ﺟﻠﺪﯼ ﻣﯿﮟ ﺟﻤﻨﺎ ﮐﺎ ﮐﻨﺎﺭﮦ ﭼﮭﻮﮌ ﺁﺋﮯ ﮨﯿﮟ
ﺍﺗﺎﺭ ﺁﺋﮯ ﻣﺮﻭﺕ ﺍﻭﺭ ﺭﻭﺍﺩﺍﺭﯼ ﮐﺎ ﮨﺮ ﭼﻮﻻ
ﺟﻮ ﺍﮎ ﺳﺎﺩﮬﻮ ﻧﮯ ﭘﮩﻨﺎﺋﯽ ﺗﮭﯽ ﻣﺎﻻ ﭼﮭﻮﮌ ﺁﺋﮯ ﮨﯿﮟ
ﺟﻨﺎﺏِ ﻣﯿﺮ ﮐﺎ ﺩﯾﻮﺍﻥ ﺗﻮ ﮨﻢ ﺳﺎﺗﮫ ﻟﮯ ﺁﺋﮯ
ﻣﮕﺮ ﮨﻢ ﻣﯿﺮ ﮐﮯ ﻣﺎﺗﮭﮯ ﮐﺎ ﻗﺸﻘﮧ ﭼﮭﻮﮌ ﺁﺋﮯ ﮨﯿﮟ
ﺍِﺩﮬﺮ ﮐﺎ ﮐﻮﺋﯽ ﻣﻞ ﺟﺎﺋﮯ ﺍُﺩﮬﺮ ﺗﻮ ﮨﻢ ﯾﮩﯽ ﭘﻮﭼﮭﯿﮟ
ﮨﻢ ﺁﻧﮑﮭﯿﮟ ﭼﮭﻮﮌ ﺁﺋﮯ ﮨﯿﮟ ﮐﮧ ﭼﺸﻤﮧ ﭼﮭﻮﮌ ﺁﺋﮯ ﮨﯿﮟ
ﮨﻤﺎﺭﯼ ﺭﺷﺘﮯ ﺩﺍﺭﯼ ﺗﻮ ﻧﮩﯿﮟ ﺗﮭﯽ، ﮨﺎﮞ ﺗﻌﻠﻖ ﺗﮭﺎ
ﺟﻮ ﻟﮑﺸﻤﯽ ﭼﮭﻮﮌ ﺁﺋﮯ ﮨﯿﮟ ﺟﻮ ﺩﺭﮔﺎ ﭼﮭﻮﮌ ﺁﺋﮯ ﮨﯿﮟ
ﻭﮦ ﺣﯿﺮﺕ ﺳﮯ ﮨﻤﯿﮟ ﺗﮑﺘﺎ ﺭﮨﺎ ﮐﭽﮫ ﺩﯾﺮ ﭘﮭﺮ ﺑﻮﻻ
ﻭﮦ ﺳﻨﮕﻢ ﮐﺎ ﻋﻼﻗﮧ ﭼﮭﭧ ﮔﯿﺎ ﯾﺎ ﭼﮭﻮﮌ ﺁﺋﮯ ﮨﯿﮟ
ﺍﺑﮭﯽ ﮨﻢ ﺳﻮﭺ ﻣﯿﮟ ﮔﻢ ﺗﮭﮯ ﮐﮧ ﺍﺱ ﺳﮯ ﮐﯿﺎ ﮐﮩﺎ ﺟﺎﺋﮯ
ﮨﻤﺎﺭﮮ ﺁﻧﺴﻮﺅﮞ ﻧﮯ ﺭﺍﺯ ﮐﮭﻮﻻ ﭼﮭﻮﮌ ﺁﺋﮯ ﮨﯿﮟ
ﻣﺤﺮﻡ ﻣﯿﮟ ﮨﻤﺎﺭﺍ ﻟﮑﮭﻨﺆ ﺍﯾﺮﺍﻥ ﻟﮕﺘﺎ ﺗﮭﺎ
ﻣﺪﺩ ﻣﻮﻟﯽٰ ﺣﺴﯿﻦ ﺁﺑﺎﺩ ﺭﻭﺗﺎ ﭼﮭﻮﮌ ﺁﺋﮯ ﮨﯿﮟ
ﻣﺤﻞ ﺳﮯ ﺩﻭﺭ ﺑﺮﮔﺪ ﮐﮯ ﺗﻠﮯ ﻧﺮﻭﺍﻥ ﮐﯽ ﺧﺎﻃﺮ
ﺗﮭﮑﮯ ﮨﺎﺭﮮ ﮨﻮﺋﮯ ﮔﻮﺗﻢ ﮐﻮ ﺑﯿﭩﮭﺎ ﭼﮭﻮﮌ ﺁﺋﮯ ﮨﯿﮟ
ﺗﺴﻠﯽ ﮐﻮ ﮐﻮﺋﯽ ﮐﺎﻏﺬ ﺑﮭﯽ ﮨﻢ ﭼﭙﮑﺎ ﻧﮩﯿﮟ ﭘﺎﺋﮯ
ﭼﺮﺍﻍِ ﺩﻝ ﮐﺎ ﺷﯿﺸﮧ ﯾﻮﮞ ﮨﯽ ﭼﭩﺨﺎ ﭼﮭﻮﮌ ﺁﺋﮯ ﮨﯿﮟ
ﺳﮍﮎ ﺑﮭﯽ ﺷﯿﺮ ﺷﺎﮨﯽ ﺁ ﮔﺌﯽ ﺗﻘﺴﯿﻢ ﮐﯽ ﺯﺩ ﻣﯿﮟ
ﺗﺠﮭﮯ ﮨﻢ ﮐﺮ ﮐﮯ ﮨﻨﺪﻭﺳﺘﺎﻥ ﭼﮭﻮﭨﺎ ﭼﮭﻮﮌ ﺁﺋﮯ ﮨﯿﮟ
ﮨﻨﺴﯽ ﺁﺗﯽ ﮨﮯ ﺍﭘﻨﯽ ﮨﯽ ﺍﺩﺍﮐﺎﺭﯼ ﭘﮧ ﺧﻮﺩ ﮨﻢ ﮐﻮ
ﺑﻨﮯ ﭘﮭﺮﺗﮯ ﮨﯿﮟ ﯾﻮﺳﻒ ﺍﻭﺭ ﺯﻟﯿﺨﺎ ﭼﮭﻮﮌ ﺁﺋﮯ ﮨﯿﮟ
ﮔﺰﺭﺗﮯ ﻭﻗﺖ ﺑﺎﺯﺍﺭﻭﮞ ﻣﯿﮟ ﺍﺏ ﺑﮭﯽ ﯾﺎﺩ ﺁﺗﺎ ﮨﮯ
ﮐﺴﯽ ﮐﻮ ﺍﺱ ﮐﮯ ﮐﻤﺮﮮ ﻣﯿﮟ ﺳﻨﻮﺭﺗﺎ ﭼﮭﻮﮌ ﺁﺋﮯ ﮨﯿﮟ
ﮨﻤﺎﺭﺍ ﺭﺍﺳﺘﮧ ﺗﮑﺘﮯ ﮨﻮﺋﮯ ﭘﺘﮭﺮﺍ ﮔﺌﯽ ﮨﻮﮞ ﮔﯽ
ﻭﮦ ﺁﻧﮑﮭﯿﮟ ﺟﻦ ﮐﻮ ﮨﻢ ﮐﮭﮍﮐﯽ ﭘﮧ ﺭﮐﮭﺎ ﭼﮭﻮﮌ ﺁﺋﮯ ﮨﯿﮟ
ﺗﻮ ﮨﻢ ﺳﮯ ﭼﺎﻧﺪ ﺍﺗﻨﯽ ﺑﮯ ﺭﺧﯽ ﺳﮯ ﺑﺎﺕ ﮐﺮﺗﺎ ﮨﮯ
ﮨﻢ ﺍﭘﻨﯽ ﺟﮭﯿﻞ ﻣﯿﮟ ﺍﯾﮏ ﭼﺎﻧﺪ ﺍﺗﺮﺍ ﭼﮭﻮﮌ ﺁﺋﮯ ﮨﯿﮟ
ﯾﮧ ﺩﻭ ﮐﻤﺮﻭﮞ ﮐﺎ ﮔﮭﺮ ﺍﻭﺭ ﯾﮧ ﺳﻠﮕﺘﯽ ﺯﻧﺪﮔﯽ ﺍﭘﻨﯽ
ﻭﮨﺎﮞ ﺍﺗﻨﺎ ﺑﮍﺍ ﻧﻮﮐﺮ ﮐﺎ ﮐﻤﺮﮦ ﭼﮭﻮﮌ ﺁﺋﮯ ﮨﯿﮟ
ﮨﻤﯿﮟ ﻣﺮﻧﮯ ﺳﮯ ﭘﮩﻠﮯ ﺳﺐ ﮐﻮ ﯾﮧ ﺗﺎﮐﯿﺪ ﮐﺮﻧﺎ ﮨﮯ
ﮐﺴﯽ ﮐﻮ ﻣﺖ ﺑﺘﺎ ﺩﯾﻨﺎ ﮐﮧ ﮐﯿﺎ ﮐﯿﺎ ﭼﮭﻮﮌ ﺁﺋﮯ ﮨﯿﮟ
منور رانا
No comments:
Post a Comment