Sunday, April 30, 2017

ﮨﺎﮞ ﻣﯿﮟ ﻧﮯ ﺩﯾﺮ ﮐﺮ ﺩﯼ ﮨﮯ

ﻭﮦ ﻣﺠﮫ ﺳﮯ ﭘﻮﭼﮭﺎ ﮐﺮﺗﯽ ﺗﮭﯽ
ﯾﮧ ﺟﻮ ﺗﻢ ﻟﻔﻆ ﻟﮑﮭﺘﮯ ﮨﻮ
ﯾﮧ ﺟﻮ ﺗﻢ ﺣﺮﻑ ﺑﻨﺘﮯ ﮨﻮ
ﯾﻮﮞ ﮨﯽ ﺑﮯ ﻧﺎﻡ ﺟﺬﺑﻮﮞ ﮐﻮ
ﺣﺴﯿﻦ ﺍﮎ ﺭﻧﮓ ﺩﯾﺘﮯ ﮨﻮ
ﺗﮩﮧ ﺩﻝ ﻣﯿﮟ ﭼﮭﭙﯽ ﺑﺎﺗﯿﮟ
ﺟﺴﮯ ﺗﻢ ﯾﻮﮞ ﺳﻨﺎﺗﮯ ﮨﻮ
ﯾﮧ ﮐﺲ ﮐﮯ ﻧﺎﻡ ﮐﺮﺗﮯ ﮨﻮ ؟
ﺑﮭﻼ ﻭﮦ ﮐﻮﻥ ﮨﮯ ﺟﺎﻧﺎﮞ ؟
ﺟﻮ ﯾﻮﮞ ﻧﯿﻨﺪﯾﮟ ﭼﺮﺍﺗﯽ ﮨﮯ ؟
ﺗﻤﮭﺎﺭﮮ ﺩﻝ ﻣﯿﮟ ﺑﺴﺘﯽ ﮨﮯ
ﺑﮭﻼ ﻭﮦ ﺣﺴﻦ ﮐﺎ ﭘﯿﮑﺮ
ﺫﺭﺍ ﮨﻢ ﮐﻮ ﺑﮭﯽ ﺑﺘﻼﺋﻮ
ﺑﮭﻼ ﻭﮦ ﮐﻮﻥ ﮨﮯ ﮨﻤﺪﻡ ؟

ﻣﯿﮟ ﺳﻦ ﮐﺮ ﺳﺐ ﮨﯽ ﯾﮧ ﺑﺎﺗﯿﮟ
ﺑﮩﺖ ﺩﮬﯿﺮﮮ ﺳﮯ ﮨﻨﺴﺘﺎ ﺗﮭﺎ
ﺍُﺳﮯ ﺑﯿﭽﯿﻦ ﮐﺮﺗﺎ ﺗﮭﺎ
ﻣﯿﮟ ﺍﺳﮑﻮ ﯾﻮﮞ ﺳﺘﺎﺗﺎ ﺗﮭﺎ

ﻭﮦ ﮐﮩﺘﯽ ﺗﮭﯽ
ﻣﺠﮭﮯ ﯾﮧ ﺧﻮﻑ ﮨﮯ ﺟﺎﻧﺎﮞ
ﮐﮩﯿﮟ ﺗﻢ ﺩﯾﺮ ﻧﺎ ﮐﺮﺩﻭ !
ﻣﺠﮭﮯ ﯾﮧ ﻣﺎﻥ ﺗﮭﺎ ﺧﻮﺩ ﭘﺮ
ﮐﮯ ﺑﮩﺘﮯ ﻭﻗﺖ ﮐﺎ ﺩﮬﺎﺭﺍ
ﻣﯿﮟ ﺍﺱ ﻣﭩﮭﯽ ﻣﯿﮟ ﺑﮭﺮ ﻟﻮﮞ ﮔﺎ
ﻣﮕﺮ ﺷﺎﯾﺪ

ﻣﯿﮟ ﮐﯿﺴﮯ ﮐﮩﻮﮞ ﯾﮧ ﺍﺏ
ﮐﮯ ﮨﺎﮞ ﺟﺎﻧﺎﮞ !
ﺗﻤﮩﯿﮟ ﺟﻮ ﺧﻮﻑ ﻻﺣﻖ ﺗﮭﺎ
ﻭﮦ ﺗﻮ ﮨﻮ ﮔﯿﺎ ﻣﺠﮫ ﺳﮯ
ﻣﯿﺮﯼ ﺧﺎﻟﯽ ﮨﮯ ﻣﭩﮭﯽ ﺍﺏ
ﮨﺎﮞ ﻣﯿﮟ ﻧﮯ ﺩﯾﺮ ﮐﺮ ﺩﯼ ﮨﮯ
ﺑﮩﺖ ﮨﯽ ﺩﯾﺮ ﮐﺮ ﺩﯼ ﮨﮯ

No comments:

Post a Comment