بڑی تلخ ہے یہ زندگی

بڑی تلخ ہے یہ زندگی

نیکی کر دریا میں ڈال”۔۔۔ بڑا مشکل کام ہے
زندگی بھر نیکیاں کرتے رہو۔۔۔ اور دریا میں ڈالتے رہو۔۔۔ لیکن صرف ایک بار نیکی کی توقع کرلو۔۔۔ اور خود کو حد درجے کمزور ثابت کر دو۔۔۔ گرا لو دوسروں کی نظروں میں۔۔۔ الفاظ ہی مار ڈالیں گے۔۔۔

محبت کر لو۔۔۔ محبت دے دو۔۔۔ محبت بانٹ لو۔۔۔ محبت پھیلا لو۔۔۔ لیکن محب ہونے کی خواہش کرتے ہی۔۔۔ گناہگار ثابت کیئے جاو۔۔۔ کیسی محبت، کیسے جذبے۔۔۔ کیسا ایثار اور کیسے رشتے۔۔۔۔
ساری عمر رشتے نبھاتے رہو۔۔۔ بس ایک بار چوک جاو۔۔۔ تو سارے رشتے روٹھ جائیں گے۔۔۔ ساری محبتیں امتحان لینے لگیں گی۔۔۔ سارے تعلق حساب مانگنے لگیں گے۔۔۔

ساری عمر زمہ داریاں نبھاتے گزر جائے۔۔۔ ایک بار۔۔۔ صرف ایک بار اپنی خوشی کے لیے بغاوت کر گزرو۔۔۔ تو ساری محنتیں، سارے احساسات اور ساری کاوشوں پر سوالیہ نشان لگ جائے۔۔۔ بڑی تلخ ہے یہ زندگی۔۔۔ شاید ہی کسی کی سگی ہو گی۔۔۔ شاید ہی کسی کو راس آئی ہوگی۔۔۔ 
شاید ہی کسی کے کام آئی ہوگی۔۔۔ شاید ہی کسی کے لیے آسان ہوگی۔۔۔

ساری عمر کسی کے ساتھ اچھا کرتے رہو۔۔۔ لیکن کسی مجبوری سے ایک بار ساتھ نا دےسکو۔۔۔ تو ساری اچھائی کنویں میں گر جاتی ہے۔۔ ساری عمر کی ریاضتیں ضائع ہو جاتی ہیں۔۔۔

بڑی تلخ ہے یہ زندگی۔۔۔