محبت چُپ سی رہتی ہے

محبت چُپ سی رہتی ہے
یہ کیسی  چُپ لگی اسکو
نجانے  کیا  ہؤا  اسکو
بتاتی ہی نہیں ہم کو
کہ  ،،،،،،،،،،
جب  ،،،،،،،،،،
ہوائیں سرسرانے لگیں
فضائیں گنگنانے لگیں
نظر میں ہچکچاہٹ ہو
لبوں پر کپکپاہٹ ہو
کوئی آنکھوں کے رستے دِل میں گھستا ہی چلا جائے
تو کیسے  چُپ رہا  ،،،،،،،،، جائے
  مگر ،،،،،،،،،،،،
خاموش گم صُم یہ
عجب اُلجھن میں رہتی ہے
کبھی یہ ہم پہ ہنستی ہے
کبھی خود روئے  جاتی  ہے
ہمارے نفس کی کچھ خواہشوں کو یہ جگاتی ہے
خود ہی تھپکیاں دے دے کے پھر اُنکو سُلاتی ہے
ہمیں سُلگائے جاتی ہے ،،،،،،،،
یونہی اُلجھائے جاتی ہے
اکیلے درد سہتی ہے ،،،،،،،،،
ہوئی پھر زرد رہتی یے
کبھی یہ جسم ہوتی ہے
کبھی یہ جان ہوتی ہے
صبر اور ضبط ہوتی ہے، دِلوں میں ربط ہوتی ہے
جسم کے ایک اک خلیے میں رچتی اور بستی ہے
یہ خوں کے ساتھ شریانوں میں ہر لحظہ سرکتی ہے
بدن کے ہر علاقے پر تو قبضہ مل ہی جاتا ہے
مگر کیا روح کی گہرائی میں
اِسکی  رسائی ہے ،،،،،،،
اگر ایسا نہ ہو  ،،،،،،،،
تو پھر ،،،،،،،،
جدائی ہی جدائی ہے