ﺗﻢ ﺍﯾﺴﺎ ﮐﺮﻧﺎ ﮐﮧ ﮐﻮﺋﯽ ﺟﮕﻨﻮ ﮐﻮﺋﯽ ﺳﺘﺎﺭﮦ
ﺳﻨﺒﮭﺎﻝ ﺭﮐﮭﻨﺎ
ﻣﺮﮮ ﺍﻧﺪﮬﯿﺮﻭﮞ ﮐﯽ ﻓﮑﺮ ﭼﮭﻮﮌﻭ ﺗﻢ ﺍﭘﻨﮯ
ﮔﮭﺮ ﮐﺎ ﺧﯿﺎ ﻝ ﺭﮐﮭﻨﺎ
ﺍُﺟﺎﮌ ﻣﻮﺳﻢ ﻣﯿﮟ ﺭﯾﺖ ﺩﮬﺮﺗﯽ ﭘﮧ ﻓﺼﻞ
ﺑﻮﺋﯽ ﺗﮭﯽ ﭼﺎﻧﺪﻧﯽ ﮐﯽ
ﺍﺏ ﺍُﺱ ﻣﯿﮟ ﺍُﮔﻨﮯ ﻟﮕﮯ ﺍﻧﺪﮬﯿﺮﮮ ﺗﻮ ﮐﯿﺴﺎ
ﺟﯽ ﻣﯿﮟ ﻣﻼﻝ ﺭﮐﮭﻨﺎ
ﺩﯾﺎﺭِ ﺍﻟﻔﺖ ﻣﯿﮟ ﺍﺟﻨﺒﯽ ﮐﻮ ﺳﻔﺮ ﮨﮯ ﺩﺭﭘﯿﺶ
ﻇﻠﻤﺘﻮﮞ ﮐﺎ
ﮐﮩﯿﮟ ﻭﮦ ﺭﺍﮨﻮﮞ ﻣﯿﮟ ﮐﮭﻮ ﻧﮧ ﺟﺎﺋﮯ ﺫﺭﺍ
ﺩﺭﯾﭽﮧ ﺍُﺟﺎﻝ ﺭﮐﮭﻨﺎ
ﻭﮦ ﺭﺳﻢ ﻭ ﺭﮦ ﮨﯽ ﻧﮩﯿﮟ ﺗﻮ ﭘﮭﺮﯾﮧ ﺍﺛﺎﺛﮯ ﮐﺲ
ﮐﺎﻡ ﮐﮯ ﺗﻤﮭﺎﺭﮮ
ﺍُﺩﮬﺮ ﺳﮯ ﮔﺰﺭﺍ ﮐﺒﮭﯽ ﺗﻮ ﻟﮯ ﻟﻮﮞ ﮔﺎ ﺗﻢ ﻣﺮﮮ
ﺧﻂ ﻧﮑﺎﻝ ﺭﮐﮭﻨﺎ
ﺑﭽﮭﮍﻧﮯ ﻭﺍﻟﮯ ﻧﮯ ﻭﻗﺖِ ﺭﺧﺼﺖ ﮐﭽﮫ ﺍﺱ
ﻧﻈﺮ ﺳﮯ ﭘﻠﭧ ﮐﮯ ﺩﯾﮑﮭﺎ
ﮐﮧ ﺟﯿﺴﮯ ﻭﮦ ﺑﮭﯽ ﯾﮧ ﮐﮩﮧ ﺭﮨﺎ ﮨﻮ، ﺗﻢ ﺍﭘﻨﮯ
ﮔﮭﺮ ﮐﺎ ﺧﯿﺎﻝ ﺭﮐﮭﻨﺎ
ﯾﮧ ﺩﮬﻮﭖ ﭼﮭﺎﺅﮞ ﮐﺎﮐﮭﯿﻞ ﮨﮯ ﯾﺎﮞ ﺧﺰﺍﮞ
ﺑﮩﺎﺭﻭﮞ ﮐﯽ ﮔﮭﺎﺕ ﻣﯿﮟ ﮨﮯ
ﻧﺼﯿﺐِ ﺻﺒﺢ ﻋﺮﻭﺝ ﮨﻮ ﺗﻮ ﻧﻈﺮﻣﯿﮟ ﺷﺎﻡِ
ﺯﻭﺍﻝ ﺭﮐﮭﻨﺎ
ﮐﺴﮯ ﺧﺒﺮ ﮨﮯ ﮐﮧ ﮐﺐ ﯾﮧ ﻣﻮﺳﻢ ﺍُﮌﺍ ﮐﮯ
ﺭﮐﮭﺪﮮ ﮔﺎ ﺧﺎﮎ ﺁﺫﺭ
ﺗﻢ ﺍﺣﺘﯿﺎﻃﺎً ﺯﻣﯿﮟ ﮐﮯ ﺳﺮ ﭘﺮ ﻓﻠﮏ ﮐﯽ ﭼﺎﺩﺭ
ﮨﯽ ﮈﺍﻝ ﺭﮐﮭﻨﺎ
Saturday, April 25, 2015
ﺗﻢ ﺍﯾﺴﺎ ﮐﺮﻧﺎ ﮐﮧ ﮐﻮﺋﯽ ﺟﮕﻨﻮ ﮐﻮﺋﯽ ﺳﺘﺎﺭﮦ ﺳﻨﺒﮭﺎﻝ ﺭﮐﮭﻨﺎ
Subscribe to:
Post Comments (Atom)
No comments:
Post a Comment