درجن بھر مہینوں سے
سدا ممتاز لگتا ہے
نومبر کس لیے آخر
ہمیشہ خاص لگتا ہے
بہت سہمی ہوئی صبحیں
اداسی سے بھری شامیں
دوپہریں روئی روئی سی
وہ راتیں کھوئی کھوئی سی
گرم دبیز ہواؤں کا
وہ کم روشن اجالوں کا
کبھی گزرے حوالوں کا
کبھی مشکل سوالوں کا
بچھڑ جانے کی مایوسی
ملن کی آس لگتا ہے
نومبر اس لیے شاید
ہمیشہ خاص لگتا ہے
Monday, November 28, 2016
نومبر ہمیشہ خاص لگتا ہے
Subscribe to:
Post Comments (Atom)
No comments:
Post a Comment