ﻭﮦ ﻟﻤﺤﮧ ﮐﯿﺴﺎ ﻟﻤﺤﮧ ﺗﮭﺎ

ﻭﮦ ﻟﻤﺤﮧ ﮐﯿﺴﺎ ﻟﻤﺤﮧ ﺗﮭﺎ
ﺟﺐ ﺍﺳﮑﯽ ﺑﻨﺠﺮ ﺁﻧﮑﮭﻮﮞ ﻣﯿﮟ
ﺧﻮﺍﺑﻮﮞ ﮐﯽ ﮔﯿﻠﯽ ﻗﺒﺮﻭﮞ ﭘﺮ
ﺳﮑﮭﯿﻮﮞ ﻧﮯ ﺭﺍﮐﮭﮧ ﺑﮑﮭﯿﺮﯼ ﺗﮭﯽ
ﻭﮦ ﻟﻤﺤﮧ ﮐﯿﺴﺎ ﻟﻤﺤﮧ ﺗﮭﺎ ؟
ﺟﺐ ﺍﺱ ﮐﮯ ﺑﮑﮭﺮﮮ ﻣﯿﮟ
ﺑﺴﺘﯽ ﮐﮯ ﻧﯿﮏ ﻋﺰﯾﺰﻭﮞ ﻧﮯ
ﻧﻤﻨﺎﮎ ﻟﺒﻮﮞ ﺳﮯ ﭼﮭﮍﮐﺎ ﺗﮭﺎ
ﺳﯿﻨﺪﻭﺭ ﺍﺩﺍﺱ ﺩﻋﺎﺅﮞ ﮐﺎ
ﻭﮦ ﻟﻤﺤﮧ ﮐﯿﺴﺎ ﻟﻤﺤﮧ ﺗﮭﺎ ؟
ﺟﺐ ﺍﺱ ﮐﮯ ﺍﺟﻠﮯ ﮨﺎﺗﮭﻮﮞ ﻣﯿﮟ
ﺍﮎ ﺟﺎﻝ ﺑﻨﺎ ﻣﺤﺮﻭﻣﯽ ﮐﺎ
ﻣﮩﻨﺪﯼ ﮐﯽ ﺯﺭﺩ ﻟﮑﯿﺮﻭﮞ ﻧﮯ
ﺟﺐ ﺍﺱ ﮐﮯ ﮐﻨﺪﻥ ﻣﺎﺗﮭﮯ ﭘﺮ
ﺟﮭﻮﻣﺮ ﮐﺎ ﺭﻭﭖ ﺭﭼﺎﯾﺎ ﺗﮭﺎ
ﺑﮯ ﻗﯿﻤﺖ ﺿﺒﻂ ﮐﮯ ﮨﯿﺮﻭﮞ ﻧﮯ
ﻭﮦ ﻟﻤﺤﮧ ﮐﯿﺴﺎ ﻟﻤﺤﮧ ﺗﮭﺎ ؟
ﺟﺐ ﺍﺱ ﮐﯽ ﺁﻧﮑﮭﯿﮟ ﭘﻮﭼﮭﺘﯽ ﺗﮭﯿﮟ
ﯾﮧ ﮐﻮﻥ ﻗﯿﺎﻣﺖ ﺁﺋﯽ ﮨﮯ ؟
ﺑﺎﺭﺍﺕ ﻣﯿﮟ ﺷﺎﻣﻞ ﭼﮩﺮﻭﮞ ﻣﯿﮟ
ﺍﺣﺴﺎﺱ ﮐﮯ ﻗﺎﺗﻞ ﮐﺘﻨﮯ ﮨﯿﮟ ؟
ﺍﻭﺭ ﮐﻮﻥ ﮐﺴﯽ ﮐﺎ ﺑﮭﺎﺋﯽ ﮨﮯ ؟
ﮐﯿﻮﮞ ﺳﺎﻧﺴﯿﮟ ﺭﮐﺘﯽ ﺟﺎﺗﯽ ﮨﯿﮟ ؟
ﮐﯿﻮﮞ ﻧﺒﻀﯿﮟ ﺗﯿﺰ ﺩﮬﮍﮐﺘﯽ ﮨﯿﮟ
ﯾﮧ ﮐﻮﻥ ﻗﯿﺎﻣﺖ ﺁﺋﯽ ﮨﮯ ؟
ﯾﮧ ﺩﺭﺩ ﺷﻌﺎﻋﯿﮟ ﺩﯾﺘﺎ ﮨﮯ
ﭼﯿﺨﯿﮟ ﮨﯿﮟ ﻣﺮﻧﮯ ﻭﺍﻟﻮﮞ ﮐﯽ
ﯾﺎ ﺩﻭﺭ ﮐﮩﯿﮟ ﺷﮩﻨﺎﺋﯽ ﮨﮯ ؟
ﻭﮦ ﻟﻤﺤﮧ ﮐﯿﺴﺎ ﻟﻤﺤﮧ ﺗﮭﺎ ؟
ﺟﺐ ﺍﺳﮑﯽ ﺁﻧﮑﮭﯿﮟ ﭘﻮﭼﮭﺘﯽ ﺗﮭﯿﮟ
ﻭﮦ ﻟﻮﮒ ﺑﮭﯽ ﮐﺘﻨﮯ ﺍﭼﮭﮯ ﺗﮭﮯ
ﺟﻮ ﺍﭘﻨﯽ ﭼﺎﻧﺪ ﺳﯽ ﺑﯿﭩﯽ ﮐﻮ
ﺳﺎﻧﺴﻮﮞ ﮐﯽ ﺍﺟﻠﯽ ﭼﺎﺩﺭ ﻣﯿﮟ
ﻟﭙﭩﺎ ﮐﺮ ﺧﻮﺩ ﺩﻓﻨﺎ ﺩﯾﺘﮯ
ﭘﮭﺮ ﺍﺱ ﮐﯽ ﯾﺎﺩ ﺑﮭﻼ ﺩﯾﺘﮯ
ﻭﮦ ﭘﻮﭼﮭﺘﯽ ﺗﮭﯽ ﺳﺐ ﺳﮑﮭﯿﻮﮞ ﺳﮯ
ﻭﮦ ﻟﻮﮒ ﮐﮩﺎﮞ ﺁﺑﺎﺩ ﮨﯿﮟ ﺍﺏ ؟
ﺟﻮ ﻭﻗﺖ ﮐﺎ ﺷﺠﺮﮦ ﻟﮑﮭﺘﮯ ﺗﮭﮯ
ﺍﻭﺭ ﺷﺠﺮﮦ ﺍﯾﺴﯽ ﻧﺴﻠﻮﮞ ﮐﺎ
ﺟﻮ ﺍﻧﺪﮬﯽ ﺁﻧﮑﮭﮧ ﻣﯿﮟ ﺧﻮﺍﺑﻮﮞ ﮐﯽ
ﺗﻌﺒﯿﺮ ﺳﺠﺎﯾﺎ ﮐﺮﺗﯽ ﺗﮭﯿﮟ
ﭘﮭﺮ ﮨﻨﺴﺘﮯ ﮨﻨﺴﺘﮯ ﮐﮩﺘﯽ ﺗﮭﯽ
ﻭﮦ ﻟﻮﮒ ﮐﺴﯽ ﮐﻮ ﯾﺎﺩ ﻧﮩﯿﮟ
ﻭﮦ ﻟﻮﮒ ﮐﮩﯿﮟ ﺁﺑﺎﺩ ﻧﮩﯿﮟ
ﻭﮦ ﻟﻤﺤﮧ ﮐﯿﺴﺎ ﻟﻤﺤﮧ ﺗﮭﺎ ؟
ﺟﺐ ﺍﺱ ﮐﮯ ﺳﻨﺪﺭ ﭼﮩﺮﮮ ﭘﺮ
ﺯﺭﺩﺍﺏ ﺭﺗﻮﮞ ﮐﯽ ﺗﻨﮩﺎﺋﯽ
ﺑﮑﮭﺮﯼ ﺗﻮ ﻏﺎﺯﮦ ﻟﮕﺘﯽ ﺗﮭﯽ
ﺟﺐ ﺳﯿﺞ ﺟﻨﺎﺯﮦ ﻟﮕﺘﯽ ﺗﮭﯽ
ﺍﺏ ﺍﺱ ﮐﮯ ﺳﻮﻧﮯ ﺁﻧﮕﻦ ﻣﯿﮟ
ﻣﺮﺟﮭﺎﺋﯽ ﮨﻮﺋﯽ ﮐﭽﮭﮧ ﺑﯿﻠﻮﮞ ﮐﻮ
ﺍﮎ ﺗﺘﻠﯽ ﭼﮭﻮﻣﻨﮯ ﺁﺗﯽ ﮨﮯ
ﺍﺏ ﺍﺱ ﮐﮯ ﺧﺎﻟﯽ ﮐﻤﺮﮮ ﻣﯿﮟ
ﺑﮑﮭﺮﮮ ﮨﻮﮰ ﺳﻮﮐﮭﮯ ﭘﮭﻮﻟﻮﮞ ﮐﻮ
ﭘﺎﮔﻞ ﻭﺣﺸﯽ ﻣﻨﮧ ﺯﻭﺭ ﮨﻮﺍ
ﺑﮯ ﻭﺟﮧ ﺍﮌﺍ ﻟﮯ ﺟﺎﺗﯽ ﮨﮯ
ﺍﻭﺭ ﺍﺱ ﮐﯽ ﺳﮑﮭﯿﺎﮞ ﺳﻮﭼﺘﯽ ﮨﯿﮟ
ﺟﯿﺴﮯ ﮐﮩﺴﺎﺭ ﮐﮯ ﺳﯿﻨﮯ ﻣﯿﮟ
ﺍﮎ ﻗﯿﻤﺘﯽ ﭼﯿﺰ ﮔﻨﻮﺍ ﺁﺋﯿﮟ
ﺍﮎ ﻣﯿﺖ ﮐﻮ ﺩﻓﻨﺎ ﺁﺋﯿﮟ
" ﻭﮦ ﻟﻤﺤﮧ ﮐﯿﺴﺎ ﻟﻤﺤﮧ ﺗﮭﺎ