محبت

محبت دشتِ فرقت میں
بنا رختِ سفر چلتے کسی مجذوب کے دل سے نکلتا ایک
نوحہ ہے
محبت راستوں کے جال میں بھٹکتا ہوا راہی
کسی کے بام پہ ٹھہرا ہوا ایک اجنبی چہرہ
محبت خواب بن جائے تو تعبیریں نہیں ملتیں
محبت ایک بارش ہے
جو اک ایک بوند کر کے تن سے من میں جب اترتی ہے
سریلے ساز بجتے ہیں
انوکھے باب کھلتے ہیں
محبت کرنے والے تو فصلِ جاں کو داؤ پر لگا کر
بات کرتے ہیں
محبت ایک سرگوشی
کسی فنکار کے ہاتھوں سے جھڑتا بے خودی کا راگ
محبت بارشوں کے موسم میں یاد کی کایا
محبت جلتے تپتے راستوں پر پھیلتا سایا
محبت اک قضا بن کر بھی آتی ہے
کئی لوگوں کے جیون میں
محبت مرگِ گل بھی ہے
محبت یاس کی صورت
اک ایسی پیاس کی صورت
کبھی جو بجھ نہیں پاتی
محبت اک اداسی ہے
بلا کی خامشی بھی ہے
محبت موسموں کو حسن کا پیغام دیتی ہے
محبت چاہنے والوں کہ یہ انعام دیتی ہے
قبولیت کے دروازوں پہ مہکی اک دعا بھی ہے
محبت اک سزا بھی ہے
محبت پت جھڑوں کا نام
محبت اک سلگتی شام

لاکھ ضبط خواہش کے

لاکھ ضبط خواہش کے
بے شمار دعوے ہوں
اس کو بھول جانے کے
بے پناہ ارادے ہوں
اور اس محبت کو ترک کر کے جینے کا
فیصلہ سنانے کو
کتنے لفظ سوچے ہوں
دل کو اسکی آہٹ پر
بر ملا دھڑکنے سے کون روک سکتا ہے
پھر وفا کے صحرا میں
اس کے نرم لہجے اور سوگوار آنکھوں کی
خوشبوؤں کو چھونے کی
جستجو میں رہنے سے
روح تک پگھلنے سے
ننگے پاؤں چلنے سے
کون روک سکتا ہے
آنسوؤں کی بارش میں
چاہے دل کے ہاتھوں میں
ہجر کے مسافر کے
پاؤں تک بھی چھو آؤ
جس کو لوٹ جانا ہو
اس کو دور جانے سے
راستہ بدلنے سے
دور جا نکلنے سے
کون روک سکتا ہے ؟
نوشی گیلانی

ابھی اک خواب باقی هے

ابھی اک خواب باقی هے

ابھی جگنو نهیں روٹھے
ابھی آنسو نهیں ٹوٹے
ابھی سورج نهیں جاگا
ابھی تارے نهیں ڈوبے
ابھی مهتاب باقی هے 
ابھی اک خواب باقی هے

ابھی منزل نهیں آئی
ابھی رسته نهیں ٹھرا
ابھی جنگل نهیں گزرا
ابھی دریا نهیں اترا
ابھی گرداب باقی هے
ابھی اک خواب باقی هے

ابھی قصه ادھورا هے
ابھی پوری کهانی هے
ابھی سارا بڑھاپا هے
ابھی آدھی جوانی هے
ابھی اس پار جانا هے
ابھی جھیلوں میں پانی هے
ابھی رستے میں دلدل هے
ابھی پایاب باقی هے
ابھی اک خواب باقی هے

نصیر احمد ناصر

کتنا عجیب رشتہ ہے درد اور محبت میں

کتنا عجیب رشتہ ہے
درد اور محبت میں
جس قدر محبتوں میں شدتیں مہکتی ہیں
درد بڑھتا جاتا ہے
کیا عجیب رشتہ ہے
خواب اور حقیقت میں
جس قدر بھی اچھے ہوں
خواب ٹوٹ جاتے ہیں
اور یہ حقیقت ہے
کیا عجیب رشتہ ہے
آنسوؤں کا بارش سے
ہجر کی کہانی جب آنسوؤں سی لکھی ہو
بارشیں نہیں رکتیں
کیا عجیب رشتہ ہے
راستوں کا منزل سے
دل سے گر نہ چلتے ہوں
لاکھ راستے بدلیں
منزلیں نہیں ملتیں
کیا عجیب رشتہ ہے
لفظ کا خیالوں سے
میں تیرے خیالوں میں
گم اگر نہیں ہوتا
لفظ ہی نہیں جڑتے
کیا عجیب رشتہ ہے
دل سے تیری چاہت کا
لاکھ روکنا چاہوں
دل کو تیری چاہت سے
دل میری نہیں سنتا
کیا عجیب رشتہ ہے
موت ، زندگی کا بھی
دل سے شاعری کا بھی
دھڑکنوں سے سانسوں کا
مجھ سے تیری آنکھوں کا
تجھ سے میری باتوں کا
روشنی سے راتوں کا
کچھ سمجھ نہیں آتا
ضبط آخری حد تک
آزماۓ جاتے ہیں
اور ایسے رشتوں کو
ہم نبھاۓ جاتے ہیں

اے مرے کبریا

اے مرے کبریا
اے انوکھے سخی
اے مرے کبریا
میرے ادراک کی سرحدوں سے پرے
میرے وجدان کی سلطنت سے ادھر
تیری پہچان کا اولین مرحلہ
میری مٹی کے سب ذائقوں سے جدا
تیری چاہت کی خوشبو کا پہلا سفر
میری منزل
تیری رہگزر کی خبر
میرا حاصل
تیری آگہی کی عطا
میرے لفظوں کی سانسیں
ترا معجزہ
میرے حرفوں کی نبضیں
ترے لطف کا بے کراں سلسہ
میرے اشکوں کی چاندی
تیرا آئینہ
میری سوچوں کی سطریں
تری جستجو کی مسافت میں گم راستوں کا پتہ
میں مسافر ترا ( *خود سے نا آشنا )
ظلمتوں کے گھنے جنگلوں میں گھرا
خود پہ اوڑھے ہوئے کربِ وہم و گماں کی سلگتی ردا
ناشناسائیوں کے پرانے مرض
گمرہی کے طلسمات میں مبتلا
سورجوں سے بھری کہکشاں کے تلے
ڈھونڈتا پھر رہا ہوں ترا نقشِ پا
اے انوکھے سخی
اے مرے کبریا
کب تلک گمرہی کے طلسمات میں
ظلمتِ ذات میں
ناشناسائیوں سے اٹی رات میں
دل بھٹکتا رہے
بھر کے دامانِ صد چاک میں بے اماں حسرتوں کا لہو
بے ثمر خواہشیں
رائیگاں جستجو
اے انو کھے سخی
اے مرے کبریا
کوئی رستہ دکھا
خود پہ کھل جاؤں میں
مجھ پہ افشا ہو تو
اے مرے کبریا
کبریا اب مجھے
لوحِ ارض و سما کے سبھی ناتراشیدہ پوشیدہ
حرفوں میں لپٹے ہوئے
اسم پڑھنا سکھا
اے انوکھے سخی
اے مرے کبریا
میں مسافر ترا

ﻣﺤﺒﺖ ﺣﺮﻑِ ﺍﻭﻝ ﮨﮯ

ﻣﺤﺒﺖ ﺣﺮﻑِ ﺍﻭﻝ ﮨﮯ
ﻣﺤﺒﺖ ﺣﺮﻑِ ﺁﺧﺮ ﮨﮯ
ﯾﮧ ﮨﮯ ﺍﮎ ﺍﯾﺴﺎ ﺟﺬﺑﮧ ﺟﻮ
ﻇﮩﻮﺭ ﺍﭘﻨﮯ ﻣﯿﮟ ﻣﺎﮨﺮ ﮨﮯ
ﺯﻣﺎﻧﮯ ﻣﯿﮟ ﺍﺩﺍﺳﯽ ﺑﮭﯽ
ﻣﺤﺒﺖ ﺑﺎﻧﭧ ﺳﮑﺘﯽ ﮨﮯ
ﮐﺴﯽ ﮐﮯ ﺩﻝ ﺳﮯ ﻧﻔﺮﺕ ﮐﻮ
ﻣﺤﺒﺖ ﭼﮭﺎﻧﭧ ﺳﮑﺘﯽ ﮨﮯ
ﻣﺤﺒﺖ ﺑﺎﻭﻓﺎ ﺑﮭﯽ ﮨﮯ
ﻣﺤﺒﺖ ﺩﻝ ﺭﺑﺎ ﺑﮭﯽ ﮨﮯ
ﻣﺤﺒﺖ ﮐﺮﻧﮯ ﻭﺍﻟﻮﮞ ﮐﻮ
ﻣﺤﺒﺖ ﺳﮯ ﮔﻠﮧ ﺑﮭﯽ ﮨﮯ
ﻣﺤﺒﺖ ﻣﯿﮟ ﺟﻮ ﮨﻮﺗﮯ ﮨﯿﮟ
ﮔﻠﮯ ﻭﮦ ﺳﺐ ﻣﺤﺒﺖ ﮨﯿﮟ
ﻟﮕﻦ ﭼﺎﮨﺖ ﻭﻓﺎﺩﺍﺭﯼ
ﯾﮧ ﺳﺎﺭﮮ ﮈﮬﺐ ﻣﺤﺒﺖ ﮨﯿﮟ
ﻣﺤﺒﺖ ﺁﻥ ﺟﯿﺴﯽ ﮨﮯ
ﻣﺤﺒﺖ ﻣﺎﻥ ﺟﯿﺴﯽ ﮨﮯ
ﻣﺤﺒﺖ ﭘﮭﻮﻝ ﺟﯿﺴﯽ ﮨﮯ
ﻣﺤﺒﺖ ﺟﺎﻥ ﺟﯿﺴﯽ ﮨﮯ
ﻣﺤﺒﺖ ﺟﺎﻥ ﻟﯿﺘﯽ ﮨﮯ
ﻣﺤﺒﺖ ﺟﺎﻥ ﺩﯾﺘﯽ ﮨﮯ
ﻣﺤﺒﺖ ﺳﺮﻓﺮﻭﺷﯽ ﮐﻮ
ﮨﻤﯿﺸﮧ ﻣﺎﻥ ﻟﯿﺘﯽ ﮨﮯ
ﻣﺤﺒﺖ ﺍﮎ ﺗﺒﺴّﻢ ﮨﮯ
ﺟﻮ ﭘﮭﻮﻟﻮﮞ ﻣﯿﮟ ﺑﮭﯽ ﮐﮭﻠﺘﺎ ﮨﮯ
ﮐﺒﮭﯽ ﭨﻠﯽ ﮐﮯ ﭘﻨﮑﮭﻮﮞ ﻣﯿﮟ
ﮐﺒﮭﯽ ﻣﻤﺘﺎ ﻣﯿﮟ ﻣﻠﺘﺎ ﮨﮯ
ﻣﺤﺒﺖ ﺳﺎﻧﺲ ﻟﯿﺘﯽ ﮨﮯ
ﻣﺤﺒﺖ ﺩﯾﮑﮫ ﺳﮑﺘﯽ ﮨﮯ
ﻣﺤﺒﺖ ﺳﺎﺗﮫ ﭼﻠﺘﯽ ﮨﮯ
ﻣﺤﺒﺖ ﺭﮦ ﺑﺪﻟﺘﯽ ﮨﮯ
ﮐﺴﯽ ﮐﯽ ﺷﺎﺩﻣﺎﻧﯽ ﮐﻮ
ﻣﺤﺒﺖ ﺳﻮﭺ ﺳﮑﺘﯽ ﮨﮯ
ﯾﮧ ﺳﺎﺭﯼ ﺯﻧﺪﮔﺎﻧﯽ ﮐﮯ
ﻏﻤﻮﮞ ﮐﻮ ﻧﻮﭺ ﺳﮑﺘﯽ ﮨﮯ
ﻣﺤﺒﺖ ﺍﮎ ﻧﮕﯿﻨﮧ ﮨﮯ
ﯾﮧ ﺟﯿﻨﮯ ﮐﺎ ﻗﺮﯾﻨﮧ ﮨﮯ
ﻧﮩﯿﮟ ﺟﻮ ﮈﻭﺑﻨﮯ ﭘﺎﺗﺎ
ﻣﺤﺒﺖ ﻭﮦ ﺳﻔﯿﻨﮧ ﮨﮯ
ﺟﮩﺎﮞ ﮐﮯ ﺳﺐ ﻣﺬﺍﮨﺐ ﻣﯿﮟ
ﻣﺤﺒﺖ ﮐﺎ ﺗﻘﺪّﺱ ﮨﮯ
ﯾﮩﯽ ﺍﻧﺴﺎﮞ ﮐﮯ ﺟﺬﺑﻮﮞ ﻣﯿﮟ
ﻋﻄﺎ ﺳﺐ ﺳﮯ ﻣﻘﺪﺱ ﮨﮯ
ﻣﺤﺒﺖ ﮐﺎ ﯾﮧ ﺟﺬﺑﮧ ﺍﺏ
ﺑﮍﺍ ﭘﺎﻣﺎﻝ ﮨﻮﺗﺎ ﮨﮯ
ﯾﮧ ﺟﺲ ﮐﮯ ﺩﻝ ﻣﯿﮟ ﺑﺲ ﺟﺎﺋﮯ
ﺑﮩﺖ ﺑﮯ ﺣﺎﻝ ﮨﻮﺗﺎ ﮨﮯ
ﻣﺤﺒﺖ ﮐﻞ ﺑﮭﯽ ﮨﻮﺗﯽ ﺗﮭﯽ
ﻣﺤﺒﺖ ﺍﺏ ﺑﮭﯽ ﮨﻮﺗﯽ ﮨﮯ
ﻣﮕﺮ ﺍﭘﻨﮯ ﻣﻘﺪﺭ ﭘﺮ
ﻣﺤﺒﺖ ﺁﺝ ﺭﻭﺗﯽ ﮨﮯ

ﺭﻧﺠﺸﻮﮞ ﮐﯽ ﺑﺎﺗﻮﮞ ﮐﻮ ﺑﮭﻮﻟﻨﺎ ﺑﮭﯽ ﭘﮍﺗﺎ ﮨﮯ

ﺩﺭﺩ ﭘﮭﯿﻞ ﺟﺎﺋﮯ ﺗﻮ
ﺍﯾﮏ ﻭﻗﺖ ﺁﺗﺎ ﮨﮯ
ﺩﻝ ﺩﮬﮍﮐﺘﺎ ﺭﮨﺘﺎ ﮨﮯ
ﺁﺭﺯﻭ ﮔﺰﯾﺪﻭﮞ ﮐﮯ ﺣﻮﺻﻠﮯ ﻧﮩﯿﮟ ﭼﻠﺘﮯ
ﺩﺷﺖِ ﺑﮯ ﯾﻘﯿﻨﯽ ﻣﯿﮟ ﺁﺳﺮﮮ ﻧﮩﯿﮟ ﭼﻠﺘﮯ
ﺭﺍﮦ ﺭﻭﺅﮞ ﮐﯽ ﺁﻧﮑﮭﻮﮞ ﻣﯿﮟ
ﻣﻨﺰﻟﯿﮟ ﻧﮧ ﺟﺐ ﺗﮏ ﮨﻮﮞ ، ﻗﺎﻓﻠﮯ ﻧﮩﯿﮟ ﭼﻠﺘﮯ
ﺍﯾﮏ ﺫﺭﺍ ﺗﻮﺟﮧ ﺳﮯ ﺩﯾﮑﮭﺌﮯ ﺗﻮ ﮐﮭﻠﺘﺎ ﮨﮯ
ﻟﻮﮒ ﺍﻥ ﭘﮧ ﭼﻠﺘﮯ ﮨﯿﮟ ﺭﺍﺳﺘﮯ ﻧﮩﯿﮟﭼﻠﺘﮯ
ﺳﻮﭼﻨﮯ ﺳﻤﺠﮭﻨﮯ ﺳﮯ ، ﺳﺎﺗﮫ ﺳﺎﺗﮫ ﭼﻠﻨﮯ ﺳﮯ
ﺩﻭﺭﯾﺎﮞ ﺳﻤﭩﯽ ﮨﯿﮟﻓﺎﺻﻠﮯ ﻧﮩﯿﮟ ﭼﻠﺘﮯ
ﺧﻮﺍﺏ ﺧﻮﺍﺏ ﺁﻧﮑﮭﻮﮞ ﻣﯿﮟ ، ﺭﺗﺠﮕﮯ ﻧﮩﯿﮟ ﭼﻠﺘﮯ
ﺩﺭﮔﺰﺭ ﮐﮯ ﺣﻠﻘﮯ ﻣﯿﮟ ﻣﺴﺌﻠﮯ ﻧﮩﯿﮟﭼﻠﺘﮯ
ﺩﻭ ﺩﻟﻮﮞ ﮐﯽ ﻗﺮﺑﺖ ﻣﯿﮟ ﺗﯿﺴﺮﺍ ﻧﮩﯿﮟﮨﻮﺗﺎ
ﻭﺍﺳﻄﮯ ﻧﮩﯿﮟ ﭼﻠﺘﮯ
ﺑﺨﺖ ﺳﺎﺗﮫ ﭼﻠﺘﺎ ﮨﮯ ﺗﺎﺑﻊ ﺁﺯﻣﺎﺅﮞ ﮐﮯ
ﻭﻗﺖ ﺭﺍﻡ ﮐﺮﻧﮯ ﻣﯿﮟ ﺗﺠﺰﯾﻮﮞ ﮐﮯ ﺩﺍﺅ ﮐﯿﺎ
ﺗﺠﺮﺑﮯ ﻧﮩﯿﮟ ﭼﻠﺘﮯ
ﻋﺸﻖ ﮐﮯ ﻋﻼﻗﮯ ﻣﯿﮟ ﺣﮑﻢِ ﯾﺎﺭ ﭼﻠﺘﺎ ﮨﮯ
ﺿﺎﺑﻄﮯ ﻧﮩﯿﮟ ﭼﻠﺘﮯ
ﺣﺴﻦ ﮐﯽ ﻋﺪﺍﻟﺖ ﻣﯿﮟ ﻋﺎﺟﺰﯼ ﺗﻮ ﭼﻠﺘﯽ ﮨﮯ
ﻣﺮﺗﺒﮯ ﻧﮩﯿﮟ ﭼﻠﺘﮯ
ﺩﻭﺳﺘﯽ ﮐﮯ ﺭﺷﺘﻮﮞ ﮐﯽ ﭘﺮﻭﺭﺵ ﺿﺮﻭﺭﯼ ﮨﮯ
ﺳﻠﺴﻠﮯ ﺗﻌﻠﻖ ﮐﮯ ﺧﻮﺩ ﺳﮯ ﺑﻦ ﺗﻮ ﺟﺎﺗﮯ ﮨﯿﮟ
ﻟﯿﮑﻦ ﺍﻥ ﺷﮕﻮﻓﻮﮞ ﮐﻮ ﭨﻮﭨﻨﮯ ﺑﮑﮭﺮﻧﮯ ﺳﮯ
ﺭﻭﮐﻨﺎ ﺑﮭﯽ ﭘﮍﺗﺎ ﮨﮯ
ﭼﺎﮨﺘﻮﮞ ﮐﯽ ﻣﭩﯽ ﮐﻮ ﺁﺭﺯﻭ ﮐﮯ ﭘﻮﺩﮮ ﮐﻮ
ﺳﯿﻨﭽﻨﺎ ﺑﮭﯽ ﭘﮍﺗﺎ ﮨﮯ
ﺭﻧﺠﺸﻮﮞ ﮐﯽ ﺑﺎﺗﻮﮞ ﮐﻮ ﺑﮭﻮﻟﻨﺎ ﺑﮭﯽ ﭘﮍﺗﺎ ﮨﮯ

محبت بے وفا ہرگز نہیں ہوتی

محبت بے وفا ہرگز نہیں ہوتی
محبت کرنے والے
لاکھ اندیشوں میں گھر جائیں
محبت کرکے پچھتائے
تو ان کے اپنے کہنے سے
محبت بے وفا ہرگز نہیں ہوتی
محبت صرف ایک طرز عبادت ہے
محبت خود خدا ہرگز نہیں ہوتی
محبت ایک دیا ہے
جو فصیل دل پر روشن ہے
محبت نفی کی پہچان کا
پہلا حوالہ ہے
محبت اُجالا ہے
محبت کی نہیں جاتی
یہ ہو جاتی ہے اکثر
اور ہو جائے تو
تڑپاتی ہے
تڑپاتی بھی ایسی ہے
رگوں میں خون چلتا ہے نہ رکتا ہے
سراپا اجنبی زخموں سے دُکھتا ہے
محبت روگ بن جاتی ہے
روگ ایسا
کہ کوئی کام کرنے کو جی نہیں چاہتا
حد یہ کہ مرنے کو جی نہیں چاہتا
لیکن
محبت بے وفاہر گز ہوتی

ﻣﯿﮟ ﺍﺟﻨﺒﯽ ﮨﻮﮞ

ﻣﯿﮟ ﺍﭘﻨﯽ ﻣﯿﺖ ﮐﺎ ﺁﭖ ﻭﺍﺭﺙ
ﻣﯿﮟ ﺍﭘﻨﮯ ﺑﮯ ﺁﺳﺮﺍ ﻟﮩﻮ ﮐﺎ
ﺧﻮﺩ ﺁﭖ ﺑﺮﺯﺥ
ﻣﯿﺮﮮ ﻧﻘﺶ ﻣﯿﮟ ﺍﺗﺮﺗﯽ ﺻﺒﺤﻮﮞ
ﺑﮑﮭﺮﺗﯽ ﺷﺎﻣﻮﮞ ﮐﯽ ﺧﻮﺩﮐﺸﯽ ﮨﮯ
ﺣﺬﺭ ﮐﺮﻭ ﻣﯿﺮﯼ ﻗﺮﺑﺘﻮﮞ ﺳﮯ
ﮐﮧ ﻣﯿﺮﺍ ﻣﺎﺣﻮﻝ ﺗﻨﮩﺎﺋﯽ ﮨﮯ
ﺳﺠﮯ ﮨﻮﮮٔ ﺷﮩﺮ ﮐﮯ ﻣﮑﯿﻨﻮ
ﻣﺠﮭﮯ ﻧﮧ ﺩﯾﮑﮭﻮ
ﻣﯿﮟ ﺍﺟﻨﺒﯽ ﮨﻮﮞ

کِس قدر آسان لگتا ہے تمھیں

کِس قدر
کِس قدر آسان لگتا ہے تمھیں
ایک پَل میں سارے رشتے توڑ دینا
سب تعلّق چھوڑ دینا
زندگانی کو نیا اِک موڑ دینا
کِس قدر آسان لگتا ہے تمھیں
یہ کہہ دینا کہ تم ہی میری بربادی کے ذمّہ دار ہو
مکّار ہو عیاّر ہو
بے حِس ہو دُنیا دار ہو
اور چند گھنٹے بعد
سب کچھ بھُول جانا
اور پھر اصرار کرنا
تم ہی میرا پیار ہو
تم ہی میری زندگی ہو
تم ہی میرا پیار ہو
کِس قدر آسان لگتا ہے تمھیں

ﻣُﺤﺒﺖ ﺟﮭﻮﭦ ﻟﮕﺘﯽ ﮨﮯ ﻣُﺠﮭﮯ

ﻣُﺤﺒﺖ ﺟﮭﻮﭦ ﻟﮕﺘﯽ ﮨﮯ ﻣُﺠﮭﮯ
ﺍﮎ ﮐﮭﻮﮐﮭﻼ ﺟﺬﺑﮧ
ﺟﺴﮯ ﺍﻇﮩﺎﺭ ﮐﯽ ﮨﺮ ﻭﻗﺖ ﺧﻮﺍﮨﺶ ﮨﻮ
ﮐﮩﮯ ﺟﺎﻧﮯ ﮐﯽ ﺳُﻨﻨﮯ ﮐﯽ
ﺟﺴﮯ ﮨﺮ ﭘﻞ ﺿﺮﻭﺭﺕ ﮨﻮ
ﻣُﺠﮭﮯ ﺗﻢ ﺳﮯ ﻣُﺤﺒﺖ ﮨﮯ
ﻧﮧ ﺟﺎﻧﮯ ﺭﻭﺯ ﮐﺘﻨﮯ ﻟﻮﮒ ﺍﺱ ﺟُﻤﻠﮯ ﮐﻮ ﺳﻨُﻨﮯ ﮐﮯ
ﻟﯿﺌﮯ
ﺑﯿﺪﺍﺭ ﮨﻮﺗﮯ ﮨﯿﮟ
ﯾﮧ ﺍﯾﺴﺎ ﺟﮭﻮﭦ ﮨﮯ ﺟﺲ ﮐﺎ ﺳﺤﺮ ﺻﺪﯾﻮﮞ ﺳﮯ
ﻃﺎﺭﯼﮨﮯ
ﻣﮕﺮ ﺟﺎﻧﺎﮞ
ﻣُﺤﺒﺖ ﺟﺐ ﮐﺒﮭﯽ ﺍﻇﮩﺎﺭ ﮐﻮ ﺗﺮﺳﮯ
ﮐﻮﺋﯽ ﺗُﻢ ﺳﮯ ﺍﮔﺮ ﮐﮩﮧ ﺩﮮ
ﻣُﺠﮭﮯ ﺗﻢ ﺳﮯ ﻣُﺤﺒﺖ ﮨﮯ
ﺗﻮ ﺍُﺳﮑﯽ ﺑﺎﺕ ﻣﺖ ﺳُﻨﻨﺎ
ﻣُﺤﺒﺖ ﺭﻭﺡ ﺳﮯ ﭘﮭﻮﭨﮯ
ﻣُﺤﺒﺖ ﻋﮑﺲ ﺑﻦ ﺟﺎﺋﮯ
ﺗﻮ ﺗُﻢ ﮐﻮ ﭘﮭﺮ ﯾﻘﯿﮟ ﺁﺋﮯ
ﮐﮧ ﻣﯿﮟ ﻧﮯ ﺳﭻ ﮐﮩﺎ ﺗُﻢ ﺳﮯ
ﻣُﺤﺒﺖ ﺭﻭﺡ ﺑﻦ ﺟﺎﺋﮯ
ﺗﻮ ﭘﮭﺮ ﺍُﺳﮑﺎ ﯾﻘﯿﮟ ﮐﺮﻧﺎ
ﻭﮔﺮﻧﺎ ﺍﯾﮏ ﺟُﻤﻠﮧ ﮐﻮﺋﯽ ﮐﺘﻨﯽ ﺑﺎﺭ ﺩُﮨﺮﺍﺋﮯ
ﮐﮩﮯ ﺟﺎﺋﮯ ﻧﮩﯽ ﺳُﻨﻨﺎ
ﻣُﺤﺒﺖ ﺟﮭﻮﭦ ﮨﮯ ﺟﺎﻧﺎﮞ
ﺍﮔﺮ ﺍﻇﮩﺎﺭ ﮐﯽ ﺍﺳﮑﻮ ﺿﺮﻭﺭﺕ ﮨﻮ

محّبت ٹھہر جاتی ہے

محّبت ٹھہر جاتی ہے
ہم اكثر يه سمجھتے ہیں
جسے ہم پیار کرتے ہیں
اُسے هم بُهول بیٹھے ہیں
مگر ایسا نہیں ہوتا
محّبت دائمی سچ ہے
محبت ٹھہر جاتی ہے
ہماری بات کے اندر
محبت بیٹھ جاتی ہے
ہماری ذات کے اندر
مگر یہ کم نہیں ہوتی
کسی بھی دکھ کی صورت میں
کبھی کوئی ضرورت میں
کبھی انجان سے غم میں
کبھی لہجے کی ٹھنڈک میں
اُداسى كى ضرورت میں
کبھی بارش کی صورت میں
ہماری آنکھ کے اندر
کبھی آبِ رواں بن کر
کبھی قطرے کی صورت میں
بظاھر ایسا لگتا ہے
جسے ہم پیار کرتے ہیں
اسے ہم بھول بیٹھے ہیں
مگر ایسا نہیں ہوتا
یہ ہر گز کم نہیں ہوتی
محبت بیٹھ جاتی ہے
ہماری بات کے اندر
ہماری ذات کے اندر

تری خوشبو نہیں ملتی، ترا لہجہ نہیں ملتا

تری خوشبو نہیں ملتی، ترا لہجہ نہیں ملتا
ہمیں تو شہر میں کوئی ترے جیسا نہیں ملتا

یہ کیسی دھند میں ہم تم سفر آغاز کر بیٹھے
تمہیں آنکھیں نہیں ملتیں ہمیں چہرہ نہیں ملتا

ہر اک تدبیر اپنی رائیگاں ٹھہری محبت میں
کسی بھی خواب کو تعبیر کا رستہ نہیں ملتا

بھلا اس کے دکھوں کی رات کا کوئی مداوا ہے
وہ ماں جس کو کبھی کھویا ہوا بچہ نہیں ملتا

زمانے کو قرینے سے وہ اپنے ساتھ رکھتا ہے
مگر میرے لیے اس کو کوئی لمحہ نہیں ملتا

مسافت میں دعائے ابر ان کا ساتھ دیتی ہے
جنہیں صحرا کے دامن میں کوئی دریا نہیں ملتا

جہاں ظلمت رگوں میں اپنے پنجے گاڑ دیتی ہے
اسی تاریک رستے پر دیا جلتا نہیں ملتا !

ﺗﻢ ﺍﯾﺴﺎ ﮐﺮﻧﺎ ﮐﮧ ﮐﻮﺋﯽ ﺟﮕﻨﻮ ﮐﻮﺋﯽ ﺳﺘﺎﺭﮦ ﺳﻨﺒﮭﺎﻝ ﺭﮐﮭﻨﺎ

ﺗﻢ ﺍﯾﺴﺎ ﮐﺮﻧﺎ ﮐﮧ ﮐﻮﺋﯽ ﺟﮕﻨﻮ ﮐﻮﺋﯽ ﺳﺘﺎﺭﮦ
ﺳﻨﺒﮭﺎﻝ ﺭﮐﮭﻨﺎ
ﻣﺮﮮ ﺍﻧﺪﮬﯿﺮﻭﮞ ﮐﯽ ﻓﮑﺮ ﭼﮭﻮﮌﻭ ﺗﻢ ﺍﭘﻨﮯ
ﮔﮭﺮ ﮐﺎ ﺧﯿﺎ ﻝ ﺭﮐﮭﻨﺎ
ﺍُﺟﺎﮌ ﻣﻮﺳﻢ ﻣﯿﮟ ﺭﯾﺖ ﺩﮬﺮﺗﯽ ﭘﮧ ﻓﺼﻞ
ﺑﻮﺋﯽ ﺗﮭﯽ ﭼﺎﻧﺪﻧﯽ ﮐﯽ
ﺍﺏ ﺍُﺱ ﻣﯿﮟ ﺍُﮔﻨﮯ ﻟﮕﮯ ﺍﻧﺪﮬﯿﺮﮮ ﺗﻮ ﮐﯿﺴﺎ
ﺟﯽ ﻣﯿﮟ ﻣﻼﻝ ﺭﮐﮭﻨﺎ
ﺩﯾﺎﺭِ ﺍﻟﻔﺖ ﻣﯿﮟ ﺍﺟﻨﺒﯽ ﮐﻮ ﺳﻔﺮ ﮨﮯ ﺩﺭﭘﯿﺶ
ﻇﻠﻤﺘﻮﮞ ﮐﺎ
ﮐﮩﯿﮟ ﻭﮦ ﺭﺍﮨﻮﮞ ﻣﯿﮟ ﮐﮭﻮ ﻧﮧ ﺟﺎﺋﮯ ﺫﺭﺍ
ﺩﺭﯾﭽﮧ ﺍُﺟﺎﻝ ﺭﮐﮭﻨﺎ
ﻭﮦ ﺭﺳﻢ ﻭ ﺭﮦ ﮨﯽ ﻧﮩﯿﮟ ﺗﻮ ﭘﮭﺮﯾﮧ ﺍﺛﺎﺛﮯ ﮐﺲ
ﮐﺎﻡ ﮐﮯ ﺗﻤﮭﺎﺭﮮ
ﺍُﺩﮬﺮ ﺳﮯ ﮔﺰﺭﺍ ﮐﺒﮭﯽ ﺗﻮ ﻟﮯ ﻟﻮﮞ ﮔﺎ ﺗﻢ ﻣﺮﮮ
ﺧﻂ ﻧﮑﺎﻝ ﺭﮐﮭﻨﺎ
ﺑﭽﮭﮍﻧﮯ ﻭﺍﻟﮯ ﻧﮯ ﻭﻗﺖِ ﺭﺧﺼﺖ ﮐﭽﮫ ﺍﺱ
ﻧﻈﺮ ﺳﮯ ﭘﻠﭧ ﮐﮯ ﺩﯾﮑﮭﺎ
ﮐﮧ ﺟﯿﺴﮯ ﻭﮦ ﺑﮭﯽ ﯾﮧ ﮐﮩﮧ ﺭﮨﺎ ﮨﻮ، ﺗﻢ ﺍﭘﻨﮯ
ﮔﮭﺮ ﮐﺎ ﺧﯿﺎﻝ ﺭﮐﮭﻨﺎ
ﯾﮧ ﺩﮬﻮﭖ ﭼﮭﺎﺅﮞ ﮐﺎﮐﮭﯿﻞ ﮨﮯ ﯾﺎﮞ ﺧﺰﺍﮞ
ﺑﮩﺎﺭﻭﮞ ﮐﯽ ﮔﮭﺎﺕ ﻣﯿﮟ ﮨﮯ
ﻧﺼﯿﺐِ ﺻﺒﺢ ﻋﺮﻭﺝ ﮨﻮ ﺗﻮ ﻧﻈﺮﻣﯿﮟ ﺷﺎﻡِ
ﺯﻭﺍﻝ ﺭﮐﮭﻨﺎ
ﮐﺴﮯ ﺧﺒﺮ ﮨﮯ ﮐﮧ ﮐﺐ ﯾﮧ ﻣﻮﺳﻢ ﺍُﮌﺍ ﮐﮯ
ﺭﮐﮭﺪﮮ ﮔﺎ ﺧﺎﮎ ﺁﺫﺭ
ﺗﻢ ﺍﺣﺘﯿﺎﻃﺎً ﺯﻣﯿﮟ ﮐﮯ ﺳﺮ ﭘﺮ ﻓﻠﮏ ﮐﯽ ﭼﺎﺩﺭ
ﮨﯽ ﮈﺍﻝ ﺭﮐﮭﻨﺎ

وہ مجھ سے پوچھتی ہے، تم کسے مجرم سمجھتے ہو

وہ مجھ سے پوچھتی ہے، تم کسے مجرم سمجھتے ہو
میں کہتا ہوں، اسے جو درد کے معنی نہ سمجھا ہو
وہ مجھ سے پوچھتی ہے، جھوٹ اور سچائیاں کیا ہیں
میں کہتا ہوں کہ نیت اور نتائج کی پزیرائی
وہ مجھ سے پوچھتی ہے، سب سے پہلے کون رہتا تھا
میں کہتا ہوں کہ اندازہ یا مفروضہ ہی ممکن ہے
وہ مجھ سے پوچھتی ہے، کون رہ جائے گا دینا میں
میں کہتا ہوں کہ بالکل اک نئی اور اجنبی دنیا
وہ مجھ سے پوچھتی ہے، موت کے بارے بتاؤ گے
میں کہتا ہوں، خط تنسیخ ہے آغاز سے پہلے
وہ مجھ سے پوچھتی ہے، جنگلوں میں کون رہتا ہے
میں کہتا ہوں، وہی جو شہر میں رہنے سے خائف ہے
وہ مجھ سے پوچھتی ہے، آسمانوں سے پرے کیا ہے
میں کہتا ہوں، نہ ویرانے نہ آبادی نہ بربادی
وہ مجھ سے پوچھتی ہے، وقت کو تم کیا سمجھتے ہو
میں کہتا ہوں کہ ہر احساس کے اعداد کی گنتی
وہ مجھ سے پوچھتی ہے، کیا خدا کو مانتے ہو تم
میں کہتا ہوں، یقیناً اور اسے محسوس کرتا ہوں
وہ مجھ سے پوچھتی ہے، یہ مذاہب کے مسائل کیا
میں کہتا ہوں کہ دینا کے بڑے لوگوں کی باتیں ہیں
وہ مجھ سے پوچھتی ہے، خواب کی تعبیر کے بارے
میں اس سے پوچھتا ہوں، عقل کی جاگیر کے بارے
وہ مجھ سے پوچھتی ہے، زندگی کے راز کے بارے
میں اس سے پوچھتا ہوں، دھڑکنوں کے ساز کے بارے
وہ مجھ سے پوچھتی ہے، رات اور دن کی مسافت کیا
میں کہتا ہوں، یہ سائے ہیں کسی قیدی مسافر کے
وہ مجھ سے پوچھتی ہے، ہم اگر کچھ بھی نہیں ہیں تو
میں کہتا ہوں، نہیں ہونا بھی ہوتا ہے جہانوں میں
وہ مجھ سے پوچھتی ہے، عقل کیا ہے اور دل کیا ہے
میں کہتا ہوں کہ بس اک اختلافِ عملِ پیہم ہے
فرحت عباس شاہ

وہ بولی، آسمانوں کی طرف نظریں نہیں اٹھتیں

وہ بولی، آسمانوں کی طرف نظریں نہیں اٹھتیں
میں کہتا ہوں کہ شاید بوجھ پڑتا ہو نگاہوں پر
وہ بولی، پھر پلٹ آئے، چلے تو پھر پلٹ آئے
میں بولا، بند کوچے کا سفر ہے زندگی اپنی
وہ بولی، ہر سڑک جاتی ہے غم کے شہر کی جانب
میں بولا، اور اگر وہ شہر اپنے دل میں ہو تو پھر
وہ بولی، غم ہمیشہ ساتھ دیتا ہے مصیبت میں
میں بولا، اک ذرا ٹھہرو، مجھے کچھ غور سے دیکھو
وہ بولی، کیا ضروری تھا مجھے تم ساتھ ہی رکھتے
میں بولا، روح بن میں جسم کیا کرتا، کہاں جاتا
وہ بولی، آ گیا ہے ریتلا موسم جدائی کا
میں بولا، میں تیرا صحرا نورد مستقل ٹھہرا
وہ بولی، ریت اڑتی ہے تو آنکھوں میں بھی پڑتی ہے
میں بولا، درد کی ماری ہوئی آنکھوں کو اس سے کیا
وہ بولی، سوچ لو اس دھوپ میں کانٹے برستے ہیں
میں بولا، یہ تو اچھا ہے بدن پر پھول مہکیں گے
وہ بولی، رات زخموں پر بہت ٹیسیں بھی برسیں گی
میں بولا، زخم پر زخموں کو سہ جانے کی عادت ہے
وہ بولی، آرزوؤں کے لہو کا زائقہ کیا ہے
میں بولا، تلخ ہے میٹھا ہے، کڑوا ہے رسیلا ہے
وہ کہتی ہے کہ میں تو مانگ میں سورج سجاؤں گی
میں کہتا ہوں کہ سورج کی وضاحت ہو مگر پہلے
وہ کہتی ہے، میں اپنے دل میں اک دیوار اٹھاؤں گی
میں کہتا ہوں کہ میں اس بات کا مطلب نہیں سمجھا
وہ کہتی ہے، میں آنکھوں میں کوئی صحرا بساؤں گی
میں کہتا ہوں کہ بینائی جھلس جائے گی ایسے تو
وہ کہتی ہے، میں پیڑوں پر تمہارا بخت لکھوں گی
میں کہتا ہوں کہ پیڑوں سے عداوت ہے تمہیں کوئی
وہ کہتی ہے، میں پانی پر تیرا چہرا بناؤ گی
میں کہتا ہوں، مجھے لگتا ہے تیرا دل بھی پانی تھا
فرحت عباس شاہ

وہ کہتی ہے، غبارِ وقت میں دھندلا گیا جیون

وہ کہتی ہے، غبارِ وقت میں دھندلا گیا جیون
میں کہتا ہوں، پلٹ کر دیکھنا تکلیف دیتا ہے
وہ کہتی ہے کہ تم مجھ کو پکارا ہی نہیں کرتے
میں بولا کیا، کروں کوئی گوارا ہی نہیں کرتا
وہ مجھ سے پوچھتی ہے، کیا مجھے تم یاد کرتے ہو
میں کہتا ہوں کہ جانِ من تمہیں میں بھولتا کب ہوں
وہ کہتی ہے کہ اب تو رائیگاں لگتا ہے سارا کچھ
میں کہتا ہوں، مجھے تو رائیگانی کا بھی دھوکا ہے
وہ کہتی ہے، تمنائیں سلامت ہی نہیں اب تو
میں کہتا ہوں کہ جیون میں یہ ٹھہراؤ بھی آتا ہے
وہ مجھ سے پوچھتی ہے، شورش، چشمِ تماشہ کیا ہے
میں کہتا ہوں، کہ یہ تو شورش عالم کا حصہ ہے
وہ مجھ سے پوچھتی ہے، بیعت سلطان غم کیونکر
میں کہتا ہوں کہ یہ آداب ہیں رسمِ محبت کے
وہ مجھ سے پوچھتی ہے، جبر پر صبر مسلسل کیوں
میں کہتا ہوں کہ جب تک جنگ کی صورت نہیں بنتی
وہ مجھ سے پوچھتی ہے، عالم بالا کہاں پر ہے
میں کہتا ہوں، ہماری فکر کی بالائی منزل پر
وہ مجھ سے پوچھتی ہے، سب قیام و نظم کیسے ہے
میں کہتا ہوں، کوئی تو ہے جسے سب ٹھیک کرنا ہے
وہ کہتی ہے، رزقِ خاک بے معنی ہوں دنیا میں 
میں کہتا ہوں کہ یہ سارا نظامِ آدمیت ہے
وہ کہتی ہے، میں عجز فطرت کونین ہوں جاناں 
میں کہتا ہوں، مجھے معلوم ہے اے عظمتِ خاکی
وہ کہتی ہے، خوابِ نورِ باطن ہوں صحیفوں میں
میں کہتا ہوں، کسے انکار ہے اے خواہشِ یزداں
وہ کہتی ہے، میں حسنِ نرمیِ احساس ہوں فرحت
میں کہتا ہوں کہ میں تو خود گواہ لمسِ شبنم ہوں
وہ کہتی ہے کہ میں خوشبوئے عطر سرخیِ صبح ہوں
حواسِ خمسہ عالم مجھے محسوس کرتے ہیں
فرحت عباس شاہ

وہ کہتی ہے، مجھے مایوسیاں رستہ نہیں دیتیں

وہ کہتی ہے، مجھے مایوسیاں رستہ نہیں دیتیں 
میں کہتا ہوں کہ یہ مایوسیاں طاقت بھی ہوتی ہیں
وہ کہتی ہے، بہت تنہا ہوں میں اس پوری دنیا میں
میں کہتا ہوں کہ یہ احساس تو ہوگا خدا کو بھی
وہ کہتی ہے کہ مجھ پر شہر کے وحشی لپکتے ہیں
میں کہتا ہوں کہ تم کردار کو سینہ سپر کر دو
وہ کہتی ہے، ہجوم بد روش سے خوف آتا ہے
میں کہتا ہوں، مجھے اجڑی ہوئی گلیاں ڈراتی ہیں
وہ کہتی ہے، مجھے بے حس زمانے سے شکایت ہے
میں کہتا ہوں کہ شکوہ شکایت رائیگاں ہے سب
وہ بولی، تم کہاں غائب ہوئے رہتے ہو راتوں کو
میں بولا، میں تو بس آوارہ پھرتا ہوں اداسی میں
وہ بولی، فون بھی اکثر بہت انگیج رکھتے ہو
میں بولا، بے سروپا گھنٹیوں سے خوف آتا ہے
وہ بولی، تم بہت کنجوس ہو خط بھی نہیں لکھتے
میں بولا، خط لکھوں تو شاعری ناراض ہوتی ہے
وہ بولی، تم کبھی ملنے چلے آؤ جو ممکن ہو
میں بولا، یہ تو تم نے میرے دل کی بات کہ دی ہے
وہ بولی، آج موسم میں عجب سی خوشگواری ہے
میں بولا، ہاں یہ موسم پیار سے ملنے کا موسم ہے
وہ کہتی ہے کہ اب آوارگی سے کچھ نہیں حاصل
مجھے حیرت ہے یہ سب کچھ وہ مجھ بادل سے کہتی ہے
وہ کہتی ہے، ہوا تو بانجھ پن تقسیم کرتی ہے
میں کہتا ہوں، مگر دھرتی ہوا کے بس سے باہر ہے
وہ کہتی ہے، شبیں دھوکے میں رکھتی ہیں ہمیشہ ہی
میں کہتا ہوں، کہیں یہ تو نہیں دھوکا دنوں میں
وہ کہتی ہے، مجھے تو زندگی سے ایک شکوہ ہے
ہمیشہ سائلوں کو موت کے سائے میں رکھتی ہے
وہ کہتی ہے، خدا ملتا تو اس سے بات کرتی میں
میں کہتا ہوں، مگر میں تو خاموشی بانٹتا رہتا
وہ کہتی ہے کہ فرحت بے ضرر رہنا نہیں اچھا
میں کہتا ہوں، کئی اچھائیاں بس میں نہیں ہوتیں
فرحت عباس شاہ

وہ کہتی ہے، یہ خاموشی بھی کچھ تو سوچتی ہوگی

وہ کہتی ہے، یہ خاموشی بھی کچھ تو سوچتی ہوگی
میں کہتا ہوں، وہی جو گفتگو کی بھیڑ میں کھو جائے
وہ کہتی ہے، کہ فرحت کچھ دنوں سے بولتے کم ہو
میں کہتا ہوں، کئی دکھ بولنے سے روک دیتے ہیں
وہ کہتی ہے، مجھے یہ سوچ کر بتلا میں کیسی ہوں
میں کہتا ہوں، سرابی سوچنے میں وقت لگتا ہے
میں کہتا ہوں، تمہیں دریا کنارے کیسے لگتے ہیں
وہ کہتی ہے، تمہیں بچھڑے سہارے کیسے لگتے ہیں
میں کہتا ہوں، مجھے تم ہنستی گاتی اچھی لگتی ہو
وہ مجھ سے، پوچھتی ہے، درد سے ڈرنے لگے ہو کیا
وہ بولی، رات سے کیا بات کرتے ہو اکیلے میں
میں بولا، درد کی، کچھ کچھ محبت کی، جدائی کی
وہ بولی، چاند کیا آتا ہے تم سے چونچلیں کرنے
میں بولا، ہاں کبھی سپنوں کے آنگن میں اترتا ہے
وہ بولی، کون اکثر یاد آتا ہے اداسی میں
میں بولا، کچھ پرانے راستے، بچپن اور اک لڑکی
وہ بولی، درد کی جزیات میں پڑنے سے کیا بہتر
میں بولا، درد کو خوش خوش سہیں اور کوچ کر جائیں
وہ بولی، زندگی تو دائرں کے پھیلنے سے ہے
میں بولا، موت بھی اک دائرہ ہے دور تک پھیلا
وہ بولی، روح کے اندر کہیں پر آگ جلتی ہے
میں بولا، ہاں دھواں میں نے بھی دیکھا ہے نگاہوں میں
وہ بولی، اک دہکتا شور شریانوں میں بہتا ہے
میں بولا، ہاں، بدن پر آبلے میں نے بھی دیکھے ہیں
وہ بولی، سانس پر بھی درد کے کوڑے برستے ہیں
میں بولا، ہاں لہو پر نیل تو میں نے بھی دیکھے ہیں
وہ بولی، ذات کی تہ میں نہ جانے کیا نہاں ہوگیا
میں بولا، جسم پر ابھری وریدوں سے بھی ظاہر ہے
وہ بولی دق زدہ جیون چھپاتی پھر رہی ہوں میں
میں بولا، ناخنوں کی زردیوں نے کر دیا عریاں
فرحت عباس شاہ

وہ بولی، تم بھی فرحت زندگی سے روٹھ جاؤ گے

وہ بولی، تم بھی فرحت زندگی سے روٹھ جاؤ گے
میں بولا، ہاں، شاید موت مجھ سے مان جائے گی
وہ بولی، تم خوشی کے گیت کو مایوس کرتے ہو
میں بولا، کیا کروں ان مختصر گیتوں کےموسم کا
وہ بولی، تم تو فرحت خود ہی خود سے ہار جاتے ہو
میں بولا، کیا کروں کمزور ہوں اور بے سہارا ہوں
وہ بولی، کیا یہ سب کچھ اتفاقاً ہے تمہارا غم
میں بولا، یہ بھی ممکن ہے یہ سب احتراماً ہو
محبت میں غموں کی اس قدر یلغار کیوں،۔۔۔۔ بولی
میں بولا، تم کسی دن یہ تو اپنے آپ سے پوچھو
وہ کہتی ہے، سنو فرحت تمہارا خواب کیوں ٹوٹا
میں کہتا ہوں، سرابی دل میں کوئی کینچ پڑتی تھی
تمہاری شاعری میں زندگی کی سسکیاں کیوں ہیں
میں بولا، آنسوؤں کی ابتدائی شکل جو ٹھہرے
وہ کہتی ہے کہ فرحت شاہ میں کچھ مضطرب سی ہوں 
میں کہتا ہوں، سرابی تم تو میری روح جیسی ہو
وہ کہتی ہے، تمہیں کیوں خوف آتا ہے ہواؤں سے
میں کہتا ہوں، سرابی دیپ تو ایسے ہی ہوتے ہیں
وہ کہتی ہے، چلو فرحت ہوا کے ساتھ چلتے ہیں
میں خاموشی سے اس کے ساتھ چل دیتا ہوں بجھنے کو
وہ مجھ سے پوچھتی ہے، تم کہا غائب ہو صدیوں سے
میں کہتا ہوں، ہزاروں وسوسوں کے درمیاں گم ہوں
وہ مجھ سے پوچھتی ہے، رات کی بےچینیاں کیا ہیں
میں کہتا ہوں، وہی جو دوریوں کے دل میں ہوتی ہیں
وہ مجھ سے پوچھتی ہے، خوف کا دورانیہ کیا ہے
میں کہتا ہوں، جو دل اور غم کا ہوتا ہے مصیبت میں
وہ مجھ سے پوچھتی ہے، بادلوں کی عمر کتنی ہے
میں کہتا ہوں، تمازت کے مطابق پانیوں کے وقت جتنی ہے
وہ مجھ سے پوچھتی ہے، رات اتنی بے زباں کیوں ہے
میں کہتا ہوں، زباں تو درد کی شدت کی ہوتی ہے
فرحت عباس شاہ