ﮐﺒﮭﯽ ﯾﻮﮞ ﺑﮭﯽ ﺁ ﻣﺮﯼ ﺁﻧﮑﮫ ﻣﯿﮟ ﮐﮧ ﻣﺮﯼ ﻧﻈﺮ ﮐﻮﺧﺒﺮ ﻧﮧ ﮨﻮ
ﻣﺠﮭﮯ ﺍﯾﮏ ﺭﺍﺕ ﻧﻮﺍﺯ ﺩﮮ ﻣﮕﺮ ﺍﺱ ﮐﮯ ﺑﻌﺪ ﺳﺤﺮ ﻧﮧ ﮨﻮ
ﻭﮦ ﺑﮍﺍ ﺭﺣﯿﻢ ﻭ ﮐﺮﯾﻢ ﮨﮯ ﺗﺠﮭﮯ ﯾﮧ ﺻﻔَﺖ ﺑﮭﯽ ﻋﻄﺎ ﮐﺮﮮ
ﺗﺠﮭﮯ ﺑﮭﻮﻟﻨﮯ ﮐﯽ ﺩﻋﺎ ﮐﺮﻭﮞ ﺗﻮ ﻣﺮﯼ ﺩﻋﺎ ﻣﯿﮟ ﺍﺛﺮ ﻧﮧ ﮨﻮ
ﻣﺮﮮ ﺑﺎﺯﻭﺅﮞ ﻣﯿﮟ ﺗﮭﮑﯽ ﺗﮭﮑﯽ ﺍﺑﮭﯽ ﻣﺤﻮ ﺧﻮﺍﺏ ﮨﮯ ﭼﺎﻧﺪﻧﯽ
ﻧﮧ ﺍﭨﮭﮯ ﺳﺘﺎﺭﻭﮞ ﮐﯽ ﭘﺎﻟﮑﯽ ﺍﺑﮭﯽ ﺁﮨﭩﻮﮞ ﮐﺎ ﮔﺰﺭ ﻧﮧ ﮨﻮ
ﯾﮧ ﻏﺰﻝ ﮐﮧ ﺟﯿﺴﮯ ﮨﺮﻥ ﮐﯽ ﺁﻧﮑﮫ ﻣﯿﮟ ﭘﮭﯿﻠﯽ ﺭﺍﺕ ﮐﯽ ﭼﺎﻧﺪﻧﯽ
ﻧﮧ ﺑﺠﮭﮯ ﺧﺮﺍﺑﮯ ﮐﯽ ﺭﻭﺷﻨﯽ ﮐﺒﮭﯽ ﺑﮯ ﭼﺮﺍﻍ ﯾﮧ ﮔﮭﺮ ﻧﮧ ﮨﻮ
ﻭﮦ ﻓﺮﺍﻕ ﮨﻮ ﮐﮧ ﻭﺻﺎﻝ ﮨﻮ ﺗﺮﯼ ﯾﺎﺩ ﻣﮩﮑﮯ ﮔﯽ ﺍﯾﮏ ﺩﻥ
ﻭﮦ ﮔﻼﺏ ﺑﻦ ﮐﮯ ﮐﮭﻠﮯ ﮔﺎ ﮐﯿﺎ ﺟﻮ ﭼﺮﺍﻍ ﺑﻦ ﮐﮯ ﺟﻼ ﻧﮧ ﮨﻮ
ﮐﺒﮭﯽ ﺩﮬﻮﭖ ﺩﮮ ﮐﺒﮭﯽ ﺑﺪﻟﯿﺎﮞ ﺩﻝ ﻭ ﺟﺎﮞ ﺳﮯ ﺩﻭﻧﻮﮞ ﻗﺒﻮﻝ ﮨﯿﮟ
ﻣﮕﺮ ﺍﺱ ﻧﮕﺮ ﻣﯿﮟ ﻧﮧ ﻗﯿﺪ ﮐﺮ ﺟﮩﺎﮞ ﺯﻧﺪﮔﯽ ﮐﯽ ﮨﻮﺍ ﻧﮧ ﮨﻮ
ﮐﺒﮭﯽ ﺩﻥ ﮐﯽ ﺩﮬﻮﭖ ﻣﯿﮟ ﺟﮭﻮﻝ ﮐﮯ ﮐﺒﮭﯽ ﺷﺐ ﮐﮯ ﭘﮭﻮﻝ ﮐﻮ ﭼﻮﻡ ﮐﮯ
ﯾﻮﻧﮩﯽ ﺳﺎﺗﮫ ﺳﺎﺗﮫ ﭼﻠﯿﮟ ﺳﺪﺍ ﮐﺒﮭﯽ ﺧﺘﻢ ﺍﭘﻨﺎ ﺳﻔﺮ ﻧﮧ ﮨﻮ
ﻣﺮﮮ ﭘﺎﺱ ﻣﺮﮮ ﺣﺒﯿﺐ ﺁ ﺫﺭﺍ ﺍﻭﺭ ﺩﻝ ﮐﮯ ﻗﺮﯾﺐ ﺁ
ﺗﺠﮭﮯ ﺩﮬﮍﮐﻨﻮﮞ ﻣﯿﮟ ﺑﺴﺎ ﻟﻮﮞ ﻣﯿﮟ ﮐﮧ ﺑﭽﮭﮍﻧﮯ ﮐﺎ ﮐﺒﮭﯽ ﮈﺭ ﻧﮧ ﮨﻮ
بشیر بدر
No comments:
Post a Comment