ﺳﻨﻮ ﻟﻮﮔﻮﮞ
ﻣﯿﺮﯼ ﺁﻧﮑﮭﯿﮟ ﺧﺮﯾﺪﻭ ﮔﮯ
ﺑﮩﺖ ﻣﺠﺒﻮﺭ ﺣﺎﻟﺖ ﻣﯿﮟ
ﻣﺠﮭﮯ ﻧﯿﻼﻡ ﮐﺮﻧﯽ ﮨﯿﮟ
ﮐﻮﺋﯽ ﻣﺠﮫ ﺳﮯ ﻧﻘﺪ ﻟﮯ ﻟﮯ
ﻣﯿﮟ ﺗﮭﻮﮌﮮ ﺩﺍﻡ ﻟﮯ ﻟﻮﮞ ﮔﺎ
ﺟﻮ ﭘﮩﻠﯽ ﺑﻮﻟﯽ ﺩﮮ ﺩﮮ ﺑﺲ
ﺍُﺳﯽ ﮐﮯ ﻧﺎﻡ ﮐﺮ ﺩﻭﮞ ﮔﺎ
ﻣﺠﮭﮯ ﺑﺎﺯﺍﺭ ﻭﺍﻟﮯ ﮐﮩﮧ ﺭﮨﮯ ﮨﯿﮟ
ﮐﻢ ﻋﻘﻞ ﺗﺎﺟﺮ
ﺍﺭﮮ ﻟﻮﮔﻮﮞ، ﺳﻨﻮ
ﻧﮩﯿﮟ ﻣﯿﮟ ﺣﺮﺹ ﮐﺎ ﺧﻮﺍﮨﺎﮞ
ﻧﻔﻊ ﻧﻘﺼﺎﻥ ﮐﯽ ﺷﻄﺮﻧﺞ ﻧﮩﯿﮟ ﻣﯿﮟ ﮐﮭﯿﻠﻨﮯ ﺁﯾﺎ
ﮐﻮﺋﯽ ﻣﺠﮫ ﮐﻮ ﮐﮩﮯ ﻧﮧ ﻣﻨﭽﻼ ﺳﺎ ﺑﮯ ﮨﻨﺮ ﺗﺎﺟﺮ
ﺑﺘﺎ ﭘﺎﺅﮞ ﮐﺲ ﻃﺮﺡ
ﮐﺲ ﺗﺸﻮﯾﺶ ﻣﯿﮟ ﮨﻮﮞ ﻣﯿﮟ
ﺳﻨﻮ ﻟﻮﮔﻮﮞ
ﺑﮍﯼ ﻣﺤﺒﻮﺏ ﮨﯿﮟ ﻣﺠﮫ ﮐﻮ
ﻣﯿﺮﯼ ﯾﮧ ﻧﯿﻢ ﺗﺮ ﺁﻧﮑﮭﯿﮟ
ﻣﮕﺮ ﺍﺏ ﺑﯿﭽﺘﺎ ﮨﻮﮞ کہ
ﻣﺠﮭﮯ ﺍﯾﮏ ﺧﻮﺍﺏ ﮐﺎ ﺗﺎﻭﺍﻥ ﺑﮭﺮﻧﺎ ﮨﮯ
Saturday, January 3, 2015
ﺳﻨﻮ ﻟﻮﮔﻮﮞ ﻣﯿﺮﯼ ﺁﻧﮑﮭﯿﮟ ﺧﺮﯾﺪﻭ ﮔﮯ
Subscribe to:
Post Comments (Atom)
شہر کے گوشوں میں ھیں بکھرے ھوئے
ReplyDeleteپا شکستہ سر بریدہ خواب
جن سے شہر والے بے خبر!
گھومتا ھوں شہر کے گوشوں میں روز و شب
کہ ان کو جمع کر لوں
دل کی بھٹی میں تپاؤں
جس سے چھٹ جائے پرانا میل
ان کے دست و پا پھر سے ابھر آئیں
چمک اٹھیں لب و رخسار و گردن
جیسے نو آراستہ دولھوں کے دل کی حسرتیں
!پھر سے ان خوابوں کو سمت رہ ملے
"خواب لے لو خواب ۔۔۔۔۔۔۔۔۔۔۔ "
صبح ھوتے ہی چوک میں جا کر لگاتا ھوں صدا ۔۔۔۔۔۔۔۔۔
"خواب اصلی ہیں کہ نقلی"
یوں پرکھتے ہیں کہ جیسے ان سے بڑھ کر
خواب داں کوئی نہ ھو!
خواب گر میں بھی نہیں
صورت گر ثانی ھوں بس ۔۔۔۔۔۔۔
ہاں مگر میری معیشت کا سہارا خواب ہیں!
شام ھو جاتی ھے
میں پھر سے لگاتا ھوں صدا ۔۔۔۔۔۔۔
"مفت لے لو مفت، یہ سونے کے خواب ۔۔۔۔۔۔۔۔۔"
"مفت" سن کر اور ڈر جاتے ہیں لوگ
اور چپکے سے سرک جاتے ہیں لوگ ۔۔۔۔۔۔۔۔۔۔
"دیکھنا یہ "مفت" کہتا ھے
کوئی دھوکا نہ ھو!
ایسا کوئی شعبدہ پنہاں نہ ھو
گھر پہنچ کر ٹوٹ جائیں
یا پگھل جائیں یہ خواب
بھک سے اڑ جائیں کہیں
یا ھم پہ کوئی سحر کر ڈالیں یہ خواب ۔۔۔۔۔۔۔۔۔
جی نہیں کس کام کے؟
ایسے کباڑی کے یہ خواب
ایسے نابینا کباڑی کے یہ خواب!"
رات ھو جاتی ھے
خوابوں کے پلندے سر پہ رکھ کر
منہ بسورے لوٹتا ھوں
رات بھر پھر بڑبڑاتا ھوں
"یہ لے لو خواب ۔۔۔۔۔۔۔۔"
اور لے لو مجھ سے ان کے دام بھی
خواب لے لو، خواب ۔۔۔۔۔۔۔۔۔۔
میرے خواب ۔۔۔۔۔۔۔۔۔۔۔
خواب ۔۔۔۔۔۔۔۔۔ میرے خواب ۔۔۔۔۔۔۔۔۔
خو ا ا ا ا ب ۔۔۔۔۔۔۔۔۔۔۔۔
ان کے د ا ا ا ا م بھی ی ی ی ۔۔۔۔۔۔۔۔۔۔۔۔۔"