ﺳﻨﻮ ﺟﺎﻧﺎﮞ
ﻣﺮﺍ ﺳﺐ ﮐﭽﮫ ﺳﻔﺮ ﻣﯿﮟ ﮨﮯ
ﻣﺮﮮ ﺳﺎﺗﮭﯽ
ﻣﺮﯼ ﺁﻧﮑﮭﯿﮟ، ﻣﺮﯼ ﺳﻮﭼﯿﮟ، ﻣﺮﺍ ﺗﻦ ﻣﻦ
ﻣﺮﺍ ﺳﺐ ﮐﭽﮫ ﺳﻔﺮ ﻣﯿﮟ ﮨﮯ
ﺍﺳﯽ ﺩﻥ ﺳﮯ ﮐﮧ ﺟﺐ ﮨﻢ ﭘﺮ
ﺟﺪﺍﺋﯽ ﮐﺎ ﺳﻤﮯ ﮔﺰﺭﺍ
ﺳﻨﻮ ﺟﺎﻧﺎﮞ , ﺳﻨﻮ ﺟﺎﻧﺎﮞ
ﺗﻤﮩﯿﮟ ﺗﻮ ﯾﺎﺩ ﮨﯽ ﮨﻮ ﮔﺎ
ﻣﯿﮟ ﺍﯾﺴﺎ ﭼﺎﮨﺘﺎ ﮐﺐ ﺗﮭﺎ ﻣﮕﺮ ﭘﮭﺮ ﺑﮭﯽ
ﺗﻤﮩﯿﮟ ﺟﺐ ﭼﮭﻮﮌ ﮐﺮ ﺟﺎﻧﺎ ﭘﮍﺍ ﻣﺠﮫ ﮐﻮ
ﺗﻤﮩﺎﺭﮮ ﮔﺎﻝ ﭘﺮ ﻣﯿﮟ ﻧﮯ ﺟﻮ ﻣﻨﻈﺮ ﺁﺧﺮﯼ ﺩﯾﮑﮭﺎ
ﺍﺫﯾﺖ ﻧﺎﮎ ﻣﻨﻈﺮ ﺗﮭﺎ
ﺗﻤﮩﯿﮟ ﺑﮭﯽ ﯾﺎﺩ ﮨﻮ ﺷﺎﯾﺪ
ﺑﭽﮭﮍﺗﮯ ﻭﻗﺖ ﮐﮯ ﺳﻮﺭﺝ ﮐﯽ ﺍﺱ ﺩﮬﯿﻤﯽ ﺗﻤﺎﺯﺕ ﺳﮯ
ﺗﺮﮮ ﺩﻝ ﭘﺮ ﺟﻤﯽ ﺟﺐ ﺑﺮﻑ ﭘﮕﮭﻠﯽ ﺗﮭﯽ
ﺗﻮ ﭘﮭﺮ ﺟﺬﺑﺎﺕ ﮐﮯ ﺩﺭﯾﺎ ﻣﯿﮟ ﺍﮎ ﺳﯿﻼﺏ ﺁﯾﺎ ﺗﮭﺎ
ﮐﻮﺋﯽ ﮔﺮﺩﺍﺏ ﺁﯾﺎ ﺗﮭﺎ
ﺳﻨﻮ ﺟﺎﻧﺎﮞ
ﺗﻮ ﭘﮭﺮ ﺩﯾﮑﮭﺎ ﮐﮧ ﺍﺱ ﺳﯿﻼﺏ ﮐﯽ ﺍﮎ ﻣﻮﺝ
ﺗﯿﺮﯼ ﺁﻧﮑﮫ ﮐﮯ ﺳﺎﺣﻞ ﺳﮯ ﭨﮑﺮﺍ ﮐﺮ
ﺗﺮﯼ ﭘﻠﮑﻮﮞ ﮐﮯ ﺭﺳﺘﮯ ﺳﮯ ﺗﺮﮮ ﺭﺧﺴﺎﺭ ﭘﺮ ﺁ ﮐﺮ
ﮐﻮﺋﯽ ﮔﻤﻨﺎﻡ ﻣﻨﺰﻝ ﮈﮬﻮﻧﮉﻧﮯ ﻟﻤﺒﮯ ﺳﻔﺮ ﻣﯿﮟ ﺗﮭﯽ
ﻣﮕﺮ ﻣﯿﺮﯼ ﻧﻈﺮ ﻣﯿﮟ ﺗﮭﯽ
ﺳﻨﻮ ﺟﺎﻧﺎﮞ ! ﯾﻘﯿﮟ ﺟﺎﻧﻮ
ﮐﮧ ﺍﺏ ﺑﮭﯽ ﺭﺍﺕ ﮐﻮ ﺍﮐﺜﺮ
ﺗﺮﮮ ﺁﻧﺴﻮ ﮐﯽ ﻭﮦ ﻟﻤﺒﯽ ﻣﺴﺎﻓﺖ
ﯾﺎﺩ ﺁﺋﮯ ﺗﻮ
ﻣﺠﮭﮯ ﺑﮯ ﭼﯿﻦ ﺭﮐﮭﺘﯽ ﮨﮯ
ﻣﺠﮭﮯ ﺷﺐ ﺑﮭﺮ ﺟﮕﺎﺗﯽ ﮨﮯ
ﻣﺠﮭﮯ ﭘﺎﮔﻞ ﺑﻨﺎﺗﯽ ﮨﮯ
Saturday, March 21, 2015
ﻣﺮﺍ ﺳﺐ ﮐﭽﮫ ﺳﻔﺮ ﻣﯿﮟ ﮨﮯ
Subscribe to:
Post Comments (Atom)
No comments:
Post a Comment