یہ جو رب ہے ناں.

ساری عمر گزر گئی. ..
کبھی مروت. ..
کبھی محبت. ..
کبھی یہاں. ..
تو. .
کبھی وہاں. ..
محبتوں کے سکے. ..
لٹائے چلے گئے. ..
جس کا بھی درد ملا. ..
اٹھائے چلے گئے. ..
جس نے پلٹ کر بھی نہیں پوچھا. ..
اس سے بھی تعلق نبھائے چلے گئے. ..
اس رستہ پہ چلتے چلتے. ..
یونہی زرا سا شوق ہوا تھا. ..
دیکھوں تو. ..
ساری عمر لٹا کر. ..
میرے حصے کیا آیا ہے. ..
میرے حصے میں بھی. ..
کیا کوئی ایک شخص بھی آیا ہے. .؟
خود کو پائی پائی کر کے. ..
کیا کوئی ایک شخص کمایا ہے. ..؟
یا. ...
خالی ہاتھوں کے حصے میں. ..
خالی ہاتھ ہی آیا ہے. ..؟
ایک گہری خاموشی تھی. ..
دل سے صرف ایک صدا آئی. ..
جس کے حصے میں کچھ نہیں ہوتا. ..
اس کے حصے میں رب آیا ہے. ..
یہ جو رب ہے ناں. ..
وہی سب ہے ناں. ..
جہاں سایہ بھی ساتھ چھوڑ دیتا ہے. ..
وہ وہیں سے پهر تعلق جوڑ دیتا ہے. ..