ﺗﻤﮩﯿﮟ ﮐﯿﺴﮯ ﺑﺘﺎﯾٔﯿﮟ ﮨﻢ

ﺗﻤﮩﯿﮟ ﮐﯿﺴﮯ ﺑﺘﺎﯾٔﯿﮟ ﮨﻢ
ﻋﺬﺍﺏِ ﻭﺻﻞ ﮐﮯ ﻭﯾﺮﺍﮞ ﺟﺰﯾﺮﮮ ﭘﺮ
ﮨﻤﺎﺭﮮ ﺭﯾﺸﻤﯽ ﭘﻨﺪﺍﺭ ﻧﮯ
ﻭﮦ ﺭﻭﺯ ﻭ ﺷﺐ ﮐﯿﺴﮯ ﮔﺰﺍﺭﮮ ﮨﯿﮟ
ﮨﺮ ﺍﮎ ﻟﻤﺤﮧ ﺩﻝِ ﺳﺎﺩﮦ ﮐﮯ ﺩﺍﻣﻦ ﻣﯿﮟ
ﮐﻮﯼٔ ﺗﺎﺯﮦ ﺍﺫﯾﺖ ﺗﮭﯽ
ﺷﺒﻮﮞ ﻣﯿﮟ ﺭﺗﺠﮕﻮﮞ ﮐﯽ ﺍﯾﮏ ﺑﮯ ﻭﺟﮧ ﻣﺴﺎﻓﺖ ﺗﮭﯽ
ﻧﮧ ﮐﻮﯼٔ ﺧﻮﺵ ﮔﻤﺎ ﻧﯽ ﺗﮭﯽ ﻧﮧ ﮐﻮﯼٔ ﺑﺪ ﮔﻤﺎﻧﯽ ﺗﮭﯽ
ﺑﮩﺖ ﮨﯽ ﺩُﻭﺭ ﺗﮏ ﭘﮭﯿﻠﯽ ﮨﻮﯼٔ ﺍﮎ ﺭﺍﯾٔﮕﺎ ﻧﯽ ﺗﮭﯽ
ﻓﻀﺎ ﻣﯿﮟ ﺗﺸﻨﮕﯽ ﮐﮯ ﺳﺎﺣﻠﻮﮞ ﮐﯽ ﺭﯾﺖ ﺍُﮌﺗﯽ ﺗﮭﯽ
ﺯﻣﯿﮟ ﭘﺮ ﺑﺎﺩﻟﻮﮞ ﮐﮯ ﺁﻧﺴﻮﺅﮞ ﮐﮯ ﻧﻘﺶ ﺑﻨﺘﮯ ﺗﮭﮯ
ﺟﮩﺎﮞ ﺑﮭﯽ ﺷﺎﻡ ﮈﮬﻠﺘﯽ ﺗﮭﯽ
ﻭﮨﯿﮟ ﺳﺐ ﺭﻭﺷﻨﯽ ﮐﮯ ﺍﺳﺘﻌﺎﺭﮮ ﮈﻭﺏ ﺟﺎﺗﮯ ﺗﮭﮯ
ﮨﻤﺎﺭﮮ ﻧﺎﻡ ﮐﮯ ﺳﺎﺭﮮ ﺳﺘﺎ ﺭﮮ ﭨﻮﭦ ﺟﺎﺗﮯ ﺗﮭﮯ
ﺗﻤﮩﯿﮟ ﮐﯿﺴﮯ ﺑﺘﺎﯾٔﯿﮟ ﮨﻢ
ﯾﮧ ﺗﻢ ﺟﻮ ﻭﺻﻞ ﮐﯽ ﺗﺎﺯﮦ ﮐﮩﺎﻧﯽ ﮐﻮ
ﮐﮩﯿﮟ ﺁﻏﺎ ﺯ ﮐﺮﻧﮯ ﭘﺮ
ﺑﮩﺖ ﺍِﺻﺮﺍﺭ ﮐﺮﺗﮯ ﮨﻮ
ﮨﻤﺎﺭﯼ ﺑﮯ ﻧﯿﺎﺯﯼ ﮐﺎ ﮔِﻠﮧ ﮨﺮ ﺑﺎﺭ ﮐﺮﺗﮯ ﮨﻮ
ﮔﻼﺑﯽ ﺧﻮﺍﮨﺸﻮﮞ ﮐﻮ ﻧﯿﻨﺪ ﺳﮯ ﺑﯿﺪﺍﺭ ﮐﺮﺗﮯ ﮨﻮ
ﺗﻮ ﺍﮮ ﺳﺎﺗﮭﯽ
ﻣِﺮﮮ ﺍﮮ ﺭﺍﺯﺩﺍﮞ ﺳﺎﺗﮭﯽ
ﺗﻤﮩﺎﺭﮮ ﻧﺮﻡ ﻟﮩﺠﮯ ﮐﯽ ﺍﺩﺍﺳﯽ
ﺍﻭﺭ ﺗﻤﮩﺎﺭﮮ ﺟﺬﺑۂ ﻭ ﺍﺣﺴﺎﺱ ﮐﯽ ﺳﭽﺎﯾٔﯿﺎ ﮞ ﺍﭘﻨﯽ ﺟﮕﮧ
ﻟﯿﮑﻦ
ﮨﻤﺎﺭﮮ ﺍﺱ ﻭﺟﻮﺩِ ﻧﯿﻢ ﺟﺎﮞ ﮐﻮ ﺭﺍﺱ ﮨﯽ ﮐﺐ ﮨﮯ
ﺗﺐ ﻭ ﺗﺎﺏِ ﻣﺤﺒﺖ ﮐﯽ ﺍﺳﯿﺮﯼ ﻣﯿﮟ
ﻓﻨﺎ ﮨﻮ ﮐﺮ ﻣﺘﺎﻉِ ﺟﺎﻭﺩﺍﮞ ﮨﻮﻧﺎ
ﮐﺴﯽ ﮐﺎ ﻣﮩﺮﺑﺎﮞ ﮨﻮﻧﺎ