ﺑﻌﺾ ﻟﻮﮒ ﺧﻮﺩ ﮐﻮ ﺍﺗﻨﺎ ﺍﭼﮭﺎ ﺳﻤﺠﮭﺘﮯ ﮨﯿﮟ ﺍﻭﺭ ﺍﭘﻨﯽ ﺍﭼﮭﺎﺋﯽ
ﮐﮯ ﻧﺸﮯ ﻣﯿﮟ ﺍﺗﻨﮯ ﻣﺪﮨﻮﺵ ﮨﻮﺗﮯ ﮨﯿﮟ ﮐﯽ ﺍُﻧﮩﯿﮟ ﺩﻭﺳﺮﻭﮞ ﮐﯽ
ﺍﭼﮭﺎﺋﯽ ﻧﻈﺮ ﮨﯽ ﻧﮩﯿﮟ ﺍٓﺗﯽ ﺍﻭﺭ ﺍﮔﺮ ﻧﻈﺮ ﺍٓ ﺑﮭﯽ ﺟﺎﺋﮯ ﺗﻮ ﻭﮦ
ﺍﺳﮑﯽ ﻗﺪﺭ ﻧﮩﯿﮟ ﮐﺮﺗﮯ۔ ﺍﯾﺴﮯ ﻟﻮﮒ ﺍﭘﻨﮯ ﺑﺎﺭﮮ ﻣﯿﮟ ﺧﻮﺵ
ﮔُﻤﺎﻧﯽ ﺍﻭﺭ ﺩﻭﺳﺮﻭﮞ ﮐﮯ ﺑﺎﺭﮮ ﻣﯿﮟ ﺑﺪ ﮔُﻤﺎﻧﯽ ﮐﻮ ﺩﻝ ﻣﯿﮟ ﻟﺌﮯ
ﮨﻮﺋﮯ ﮨﻮﺗﮯ ﮨﯿﮟ۔ ﺍﯾﺴﮯ ﻟﻮﮔﻮﮞ ﮐﮯ ﺳﺎﺗﮫ ﭼﺎﮨﮯ ﺟﺘﻨﯽ ﺑﮭﯽ
ﺑﮭﻼﺋﯽ ﮐﺮﻭ ﻭﮦ ﺍُﺳﮑﯽ ﻗﺪﺭ ﻧﮩﯿﮟ ﮐﺮﺗﮯ۔ ﺍﯾﺴﮯ ﻟﻮﮒ ﮨﻤﯿﺸﮧ
ﺧﻮﺩ ﮐﻮ ﺍﺧﻼﻕ ﮐﮯ ﺍﻋﻠﯽٰ ﻣُﻘﺎﻡ ﭘﺮ ﺩﯾﮑﮭﺘﮯ ﮨﯿﮟ ﺍﻭﺭ ﺧﻮﺩ
ﭘﺴﻨﺪﯼ ﮐﯽ ﺍٓﺧﺮﯼ ﺣﺪﻭﮞ ﮐﻮ ﭼﮭﻮ ﺭﮨﮯ ﮨﻮﺗﮯ ﮨﯿﮟ۔ ﺳﺘﻢ
ﻇﺮﯾﻔﯽ ﺗﻮ ﯾﮧ ﮨﮯ ﮐﮯ ﺍُﻧﮩﯿﮟ ﺍﺱ ﺑﺎﺕ ﮐﯽ ﺧﺒﺮ ﺑﮭﯽ ﻧﮩﯿﮟ
ﮨﻮﺗﯽ ﮐﮧ ﯾﮧ ﺧﻮﺩ ﭘﺴﻨﺪﯼ ﺍُﻧﮑﻮ ﮐﺲ ﭘﺴﺘﯽ ﻣﯿﮟ ﺩﮬﮑﯿﻞ ﺭﮨﯽ
ﮨﮯ۔ ﮐﺎﺵ ﮐﮧ ﻭﮦ ﯾﮧ ﺑﺎﺕ ﺳﻤﺠﮫ ﺳﮑﺘﮯ ﮐﮧ ﺑﮭﻼﺋﯽ ﻭﮦ ﻧﮩﯿﮟ
ﮨﻮﺗﯽ ﺟﻮ ﺍﻧﺴﺎﻥ ﺍﭘﻨﮯ ﺍﻧﺪﺭ ﺩﯾﮑﮫ ﺭﮨﺎ ﮨﻮﺗﺎ ﮨﮯ ﺑﻠﮑﮧ ﺑﮭﻼﺋﯽ ﻭﮦ
ﮨﮯ ﺟﻮ ﻭﮦ ﺩﻭﺳﺮﻭﮞ ﻣﯿﮟ ﺗﻼﺵ ﮐﺮﻧﮯ ﻣﯿﮟ ﮐﺎﻣﯿﺎﺏ ﮨﻮﺗﺎ ﮨﮯ۔
ﻣﻮﻣﻦ ﮐﺎ ﺩﻝ ﺍﯾﮏ ﺍٓﺋﯿﻨﮧ ﮨﮯ ﺟﺲ ﻣﯿﮟ ﻭﮦ ﺍﭘﻨﮯ ﺩﻭﺳﺮﮮ
ﻣﺴﻠﻤﺎﻥ ﺑﮭﺎﺋﯽ ﮐﺎ ﻋﮑﺲ ﺩﯾﮑﮭﺘﺎ ﮨﮯ۔ ﺟﺲ ﺩﻥ ﺍُﭘﮑﻮ ﺍﭘﻨﮯ ﺍﺭﺩ
ﮔﺮﺩ ﻣﻮﺟﻮﺩ ﻟﻮﮔﻮﮞ ﻣﯿﮟ ﺍﭼﮭﺎﺋﯽ ﻧﻈﺮ ﺍٓﻧﮯ ﻟﮕﮯ ﺳﻤﺠﮫ ﻟﯿﮟ
ﺍٓﭘﮑﺎ ﺍٓﺋﯿﻨﮧ ﺷﻔﺎﻑ ﮨﮯ ﺍﻭﺭ ﺍٓﭖ ﺍﭘﻨﺎ ﮨﯽ ﻋﮑﺲ ﺩﯾﮑﮫ ﺭﮨﮯ ﮨﯿﮟ۔
Sunday, November 23, 2014
ﻟﻮﮒ ﺧﻮﺩ ﮐﻮ ﺍﺗﻨﺎ ﺍﭼﮭﺎ ﺳﻤﺠﮭﺘﮯ ﮨﯿﮟ
Subscribe to:
Post Comments (Atom)
No comments:
Post a Comment