تمہاری قربت کا ایک لمحہ
رفاقتوں کے ہزار سالوں سے معتبر ہے
.....وہ ایک لمحہ
جو دل کی ویران بستیوں کو
حیات نو کے سورجوں کی
تمازتوں سے
اجالتا ہے
.....وہ ایک لمحہ
ہزار صدیوں سے معتبر ہے
اس ایک لمحے کی حرمتوں کو
شمار کرنا
سنبھال رکھنا
.....وہ ایک لمحہ
ہے استعارہ
عقیدتوں کا
عنایتوں کا
محبتوں کا
روایتوں کا
اس ایک لمحے کی عظمتوں کو
شمار کرنا .... سنبھال رکھنا
Friday, January 13, 2017
تمہاری قربت کا ایک لمحہ
Subscribe to:
Post Comments (Atom)
No comments:
Post a Comment