مجھے محسوس ہوتا ہے
وہ بالکل میرے جیسا ہے
کہ جیسے عکس پانی میں
یا سایہ روبرو میرے
وہی لہجہ وہی باتیں
وہی آنکھوں سے ہنس دینا
کبھی جو روٹھنا تو
بےرخی کی حد ہی کر جانا
کبھی آنکھوں کے رستے سے
کہیں دل میں اتر جانا
کبھی بےچین رکھنا خود کو
مجھ کو بھی سزا دینا
کبھی اک پل میں ہنس دینا
میری دنیا سجا دینا
کبھی تو برف سا لہجہ
نگاہ بھی سرد کر لینا
کبھی تتلی کے سارے رنگ
میرے دامن میں بھر دینا
مجھے اکثر یہ لگتا ہے
وہ بلکل میرے جیسا ہے
کہ جیسےعکس پانی میں
یا سایہ روبرو میرے
Sunday, October 26, 2014
وہ بالکل میرے جیسا ہے
Subscribe to:
Post Comments (Atom)
No comments:
Post a Comment