کوئی تمہارا صرف تمہارا مُنتظر ہے

اے آوارہ بادل
ایک التجاء ہے میری
گر۔۔۔۔۔۔۔
پوری کردو تم
جب اُس نگر جاؤ
جہاں وہ رہتا ہے
تو اُسے کہنا
کہ بھیگا موسم لوٹ آیا ہے
اُسے جو بارش کی رم جھم بہت پسند ہے
اور بارش میں دیر تک میرے ساتھ بھیگنا
وہ بارش لوٹ آئی ہے
کہنا کہ
کوئی جب بارش میں تنہا بھیگتا ہے
تو آنکھیں بھی آنسوؤں سے بھیگ جاتی ہیں
کہنا کہ
اب دیر نہ لگے
اُسے کوئی بہت شدت سے یاد کرتا ہے
کہنا کہ
لوٹ آؤ تمہارا پسندیدہ موسم آیا ہے
اُسے کہنا کہ جب کبھی تم تنہا بھیگو
تو کوئی بیتا ہوا لمحہ یاد آئے
تو رُکنا مت لوٹ آنا
کہ تمہارا کوئی مُنتظر ہے
بڑی بیتابی سے
کوئی تمہارا صرف تمہارا مُنتظر ہے