تصویریں مر جاتئ ہیں

جب تصویریں مر جاتی ہیں
اور مناظر کا نوحہ پڑھتی آنکھوں میں
یادوں کا بلوہ ہوتا ہے
کیا تاریخ تھی ؟
جس دن پہلی بار ملے تھے
کیسا دن تھا ؟
جب اس کی آنکھوں نے کہانی جاری کی تھی
دوست !
بچھڑ جانے والوں کے آنسو ایک سے ہی ہوتے ہیں
ان لوگوں پرغصہ مت کر
یہ مردہ تصویریں دیکھ کے رونے وانے
کہیں بہت زندہ آنکھوں کے ڈسے ہوئے ہیں
کہیں کسی کے تیز بھروسے کی تلوار سے قتل ہوئے ہیں
ان صُمُّ بُکمُّ لوگوں کا حال کبھی جھوٹا نہیں ہوتا
اور یہ حال تبھی ہوتا ہے
جب تعبیریں مر جاتی ہیں
سب تصویریں مر جاتئ ہیں !