اسی لکھ نمازاں نیتِیاں،

اسی لکھ نمازاں نیتِیاں،
اسی سجدے کِیتے لکھ
کدی ٹبیاں ریتاں رولیاں
کدی گلیاں دے وچ ککھ
اسی پکھو وِچھڑے ڈار دے
اسی اپنے آپ توں وَکھ
اسی ویکھیا دِل مخلُوق دا
دِل بُوھے بُوھے رکھ
اسی راتاں کٹِیاں جاگ کے
لگ بارِیاں نال کھلو
ساڈے ساہ وِچ صَبر دی چاشنی
ساڈیاں رگاں وِچ خَشبو
اسی خالی کھوکھے زات دے
سانُوں چُنجاں مارن کاں
اسی مَوسم کچّے عِشق دے
ساڈی دُھپ بنے نہ چھاں
اسی  مُجرم عِشق دے جُرم دے
اسی  سُفنے لۓ اُڈیک
ساتھے لگن روز عدالتاں
سانوں پۓ جاۓ روز تاریخ
اسی روز اول دے گھابھرے
اسی قِسمت نال خفاء
اسی بھولے وانگ کبُوتراں
اسی پاگل وانگ ھوا