کبھی جو مجھ کو تلاش کرنا

کبھی جو مجھ کو تلاش کرنا 
تو چاند راتوں کی چاندنی میں
گل چمن سے سوال کرنا 
اداس کیوں ہو
کیوں اوس قطروں میں
اپنے آنسو چھپا رہے ہو
حسین موسم میں کس کی 
یادوں سے دل کو اپنے ستا رہے ہو
گل چمن یہ سوال سن کر
تمہاری آمد کا حال سن کر
کہے گا کہ
تم جس کو کھوجتے ہو
وہ اس چمن کی تمام خوشبو چرا کے
اب اک نئے چمن میں مہک رہا ہے
اواس کر کے یہاں پہ ہم کو 
کسی چمن میں چہک رہا ہے 
گل چمن کا یہ حال سن کر 
تمہیں لگے گا 
میں بے وفا ہوں
اواس کلیوں کو چھوڑ کر میں
نئی بہاروں کو ڈھونڈتا ہوں
مگر حقیقت میں اس چمن کے 
تمام پھولوں کی خواہشوں کا 
حسین موسم کی بارشوں کا
اور ان کی تمام ناکام کاوشوں کا
نہ میرے دل پہ کوئی اثر ہوا تھا 
نہ میرے دل پہ کوئی اثر ہوا ہے
میں آج بھی اک نئے چمن میں 
پرانے قصے سنا رہا ہوں
جو میری محبت کا دیوتا تھا 
میں آج بھی اس کو پوجتا ہوں
یقیں نہیں تو پلٹ کے دیکھو
وہیں کھڑا تھا 
وہیں کھڑا ہوں

مسيحا

مسيحا ہو....؟؟
تبھی جذبات کی دھڑکن کو
فورا جان لیتے ہو
کبھی الفاظ کی نبضوں کو
اپنی نرم سانسوں سے
چھو کے بھول جاتے ہو
کہ ان لفظوں کے سینے میں بھی
آخر دل دھڑکتے ہیں
سنو
یہ بات کرتے ہیں
رکو !
آواز دیتے ہیں
یہ جذبے سانس لیتے ہیں
تو جب تم دور جاتے ہو
جب ان کو بھول جاتے ہو
تو دھڑکن روٹھ جاتی ہے
تو نبضيں ڈوب جاتی ہیں
یہ سانسيں ٹوٹ جاتی ہیں

مسيحا ہو...؟
تو پھر ان کو
شفا تم کیوں نہیں دیتے

محبّت تو دعا ہے

محبّت تو دعا ہے 
محبّت بھیک میں ہر گز نہیں ملتی
محبّت دان بھی کوئی نہیں کرتا
نہ ہی خیرات کرتا ہے 
محبّت میں کوئی خوشبو کی طرح ساتھ ہوتا ہے 
کسی کے ہاتھ کو تھامے کسی کا ہاتھ ہوتا ہے 
محبّت ایسی خوشبو ہے فقط سانسوں میں بستی ہے 
محبّت تو بہت نازک سا اک احساس ہوتا ہے 
کہیں دل کے نہاں خانوں میں رہتا ہے 
محبّت کا مگر رستہ 
بہت دشوار ہوتا ہے 
بہت پُر خار ہوتا ہے 
محبّت تو دعا ہے 
دل کی گہرائی سے اٹھتی ہے 
تو ہونٹوں سے نکلتی ہے 
پیاس اک ایسی 
کبھی بھی جو نہیں بجھتی 
محبّت بھیک میں ہر گز نہیں ملتی

کچھ دیر ہمارے ساتھ رہو

کچھ دیر ہمارے ساتھ رہو
کچھ اپنے رنگ بکھرنے دو
کچھ اپنی خوشبو بکھراؤ
اور شیریں شبنمی لہجے میں
کوئی نرم ملائم بات کرو
جس لمحے میں موجود ہیں ہم وہ لمحہ موج ہے ساگر کی
تم اِس لمحے کے ساتھ بہو
کچھ دیر ہمارے ساتھ رہو

تاریخ کے جبر کی بات ہی کیا
ہم دونوں کی اوقات ہی کیا
کچھ روپ کا سونا دان کرو، خیرات اپنی مسکان کرو

ہم جیسے شاعر لوگوں کا، جینا مرنا آسان کرو
صندل سی بانہیں پھیلاؤ، کچھ نظمیں غزلیں دے جاؤ
جو شاید باقی رہ جائیں

پھر دو سو سال کے بعد کوئی نقاش کمال ِ فن کر دے
اپنی ہر پور قلم کر دے
اور راج کٹاس کے پتھر پر
اِک لوک روایت نقش کرے
ہم دونوں کو تمثیل کرے، آئینہ عکس بہ عکس کرے
جس عکس پہ خوشبو لہرائے
جس نقش پہ تتلی رقص کرے

پھر ایک ہزار برس گزریں، پھر چار ہزار برس گزریں
آثار شناسی کے ماہر اس دور کی جب تحقیق کریں
اس رسم الخط کو پہچانیں، اس لمحے کی تصدیق کریں
یہ لمحہ قائم و دائم ہو
اِس لمحے کی سب کوملتا ، اس عہد کے شاعر تک پہنچے
یہ قصہ آخر تک پہنچے

کچھ دیر ہمارے ساتھ رہو
کوئی کیا جانے، لمحہ بھر میں، یہ لمحہ اپنے ساتھ نہ ہو
کچھ دیر ہمارے ساتھ رہو

ﺗﻤﮩﯿﮟ ﮐﯿﺴﮯ ﺑﺘﺎﯾٔﯿﮟ ﮨﻢ

ﺗﻤﮩﯿﮟ ﮐﯿﺴﮯ ﺑﺘﺎﯾٔﯿﮟ ﮨﻢ
ﻋﺬﺍﺏِ ﻭﺻﻞ ﮐﮯ ﻭﯾﺮﺍﮞ ﺟﺰﯾﺮﮮ ﭘﺮ
ﮨﻤﺎﺭﮮ ﺭﯾﺸﻤﯽ ﭘﻨﺪﺍﺭ ﻧﮯ
ﻭﮦ ﺭﻭﺯ ﻭ ﺷﺐ ﮐﯿﺴﮯ ﮔﺰﺍﺭﮮ ﮨﯿﮟ
ﮨﺮ ﺍﮎ ﻟﻤﺤﮧ ﺩﻝِ ﺳﺎﺩﮦ ﮐﮯ ﺩﺍﻣﻦ ﻣﯿﮟ
ﮐﻮﯼٔ ﺗﺎﺯﮦ ﺍﺫﯾﺖ ﺗﮭﯽ
ﺷﺒﻮﮞ ﻣﯿﮟ ﺭﺗﺠﮕﻮﮞ ﮐﯽ ﺍﯾﮏ ﺑﮯ ﻭﺟﮧ ﻣﺴﺎﻓﺖ ﺗﮭﯽ
ﻧﮧ ﮐﻮﯼٔ ﺧﻮﺵ ﮔﻤﺎ ﻧﯽ ﺗﮭﯽ ﻧﮧ ﮐﻮﯼٔ ﺑﺪ ﮔﻤﺎﻧﯽ ﺗﮭﯽ
ﺑﮩﺖ ﮨﯽ ﺩُﻭﺭ ﺗﮏ ﭘﮭﯿﻠﯽ ﮨﻮﯼٔ ﺍﮎ ﺭﺍﯾٔﮕﺎ ﻧﯽ ﺗﮭﯽ
ﻓﻀﺎ ﻣﯿﮟ ﺗﺸﻨﮕﯽ ﮐﮯ ﺳﺎﺣﻠﻮﮞ ﮐﯽ ﺭﯾﺖ ﺍُﮌﺗﯽ ﺗﮭﯽ
ﺯﻣﯿﮟ ﭘﺮ ﺑﺎﺩﻟﻮﮞ ﮐﮯ ﺁﻧﺴﻮﺅﮞ ﮐﮯ ﻧﻘﺶ ﺑﻨﺘﮯ ﺗﮭﮯ
ﺟﮩﺎﮞ ﺑﮭﯽ ﺷﺎﻡ ﮈﮬﻠﺘﯽ ﺗﮭﯽ
ﻭﮨﯿﮟ ﺳﺐ ﺭﻭﺷﻨﯽ ﮐﮯ ﺍﺳﺘﻌﺎﺭﮮ ﮈﻭﺏ ﺟﺎﺗﮯ ﺗﮭﮯ
ﮨﻤﺎﺭﮮ ﻧﺎﻡ ﮐﮯ ﺳﺎﺭﮮ ﺳﺘﺎ ﺭﮮ ﭨﻮﭦ ﺟﺎﺗﮯ ﺗﮭﮯ
ﺗﻤﮩﯿﮟ ﮐﯿﺴﮯ ﺑﺘﺎﯾٔﯿﮟ ﮨﻢ
ﯾﮧ ﺗﻢ ﺟﻮ ﻭﺻﻞ ﮐﯽ ﺗﺎﺯﮦ ﮐﮩﺎﻧﯽ ﮐﻮ
ﮐﮩﯿﮟ ﺁﻏﺎ ﺯ ﮐﺮﻧﮯ ﭘﺮ
ﺑﮩﺖ ﺍِﺻﺮﺍﺭ ﮐﺮﺗﮯ ﮨﻮ
ﮨﻤﺎﺭﯼ ﺑﮯ ﻧﯿﺎﺯﯼ ﮐﺎ ﮔِﻠﮧ ﮨﺮ ﺑﺎﺭ ﮐﺮﺗﮯ ﮨﻮ
ﮔﻼﺑﯽ ﺧﻮﺍﮨﺸﻮﮞ ﮐﻮ ﻧﯿﻨﺪ ﺳﮯ ﺑﯿﺪﺍﺭ ﮐﺮﺗﮯ ﮨﻮ
ﺗﻮ ﺍﮮ ﺳﺎﺗﮭﯽ
ﻣِﺮﮮ ﺍﮮ ﺭﺍﺯﺩﺍﮞ ﺳﺎﺗﮭﯽ
ﺗﻤﮩﺎﺭﮮ ﻧﺮﻡ ﻟﮩﺠﮯ ﮐﯽ ﺍﺩﺍﺳﯽ
ﺍﻭﺭ ﺗﻤﮩﺎﺭﮮ ﺟﺬﺑۂ ﻭ ﺍﺣﺴﺎﺱ ﮐﯽ ﺳﭽﺎﯾٔﯿﺎ ﮞ ﺍﭘﻨﯽ ﺟﮕﮧ
ﻟﯿﮑﻦ
ﮨﻤﺎﺭﮮ ﺍﺱ ﻭﺟﻮﺩِ ﻧﯿﻢ ﺟﺎﮞ ﮐﻮ ﺭﺍﺱ ﮨﯽ ﮐﺐ ﮨﮯ
ﺗﺐ ﻭ ﺗﺎﺏِ ﻣﺤﺒﺖ ﮐﯽ ﺍﺳﯿﺮﯼ ﻣﯿﮟ
ﻓﻨﺎ ﮨﻮ ﮐﺮ ﻣﺘﺎﻉِ ﺟﺎﻭﺩﺍﮞ ﮨﻮﻧﺎ
ﮐﺴﯽ ﮐﺎ ﻣﮩﺮﺑﺎﮞ ﮨﻮﻧﺎ

آج یہ سب کچھ نام تمھارے

آج یہ سب کچھ نام تمھارے

ساحل
ریت
سمندر
لہریں
بستی
دوستی
صحرا
دریا
خوشبو
موسم
پھول
دریچے
بادل
سورج
چاند
ستارے
آج یہ سب کچھ نام تمھارے
خواب کی باتیں
یاد کے قصے
سوچ کے پہلو
نیند کے لمحے
درد کے آنسو
چین کے نغمے
اڑتے وقت کے بہتے دھارے
روح کی آہٹ
جسم کی جنبش
خون کی گردش
سانس کی لرزش
آنکھ کا پانی
چاہت کے یہ عنوان سارے
آج یہ سب کچھ نام تمھارے

ﻣﺤﺒﺖ ﺭﻧﮓ ﺭﮐﮭﺘﯽ ﮨﮯ

ﺳﻨﺎ ﮨﮯ ﻣَﯿﮟ ﻧﮯ ﻟﻮﮔﻮﮞ ﺳﮯ
ﻣﺤﺒﺖ ﺍﻧﺪﮬﯽ ﮨﻮﺗﯽ ﮨﮯ
ﻣَﯿﮟ ﮐﯿﺴﮯ ﻣﺎﻥ ﻟﻮﮞ ﺟﺎﻧﺎﮞ؟
ﯾﮩﺎﮞ ﺗﻮ ﻣَﯿﮟ ﻧﮯ ﺩﯾﮑﮭﺎ ﮨﮯ
ﻣﺤﺒﺖ ﺭﻧﮓ ﺭﮐﮭﺘﯽ ﮨﮯ
ﺟﮩﺎﮞ ﻣﯿﮟ ﺯﻧﺪﮦ ﺭﮨﻨﮯ ﮐﮯ
ﮨﺰﺍﺭﻭﮞ ﮈﮬﻨﮓ ﺭﮐﮭﺘﯽ ﮨﮯ
ﺟﻮ ﺍِﺱ ﮐﮯ ﺳﺎﺗﮫ ﭼﻠﺘﮯ ﮨﯿﮟ
ﺍُﻧﮩﯿﮟ ﯾﮧ ﺳﻨﮓ ﺭﮐﮭﺘﯽ ﮨﮯ
ﻣﺤﺒﺖ ﺭﻧﮓ ﺭﮐﮭﺘﯽ ﮨﮯ
ﺑﮩﺖ ﮨﯽ ﺧﻮﺑﺼﻮﺭﺕ ﮨﯿﮟ ﮐﮭﻠﯽ ﺍٓﻧﮑﮭﯿﮟ
ﻣﺤﺒﺖ ﮐﯽ ﻣﺤﺒﺖ ﺭﻭﺷﻨﯽ ﺑﮭﯽ ﮨﮯ
ﮨﺮ ﺍﮎ ﭼﺸﻢِﺑﺼﯿﺮﺕ ﮐﯽﻣﺤﺒﺖ ﺍﯾﮏ ﺗﺘﻠﯽ ﮨﮯ
ﺟﻮ ﮔﻠﺸﻦ ﮐﯽ ﻓﻀﺎﻭٔﮞ ﻣﯿﮟ ﺍﻧﻮﮐﮭﮯ ﺭﻧﮓ ﺑﮭﺮﺗﯽ ﮨﮯ
ﺍﮔﺮ ﺍِﺱ ﮐﻮ ﭘﮑﮍ ﻟﯿﮟ ﺗﻮﭘﺮﻭﮞ ﮐﮯ ﺭﻧﮓ ﺩﮮ ﺩﯾﺘﯽ ﮨﮯ
ﯾﮧ ﮨﺎﺗﮭﻮﮞﮐﯽ ﭘﻮﺭﻭﮞ ﮐﻮ ﻣﮕﺮ ﭘﮭﺮ ﺍُﮌ ﻧﮩﯿﮟ ﺳﮑﺘﯽ
ﻣﺤﺒﺖ ﻧﺮﻡ ﻭ ﻧﺎﺯﮎ ﮨﮯﻣﺤﺒﺖ ﭘﮭﻮﻝ ﺟﯿﺴﯽ ﮨﮯ
ﮐﺴﯽ ﭼﻨﭽﻞ ﺣﺴﯿﻨﮧ ﮐﯽﻧﺮﺍﻟﯽ ﺑﮭﻮﻝ ﺟﯿﺴﯽ ﮨﮯ
ﻣﺤﺒﺖ ﺩﻝ ﻣﯿﮟ ﺍﺗﺮﮮ ﺗﻮﻣﮩﮑﺘﺎ ﮨﮯ ﻣﺸﺎﻡِ ﺟﺎﮞ ﻣﺤﺒﺖ ﭼﻨﺪ ﻟﻤﺤﻮﮞ ﻣﯿﮟ ﻭﮦ ﺭﺷﺘﮯ ﺟﻮﮌﺩﯾﺘﯽ ﮨﮯ
ﺟﻮ ﻧﻔﺮﺕ ﺗﻮﮌ ﺩﯾﺘﯽ ﮨﮯ
ﻣﺤﺒﺖ ﺍﮎ ﮐﮩﺎﻧﯽ ﮨﮯﻣﺤﺒﺖ ﺯﻧﺪﮔﺎﻧﯽ ﮨﮯﻣﺤﺒﺖ ﻗﺪﺭ ﺩﺍﻧﻮﮞ ﮐﺎ ﮨﻤﯿﺸﮧ ﻣﺎﻥ ﺭﮐﮭﺘﯽﮨﮯ
ﯾﮧ ﮨﺮ ﻣﺤﻔﻞ ﻣﯿﮟ ﺍﭘﻨﯽ ﺍﮎ ﺍﻟﮓ ﭘﮩﭽﺎﻥ ﺭﮐﮭﺘﯽ ﮨﮯ
ﻣﺤﺒﺖ ﺟﺎﻥ ﺭﮐﮭﺘﯽ ﮨﮯﯾﮧ ﺩﻝ ﻭﺍﻟﻮﮞ ﮐﯽ ﺑﺴﺘﯽ ﻣﯿﮟ ﺩِﻟﻮﮞ ﭘﺮﺭﺍﺝ ﮐﺮﺗﯽ ﮨﮯ
ﻣﺤﺒﺖ ﺯﻧﺪﮔﯽ ﮐﯽ ﺩﺍﺳﺘﺎﮞ ﻣﯿﮟ ﺭﻧﮓﺑﮭﺮﺗﯽ ﮨﮯ ﯾﮧ ﺍﯾﺴﮯ ﮐﺎﻡ ﮐﺮﺗﯽ ﮨﮯﻣَﯿﮟ ﮐﯿﺴﮯ ﻣﺎﻥ ﻟﻮﮞ ﺟﺎﻧﺎﮞ؟
ﻣﺤﺒﺖ ﺍﻧﺪﮬﯽ ﮨﻮﺗﯽ ﮨﮯ
ﻣﺤﺒﺖ ﺷﺎﻥ ﺭﮐﮭﺘﯽ ﮨﮯﺍﻟﮓ ﭘﮩﭽﺎﻥ ﺭﮐﮭﺘﯽ ﮨﮯ ﻭﻓﺎ ﮐﮯ ﻣﺮَﻍ ﺯﺍﺭﻭﮞ ﻣﯿﮟﯾﮧ 
ﻣﻈﮩﺮؔ ﺳﻨﮓ ﺭﮐﮭﺘﯽ ﮨﮯﻣﺤﺒﺖ ﺭﻧﮓ ﺭﮐﮭﺘﯽ ہے

محبٌت میں ابھی ترمیم باقی ھے،

محبٌت میں ابھی ترمیم باقی ھے،
ابھی کچھ یاد رکھنااور کچھ کچھ،
بھولنا بھی ھے
ابھی لوگوں کے طعنے دل پہ لکھنے ھیں
ابھی کچھ خواب تکنے ھیں
ابھی کچھ جھوٹ کہنے ھیں
ابھی کچھ درد سہنے ھیں
ابھی کچھ اشک بہنے ھیں
ابھی ہنسنا ہنسانا،
روٹھنا اور مان جانا ھے،
ابھی تو گھر بنانا ھے،
مقدرٌ آزمانا ھے
ابھی دل کی،وفاؤں کی،
ابھی چنچل ھواؤں کی،
ابھی کانٹوں کی،پھولوں کی
ابھی اندھے اصولوں کی
ھر اک تقسیم باقی ھے
محبٌت میں ابھی ترمیم باقی ھے

یہ وقتِ ہجرت ہے

پرندوں نے پرندوں سے کہا
آؤ یہ بستی چھوڑ دیں
ہجرت کریں
یہ وقتِ ہجرت ہے
یہاں رہنا کسی بھی طور اب بہتر نہیں ہے
چلو آؤ
طلوعِ صبح سے پہلے نکلنے کی کوئی صورت کریں
ایسا نہ ہو یہ ساری بستی جاگ جائے
اور سارے راستے مسدود ہو جائیں
یہاں کے منصفوں کی، حکمرانوں کی ہر اک منطق نرالی ہے
یہاں ہر چیز بکتی ہے
یہاں ہر شے کی قیمت ہے
یہاں کیا کیا نہیں ہوتا
یہاں طاقت کے بل بوتے پہ جو چاہو وہ ممکن ہے
ہماری چہچہاہٹ کے کوئی معنی نہیں ہیں
ہمارے دلنشیں نغمات کی کس کو ضرورت ہے
یہاں اہلِ ہوس نے اپنی مرضی کا ہر اک منظر تراشا ہے
نیا سورج نکلنے میں ابھی کچھ دیر باقی ہے
ابھی کچھ زلزلے کچھ آندھیاں جاروب کش ہوں گی
ابھی نقارہ بجنا ہے
ابھی پردوں کے پیچھے جگمگاتی روشی کو ماند ہونا ہے
ابھی خیمے اکھڑنے ہیں
ابھی منظر بدلنا ہے
چلو آؤ کسی ویراں جزیرے پر اترتے ہیں
نئی صبح طلوع ہو گی
تو واپس لوٹ آئیں گے

شام کا ملگجا سا جُھٹپٹا

شام کا ملگجا سا جُھٹپٹا
چلتے چلتے جانے کیوں
راہ روک لیتا ھے
وسوسوں کی دنیا کا
اک اجنبیٰ سا اندیشہ
پیروں سے لپٹتا ھے
یاد کی گاگریا میں بوند بوند
لمحوں کا رس چھلکتا جاتا ھے
تار تار وعدوں کا ساز جُھنجُھنا کر پھر
ٹوٹتے تعلق کی پتھریلی دیواروں میں
در کوئی بناتا ھے
بھولے بسرے لمحوں کا وہ
اَمرِت رَس، یاد کی گاگریا میں
پھر چھلکنے لگتا ھے
راکھ راکھ جذبوں میں پھر سے کوئی چنگاری
سانس لینے لگتی ھے
لیکن!
چلتے چلتے جانے کیوں
وسوسوں کی دنیا کا
اک اجنبیٰ سا اندیشہ
پیروں سے لپٹ کر
پھر راہ روک لیتا ھے
شام کا وہ ملگجا سا جُھٹپٹا
دھیرے دھیرےگہرا ھونے لگتا 

مسیحا

ہے کوئی مسیحا ایسا
کہ سماعتوں کی حسرتوں سے ، گم شدہ سی مسرتوں سے
ہجر ہمالہ رفعتوں سےکھوئی کھوئی سی قربتوں سے
اظہارِ مبہم کے ہاتھوں
کبھی جو قطرہ قطرہ کرم ہے برسا
پھر اس پہ پیہم ستم ہے برسا
لفظ کا سر قلم قلم کیوں ،
ربط اتنا مبہم مبم کیوں،
نہیں نیہں یہ ّغم نہیں ہےَ برکھا میں پانی تو کم نیہں ہے۔۔۔
چشم نم کا الم نہیں ہے َ اسکو چاہنا اسی کو چاہنا جرم نہیں ہے
سماعتوں کے حساب میں بھی
نظر میں بھیگے خواب میں بھی
یہ منظروں پہ ٹپکتی بوندیں، صفحہ ہستی بھگوتی بوندیں
یادِ جاناں پہ لپکتی بوندیں، کشتیِ دل ڈبوتی بوندیں
سوال بھی ہیں الجھے الجھے
جواب بھی ہیں الجھے الجھے
انہی کے دستِ کرم کے ہاتھوں کوئی جو
محرومیِ یار کی دلدلون میں کبھی گرا تو
ہے کوئی مسیحا ایسا
کہ جس کہ دم سے
یہ دل بھی پھر سے زندہ رہ سکے
ہے کوئی مسیحا ایسا
جو اک بار ہی “ قم باذنی“ کہہ سکے

ﮐﻮﻥ ﮨﮯ ﺍﯾﺴﺎ ﺑﮭﻼ

ﮐﻮﻥ ﮨﮯ ﺍﯾﺴﺎ ﺑﮭﻼ
ﻭﮦ ﺳﺐ ﺟﺎﻧﺘﺎ ﮨﮯ
ﻭﮦ ﺳﯿﻨﮯ ﮐﮯ ﭼﮭﭙﮯ ﺭﺍﺯﻭﮞ ﺳﮯ ﺑﮭﯽ ﻭﺍﻗﻒ
ﭘﮭﺮ ﺑﮭﯽ ﺑﺎﺭ ﺑﺎﺭ ﯾﮩﯽ ﮐﮩﺘﺎ
ﺍﺩﻋﻮﻧﯽ ﺍﺳﺘﺠﺐ ﻟﮑﻢ
ﺑﺲ ﻣﺠﮭﮯ ﺳﻨﺎؤ
ﺑﺲ ﻣﺠﮭﮯ ﺑﺘﺎﺅ
ﻭﮨﯽ ﺳﺐ ﺟﻮ ﻣﯿﮟ ﺟﺎﻧﺘﺎ ﮨﻮﮞ
ﻭﮨﯽ ﺳﺐ ﺟﻮ ﺗﻢ ﺑﺎﺭ ﺑﺎﺭ ﺑﺘﺎ ﭼﮑﮯ ﮨﻮﺗﮯ ﮨﻮ
ﭘﮭﺮ ﻭﮨﯽ ﺳﺐ ﺑﺘﺎﺅ
ﻣﺠﮭﮯ ﮨﯽ ﺑﺘﺎﺅ
ﻭﮦ ﺑﺎﺭ ﺑﺎﺭ ﺳﻦ ﮐﺮ ﺑﮭﯽ ﻧﮩﯿﮟ ﮐﮩﺘﺎ
ﮐﮧ ﺗﻢ ﺍﮎ ﮨﯽ ﺑﺎﺕ ﺑﺎﺭ ﺑﺎﺭ ﺩﮨﺮﺍﺗﮯ ﮬﻮ ﺳﻦ ﻟﯿﺎ ﻧﺎ
ﻣﯿﺮﮮ ﺁﻧﺴﻮﻭﮞ ﮐﯽ ﺑﮭﯽ ﻗﺪﺭ ﯾﻮﮞ ﮐﺮﺗﺎ ﮐﮧ ﺍﻧﮩﯿﮟ ﮔﺮﻧﮯ ﺳﮯ ﭘﮩﻠﮯ
ﻓﺮﺷﺘﻮﮞ ﮐﻮ ﻭﮦ ﺁﻧﺴﻮﻭﮞ ﮐﮯ ﻗﻄﺮﮮ ﺯﻣﯿﮟ ﭘﺮ ﮔﺮﻧﮯ ﺳﮯ ﭘﮩﻠﮯ ﺍﭨﮭﺎﻧﮯ ﮐﻮ
ﺑﮭﯿﺞ ﺩﯾﺘﺎ
. ﻧﮧ ﮐﺒﮭﯽ ﯾﮧ ﮐﮩﺘﺎ ﮐﮧ ﺗﻢ ﺑﺲ ﺭﻭﺗﯽ ﮨﯽ ﺭﮨﻨﺎ
ﻧﮧ ﮨﯽ ﮐﺒﮭﯽ ﯾﮧ ﮐﮩﺘﺎ ﮐﮧ ﺗﻢ ﻧﮯ ﺗﻮ ﺁﻧﺴﻮﻭﮞ ﮐﯽ ﻓﯿﮑﭩﺮﯼ ﻟﮕﺎﯾﯽ ﮨﻮﺋﯽ
ﻧﮧ ﮐﺒﮭﯽ ﯾﮧ ﮐﮩﺘﺎ ﮐﮧ ﺭﻭﻧﺎ ﺗﻮ ﺑﺲ ﺗﻤﮩﺎﺭﯼ ﻋﺎﺩﺕ ﮬﮯ
ﻧﮧ ﮐﺒﮭﯽ ﺍﯾﺴﺎ ﮨﻮﺍ ﮐﮧ ﻣﯿﮟ ﺍﺳﮯ ﺍﭘﻨﯽ ﻣﺤﺒﺖ ﮐﺎ ﯾﻘﯿﻦ ﺩﻻﻭﮞ ﺗﻮ ﻭﮦ
ﮐﺒﮭﯽ ﻣﯿﺮﯼ ﭨﻮﭨﯽ ﭘﮭﻮﭨﯽ ﻣﺤﺒﺖ ﮐﻮ ﻣﯿﺮﮮ ﻣﻨﮧ ﭘﺮ ﻧﮩﯿﮟ
ﺩﮮ ﻣﺎﺭﺗﺎ
ﺑﻠﮑﮧ ﮨﺮ ﺑﺎﺭ ﻣﯿﺮﯼ ﻣﺤﺒﺖ ﮐﮯ ﺩﻋﻮﯼ ﮐﻮ ﻣﺴﮑﺮﺍ ﮐﺮ ﺳﻨﺘﺎ ﮬﮯ
ﮐﺒﮭﯽ ﻧﮩﯿﮟ ﮐﮩﺘﺎ ﮐﮧ ﺑﺲ ﮐﺮﻭ ﯾﮧ ﮈﺭﺍﻣﮧ ﺑﺎﺯﯼ ﺟﺎﻧﺘﺎ ﮨﻮﮞ ﮐﺘﻨﯽ ﻣﺤﺒﺖ
ﮨﮯ
ﺁﮦ ﻭﮦ ﻣﯿﺮﺍ ﺭﺏ
ﮐﯿﺴﮯ ﻇﺮﻑ ﻭﺍﻻ
ﮨﺮ ﺑﺎﺭ ﻣﺠﮭﮯ ﭨﻮﭨﯽ ﭘﮭﻮﭨﯽ ﻣﺤﺒﺖ ﮐﮯ ﺑﺪﻟﮯ ﺍﭘﻨﯽ ﺍﺻﻠﯽ ﻭﺍﻟﯽ ﻣﺤﺒﺖ
ﺍﻭﺭ ﺭﺣﻤﺖ ﻣﯿﮟ ﮈﮬﺎﻧﭗ ﻟﯿﺘﺎ
ﮐﻮﻥ ﮨﮯ ﺍﯾﺴﺎ ﺑﮭﻼ

جب درد بھرے ہے دھڑکن میں

جب درد بھرے ہے دھڑکن میں
اور آنکھیں ساون بھادوں ہوں
پھر یوں بھی تو جینا پڑتا ہے
ہر زخم چُھپانا پڑتا ہے
ہنس ہنس کے دِکھانا پڑتا ہے
اِک آگ سی دل میں لگتی ہے
ہر آن سُلگنا پڑتا ہے
دُنیا کے ریت رواجوں پر
اس دل کو مِٹانا پڑتا ہے
رسموں کو نِبھانا پڑتا ہے
سینے میں سُلگتے ہیں ارماں
ارمانوں کی زندہ قبروں پر
ہر خواہش نوحہ پڑھتی ہے
پر جی کے دِکھانا پڑتا ہے
اشکوں کو چھُپا کر آنکھوں میں
گھُٹ گھُٹ کے سسکنا پڑتا ہے
جیون کے ادھور ے سپنوں کو
دل میں ہی سُلانا پڑتا ہے
ایسے بھی تو جینا پڑتا ہے
ہر زہر کو پینا پڑتا ہے
مجبوراً جینا پڑتا ہے
افسوس کہ جینا پڑتا ہے

ﮐﺴﯽ ﻟﮍﮐﯽ ﺳﮯ ﻣَﺖ ﮐﮩﻨﺎ

سنو
ﮐﺴﯽ ﻟﮍﮐﯽ ﺳﮯ ﻣَﺖ ﮐﮩﻨﺎ
ﮐﮯ ﺍﺱ ﺳﮯ ﭘﯿﺎﺭ ﮐﺮﺗﮯ ﮨﻮ
ﺍﮔﺮﭼﮯ ﺑﮯ ﺩﮬﯿﺎﻧﯽ ﻣﯿﮟ
ﯾﮧ ﺍﻗﺮﺍﺭ ﮐﺮ ﺑﯿﭩﮭﮯ
ﮐﺴﯽ ﺳﮯ ﭘﯿﺎﺭ ﮐﺮ ﺑﯿﭩﮭﮯ
ﺗﻮ ﭘﮭﺮ ﻭﻋﺪﻭﮞ ﮐﯽ ﮈﻭﺭﻭﮞ ﻣﯿﮟ
ﺍُﻟﺠﮫ ﮐﺮ ﭨﻮﭦ ﺟﺎﺅ ﮔﮯ
ﺗﻤﮭﺎﺭﮮ ﭘﯿﺎﺭ ﮐﺎ ﺍﺱ ﮐﻮ
ﺍﮔﺮ ﺍﺣﺴﺎﺱ ﮨﻮ ﺟﺎﺋﮯ
ﺗﻮ ﮨﻮ ﺳﮑﺘﺎ ﮨﮯ ﺗﻢ ﺍﺱ ﮐﺎ
ﺭﻧﮓ ﻭ ﺭﻭﭖ ﺑﻦ ﺟﺎﺅ
ﻣﺤﺒﺖ ﮐﮯ ﺳﻔﺮ ﻣﯿﮟ ﺷﺎﯾﺪ
ﺍﯾﺴﺎ ﻣﻮﮌ ﺁﺟﺎﺋﮯ
ﮐﮯ ﺗﻢ ﻧﺎﺭﺍﺿﮕﯽ ﮐﺎ
ﺑﺮﻣﻼ ﺍﻇﮩﺎﺭ ﮐﺮ ﺑﯿﭩﮭﮯ
ﮐﻮﺋﯽ ﺍﻧﮑﺎﺭ ﮐﺮ ﺑﯿﭩﮭﮯ
ﺗﻮ ﯾﮧ ﺳﻤﺠﮭﻮ ﮐﻮﺋﯽ ﺷﯿﺸﮧ
ﮐﻮﺋﯽ ﺩﻝ ﭨﻮﭦ ﺟﺎﺋﮯ ﮔﺎ
ﮐﮯ ﺍﻥ ﮐﮯ ﺩﻝ ﺑﮩﺖ ﻧﺎﺯﮎ
ﺑﮩﺖ ﮐﻤﺰﻭﺭ ﮨﻮﺗﮯ ﮨﯿﮟ
ﮐﺴﯽ ﻟﮍﮐﯽ ﮐﮯ ﺩﻝ ﮐﺎ ﭨﻮﭨﻨﺎ ﺑﮭﯽ
ﻣﻮﺕ ﮨﻮﺗﯽ ﮨﮯ
ﮐﺴﯽ ﻟﮍﮐﯽ ﺳﮯ ﻧﺎ ﮐﮩﻨﺎ
ﮐﮯ ﺍﺱ ﺳﮯ ﭘﯿﺎﺭ ﮐﺮﺗﮯ ﮨﻮ

ایک تمنّا، ایک دعا

کوئی تو مجھ کو اسیر کر لے
کوئی تو مجھ کو بنا لے اپنا
مجھے بتائے کہ پیار کیا ہے؟
محبتوں کی کہانیوں میں
الفتوں میں، جوانیوں میں
سنا ہے میں نے، بہت ہے نشّہ
کہ جو محبت میں ڈوب جائے
کسی حسینہ کی جھیل جیسی
حسین آنکھوں میں کود جائے
تو واپسی کا کوئی بھی رستہ
کبھی کسی کو ملا نہیں ہے
سیاہ گیسو، دراز گیسو
اپنی تاریک وادیوں میں
کسی بچارے کو جب چھپا لیں
سیاہ زلفوں کی وادیوں میں
حیات اس کی تمام ہو گی
کسی کی آنکھوں کی ایک جنبش
یہ مینا ساغر فنا کرا دے
کسی مہذّب کو یہ ہی آنکھیں
شراب میں سر تا پا ڈبو دیں
کسی کی باتوں سے خوشبو آئے
کسی کے بولوں سے شعلے لپکیں
کسی کے ہونٹوں سے پھول برسیں
کسی کے ہونٹوں سے جام ٹپکیں
حیات ہونٹوں میں گم ہو جائے
کسی کو لب یہ دوام بخشیں
کوئی ہتھیلی کے جال میں سے
اپنے پیارے کا نام ڈھونڈے
کوئی کسی کے سفید ہاتھوں
کے ایک بوسے کو جام جانے
کوئی کسی کے حنائی ہاتھوں
سے اپنے بالوں کی مانگ چاہے
کوئی کسی کی دراز گردن
پہ اپنی گردن کٹانا چاہے
یہاں تو کوئی کسی کے پیروں
پہ اپنے ہونٹوں کا اذن چاہے
کوئی تو یاروں کے راستے میں
اپنی پلکیں بچھانا چاہے
کوئی کسی کے بدن کی خوشبو
سے اپنی سدھ بدھ بھلا ہی بیٹھے
حد تو یہ کہ کسی کے تل پہ
جہان سارا ہی وار ڈالے
یہ ساری باتیں سنی ہیں میں نے
یہ ساری باتیں پڑھی ہیں میں نے
ہے ساری باتوں کا ایک مطلب
پیار سچا ہے بس جہاں میں
کہ جھوٹ اس کے سوا سبھی ہے
اگر ہے اتنا ہی پیار سچا
کوئی تو مجھ کو اسیر کر لے
کسی کی آنکھوں کی وادیوں میں
مری طبیعت بھی کیف پائے
کسی کے ہاتھوں یا اس کے پیروں
یا اس کی لمبی حسین گردن
یا اس کی زلفوں کی چھاؤں میں ہی
کبھی تو مجھ کو بھی نیند آئے
کوئی تو مجھ کو بھی مار ڈالے
کوئی تو مجھ کو اسیر کر لے
کوئی تو میرا حصار توڑے
کوئی یہ شاہی مزاج بدلے
کوئی تو مجھ کو فقیر کر دے

وقت اپنی ڈگر پہ چلتا ہے

وقت اپنی ڈگر پہ چلتا ہے
وقت کب اپنے اختیار میں ہے
ہاں مگر ایک بات ممکن ہے
وقت کی ساری کروٹوں سے الگ
کچھ ہمارے بھی اختیار میں ہے

بر ملا اس سے کہہ تو سکتے ہیں
یہ جو سینے میں ہے الاؤ سا
یہ جوآنکھوں میں اک نمی سی ہے
یہ جو کچھ خواب ریزہ ریزہ ہیں
یہ جو اب رتجگے مقدر ہیں

چاند راتوں میں دل مچلتا ہے
ایک وحشت سی ہونے لگتی ہے
یہ جو اک بے کلی سی رہتی ہے
یہ جو اک مستقل اداسی ہے
یہ جو اک طرز زندگی اب ہے
اس سے پہلے ہمارے روز و شب
کب بھلا اس طرح گزرتے تھے

ہم کہاں کھوئے کھوئے رہتے تھے
ایسی راہوں سے آشنا کب تھے
اس کو اتنا بتا تو سکتے ہیں
اس سے یہ بات کر تو سکتے ہیں
ایک دستک کی آس رہتی ہے
ایک آہٹ کے منتظر ہیں ہم
تم سے مل کر بدل گیے ہیں ہم
یہ بتانے میں کیا قباحت ہے

ﻣﯿﺮﮮ ﮨﻤﺴﻔﺮ، ﺗﺠﮭﮯ ﮐﯿﺎ ﺧﺒﺮ

ﯾﮧ ﺟﻮ ﻭﻗﺖ ﮨﮯ ﮐﺴﯽ ﺩﮬﻮﭖ ﭼﮭﺎﺅﮞ
ﮐﮯﮐﮭﯿﻞ ﺳﺎ
ﺍﺳﮯ ﺩﯾﮑﮭﺘﮯ، ﺍﺳﮯ ﺟﮭﯿﻠﺘﮯ
ﻣﯿﺮﯼ ﺁﻧﮑﮫ ﮔﺮﺩ ﺳﮯ ﺍﭦ ﮔﺌﯽ...
ﻣﯿﺮﮮ ﺧﻮﺍﺏ ﺭﯾﺖ ﻣﯿﮟ ﮐﮭﻮ ﮔﺌﮯ
ﻣﯿﺮﮮ ﮨﺎﺗﮫ ﺑﺮﻑ ﺳﮯ ﮨﻮ ﮔﺌﮯ
ﻣﯿﺮﮮ ﺑﮯ ﺧﺒﺮ، ﺗﯿﺮﮮ ﻧﺎﻡ ﭘﺮ
ﻭﮦ ﺟﻮ ﭘﮭﻮﻝ ﮐﮭﻠﺘﮯ ﺗﮭﮯ ﮨﻮﻧﭩﻮﮞ ﭘﺮ
ﻭﮦ ﺟﻮ ﺩﯾﭗ ﺟﻠﺘﮯ ﺗﮭﮯ ﺑﺎﻡ ﭘﺮ
ﻭﮦ ﻧﮩﯿﮟ ﺭﮨﮯ
ﻭﮦ ﻧﮩﯿﮟﺭﮨﮯ ﮐﮧ ﺟﻮ ﺍﯾﮏ ﺭﺑﻂ ﺗﮭﺎ
ﺩﺭﻣﯿﺎﮞ
ﻭﮦ ﺑﮑﮭﺮ ﮔﯿﺎ
ﻭﮦ ﮨﻮﺍ ﭼﻠﯽ
ﮐﮧ ﺟﻮ ﺑﺮﮒ ﺗﮭﮯ ﺳﺮِ ﺷﺎﺥِ ﺟﺎﮞ، ﻭﮦ ﮔﺮﺍ
ﺩﯾﺌﮯ
ﻭﮦ ﺟﻮ ﺣﺮﻑ ﺩﺭﺝ ﺗﮭﮯ ﺭﯾﺖ ﭘﺮ، ﻭﮦ ﺍﮌﺍ
ﺩﯾﺌﮯ
ﻭﮦ ﺟﻮ ﺭﺍﺳﺘﻮﮞ ﮐﺎ ﯾﻘﯿﻦ ﺗﮭﮯ
ﻭﮦ ﺟﻮ ﻣﻨﺰﻟﻮﮞ ﮐﮯ ﺍﻣﯿﻦ ﺗﮭﮯ
ﻭﮦ ﻧﺸﺎﻥِ ﭘﺎ ﺑﮭﯽ ﻣﭩﺎ ﺩﯾﺌﮯ
ﻣﯿﺮﮮ ﮨﻤﺴﻔﺮ، ﮨﮯ ﻭﮨﯽ ﺳﻔﺮ
ﻣﮕﺮ ﺍﯾﮏ ﻣﻮﮌ ﮐﮯ ﻓﺮﻕ ﺳﮯ
ﺗﯿﺮﮮ ﮨﺎﺗﮫ ﺳﮯ ﻣﯿﺮﮮ ﮨﺎﺗﮫ ﺗﮏ
ﻭﮦ ﺟﻮ ﮨﺎﺗﮫ ﺑﮭﺮ ﮐﺎ ﺗﮭﺎ ﻓﺎﺻﻠﮧ
ﮐﺌﯽ ﻣﻮﺳﻤﻮﮞ ﻣﯿﮟ ﺑﺪﻝ ﮔﯿﺎ
ﺍﺳﮯ ﻧﺎﭘﺘﮯ، ﺍﺳﮯ ﮐﺎﭨﺘﮯ
ﻣﯿﺮﺍ ﺳﺎﺭﺍ ﻭﻗﺖ ﻧﮑﻞ ﮔﯿﺎ
ﺗﻮ ﻣﯿﺮﮮ ﺳﻔﺮ ﮐﺎ ﺷﺮﯾﮏ ﮨﮯ
ﻣﯿﮟ ﺗﯿﺮﮮ ﺳﻔﺮ ﮐﺎ ﺷﺮﯾﮏ ﮨﻮﮞ
ﭘﺮ ﺟﻮ ﺩﺭﻣﯿﺎﮞ ﺳﮯ ﻧﮑﻞ ﮔﯿﺎ
ﺍﺳﯽ ﻓﺎﺻﻠﮯ ﮐﮯ ﺷﻤﺎﺭ ﻣﯿﮟ
ﺍﺳﯽ ﺑﮯ ﯾﻘﯿﮟ ﺳﮯ ﻏﺒﺎﺭ ﻣﯿﮟ
ﺍﺳﯽ ﺭﺍﮦ ﮔﺰﺭ ﮐﮯ ﺣﺼﺎﺭ ﻣﯿﮟ
ﺗﯿﺮﺍ ﺭﺍﺳﺘﮧ ﮐﻮﺋﯽ ﺍﻭﺭ ﮨﮯ
ﻣﯿﺮﺍ ﺭﺍﺳﺘﮧ ﮐﻮﺋﯽ ﺍﻭﺭ ﮨﮯ

انا اور محبت

انا تعلق توڑنے کے بہانے ڈھونڈتی ہے اور محبت تعلق نبھانے کے
انا بھٹکنے کے بہانے دیتی ہے اور محبت راہ پر لانے کے
انا تنہا کرواتی ہے اور پھر تنہا کر کے مارتی ہے! جبکہ محبت خلوت کو بھی جلوت بنانے کے ہنر سے آراستہ ہوتی ہے. اور تھامے رکھتی ہے
انا سزا دلواتی ہے ۔۔ محبت معاف کرتی ہے 
انا چھینوا لیتی ہے ۔۔ محبت بخش دیتی ہے
انا کی عزت نفس نہیں ہوتی جبکہ محبت کی عزت نفس ہوتی ہے 
انا ترس و ہمدردی گوارہ کرتی ہے! محبت انا تو پامال کرواتی ہے مگر یہ ترس اور ہمدردی کو بطور ہتھیار استمعال نہیں کرتی. یہ کسی فقیر کو بھی دلواۓ تو اس پر ترس جان کر نہیں بلکہ اسکا حق جان کر مان و محبت سے اسکا حق ادا کرواتی ہے
محبت عرش کا، عرش والے کا جذبہ و عطا ہے
انا عرش والے تک نہ پہنچ پانے کی راہ میں مزاحمت ہے
انا خوف میں رہتی ہے اور محبت یقین میں
انا ساۓ کے سراب میں پیچھے دوڑاتی ہے جبکہ محبت بذاتِ خود سایہ دیتی ہے
انا حصول کی ہوس میں رہتی ہے جبکہ محبت قناعت کے کیف میں رہتی ہے
انا کی نظر اسباب پر ہوتی ہے ۔۔ اور محبت کی مسبب الاسباب پر
انا خود غرض ہوتی ہے اور محبت خدا غرض
انا گھر توڑتی ہے اور محبت گھر جوڑتی ہے
انا بظاہر خوشنما ہوتی ہے درحقیقت کریہہ
محبت کی حقیقت پاکیزگی ہے
انا، مسلمان میں بھی ہو سکتی ہے
محبت، بظاہر عیسائ، ہندو، کافر میں بھی ہو سکتی ہے 
انا منافق، مشرک، کافر ہوتی ہے
محبت مسلمان مومن، محبت اسلام ہوتی ہے
انا دکھاوا ہوتی ہے ۔۔ محبت حقیقت ہوتی ہے
محبت محبت کو بچاتی ہے اور انا، انا کو رسوا کرواتی ہے
انا بے صبر، جلد باز، ناشکری، بدگمان، اور کم ظرف ہوتی ہے
محبت با وفا، صابر، شکرگزار، اور نیک گمان ہوتی ہے
انا میں ایمان نہیں ہوتا .. محبت ایمان ہوتی ہے
انا زخم دیتی ہے ۔۔ محبت مرہم رکھتی ہے
انا فریب دیتی ہے ۔۔ محبت یقین بنتی ہے
انا چھوڑ دیتی ہے محبت ساتھ نبھاتی ہے
انا خبط ہوتی ہے ۔۔ محبت ضبط ہوتی ہے
انا خلاء ہوتی ۔۔ محبت ربط ہوتی ہے
انا عریاں کرتی ہے ۔۔ محبت ڈھانپ لیتی ہے
انا جبر ہوتی ہے ۔۔ محبت صبر ہوتی ہے
انا وحشت ہوتی ہے محبت حلاوت ہوتی ہے
انا ظالم ہوتی ہے ۔۔ محبت نور ہوتی ہے
انا اذیت دیتی ہے ۔۔ محبت سکون دیتی ہے۔۔!
انا ٹوہ میں رہتی ہے ۔۔ محبت کشف، محبت وجدان ہوتی ہے
انا احسان فراموش ۔۔ محبت احسان کا حق ادا کرتی ہے
انا حق چھیننے والی حق غصب کرنے والی ہے۔۔ محبت حق ادا کرنے والی
انا ظالم ۔۔ محبت رحمان ہوتی ہے
انا خائن ۔۔ محبت امین ہوتی ہے
انا باطل ۔۔ محبت حق ہوتی ہے
انا ''میں'' محبت ''تم'' ہے
انا محبت تک لے جانا والا وہ راستہ ہے کہ جو واقعی محبت ہی کی تلاش میں ہے وہ انا کی اذیت کو جان لے گا اور محبت کی پناہ میں خود کو سونپنے کے لیئے محبت کا در کھٹکھٹا اٹھے گا۔۔!
انا محبت تک لے جانے والی سیڑھی ہے
انا شیطان ہے ۔۔ اور محبت اللہ۔۔!
انا خار ہے تو محبت وہ پھول ہے جو اس تک صرف اسکو پہنچنے دیتا ہے جو اس خار خار راستے کی اذیت سے بے نیاز اپنی نگاہ و دل و روح و جان فقط پھول کو منسوب کردے!
االلہ پاک ہمیں اپنی خالص محبت عطا فرمایں اس میں اضافہ فرمایں، پل پل انا سے محفوظ اپنی محبت کی چادر میں اور محبت سے ڈھانپیں رکھیں اللہ ھمّ آمین.

تسلسل ٹوٹ جائے گا

تسلسل ٹوٹ جائے گا
نہ چھیڑو کھلتی کلیوں، ہنستے پھولوں کو
ان اُڑتی تتلیوں، آوارہ بھنوروں کو
تسلسل ٹوٹ جائے گا
فضا محو سماعت ہے
حسیں ہونٹوں کو نغمہ ریز رہنے دو
نگاہیں نیچی رکھو
اور مجسّم گوش بن جاؤ
اگر جُنبش لبوں کو دی
تسلسل ٹوٹ جائے گا
افق میں ڈوبتے سورج کا منظر
اس بلندی سے ذرا دیکھو
اسی رنگیں کنارے پر
شفق سونا لٹائے گی
یونہی تم بےحس و ساکت رہو
ایسے میں پلکیں بھی ذرا جھپکیں
تسلسل ٹوٹ جائے گا
وہ خوابیدہ ہے ، خوابیدہ ہی رہنے دو
نہ جانے خواب میں کِن وادیوں کی سیر کرتی ہو
بلندی سے پھسلتے آبشاروں میں کہیں گم ہو
فلک آثار چوٹی پر کہیں محوِ ترنّم ہو
اگر آواز دی تم نے
تسلسل ٹوٹ جائے گا
میں شاعر ہوں
میری فکرِ رسا احساس کی اُس سطح پر ہے
جس میں خوشبو رنگ بنتی ہے
صدا کو شکل ملتی ہے
تصوّر بول اٹھتا ہے
خموشی گنگناتی ہے
یہ وہ وقفہ ہے ۔۔۔۔۔۔۔۔ ایسے میں
اگر دادِ سخن بھی دی
تسلسل ٹوٹ جائے گا

جولائی آ گیا ہے!

سنو جاناں!
جولائی آ گیا ہے!
گھٹن اوڑھے ہوئے دن ہیں
کہ جن میں دھوب نیزے کی انی بن کر
بدن کو چیرے جاتی ہے
ہوا کے لمس سے نا آشنا شامیں
ستاروں سے بھر راتیں
کہ جن میں نیند کی دیوی بھی اکتائی سی لگتی ہے
اسی بے کیف منظر میں!
اچانک آسماں بادل کی چادر اوڑھ لیتا ہے
وہ چھاجوں مینہ برستا ہے
کہ منظر جھوم اٹھتا ہے
وہی موسم، وہی رت ہے
کہ جب ایسے گھٹن اوڑھے ہوے دن کی برستی شام میں ہم تم
فضا کی گنگناہٹ روح میں محسوس کرتے تھے
کبھی بوندیں پکڑتے تھے
کبھی یوں مسکراتے تھے
کہ جیسے کان میں بارش نے کوئی بات کہہ دی ہو
سنو جاناں! 
وہی منظر وہی رت ہے
گھٹن اوڑھے ہوئے دن ہیں
فضا بھی گنگناتی ہے
نجانے تم کہاں پر ہو
چلے بھی آو اب جاناں
تمہیں بارش بلاتی ہے

حمدیہ

نہ صدا کا سمت کشا ہوں میں
نہ ورق پہ میرا وجود ہے
مرے حرف میں وہ چمک نہیں جو ترے خیال کی چھب میں ہے
مرا انگ کیا مرا ڈھنگ کیا
سرِ خامہ روح کادُود ہے
یہی میرا رازِ شہود ہے
میں شکست خوردہ خیال ہون مجھے آیتوں کی کمک ملے
مجھے آگہی کی چمک ملے
مجھے درسِ عبرت شوق دے
مری انگلیوں کو پکڑ کے حرفِ جنوں پہ رکھ
رہِ خواندگاں پہ مری کجی مری گمرہی کو بھی ڈال دے
نہ قلم پکڑنے کا ڈھنگ ہے نہ ورق ہے میری بساط میں
مرا منہ چڑاتی ہے لوحِ گل
ابھی وہ ورق نہیں سامنے ترا پاک نام کہاں لکھوں
کہ سپیدی صفحہ صاف کی مری آنکھوں میں ہے بھری ہوئی
جہاں کوئی سطر ہے خواب کی نہ خرام موجہِ اشک ہے
مجھے خوابِ خوش سے نواز دے کہ یہ چشمِ وا بھی عذاب ہے
میں تہی نوا
میں تہی ثنا
میں لکھوں گا کیا؟
مگر اے خدا مری پوٹلی میں جو تیرے دھیان کی جوت ہے
یہی رت جگا مرا مال ہے
یہی مال مرا کمال ہے