ضبط کے زرد آنچل میں
بیٹیاں بھی تو ماؤں جیسی ہوتی ہیں
ضبط کے زرد آنچل میں آپنے
سارے درد چُھپا لیتی ہیں
روتے روتے ہنس دیتی ہیں
ہنستے ہنستے دل ہی دل میں رو لیتی ہیں
خوشی کی خواہش کرتے کرتے
خواب اور خاک میں اَٹ جاتی ہیں
سو حصوں میں بٹ جاتی ہیں
گھر کے دروازے پہ بیٹھی
اُمیدوں کے ریشم بُنتی
ساری عُمر گنوا دیتی ہیں
میں جو گئے دنوں میں
ماں کی خوش فہمی پہ ہنس دیتی تھی
اب خود بھی تو
عُمر کی گُرتی دیواروں سی ٹیک لگائے
فصل خوشی کی بوتی ہوں
اور خوش فہمی کاٹ رہی ہوں
جانے کیسی رسم ہے یہ بھی
ماں کیوں بیٹی کو ورثے میں
اپنا مُقدر دے دیتی ہے
Saturday, January 3, 2015
بیٹیاں بھی تو ماؤں جیسی ہوتی ہیں
Subscribe to:
Post Comments (Atom)
No comments:
Post a Comment