کِس قدر آسان لگتا ہے تمھیں

کِس قدر
کِس قدر آسان لگتا ہے تمھیں
ایک پَل میں سارے رشتے توڑ دینا
سب تعلّق چھوڑ دینا
زندگانی کو نیا اِک موڑ دینا
کِس قدر آسان لگتا ہے تمھیں
یہ کہہ دینا کہ تم ہی میری بربادی کے ذمّہ دار ہو
مکّار ہو عیاّر ہو
بے حِس ہو دُنیا دار ہو
اور چند گھنٹے بعد
سب کچھ بھُول جانا
اور پھر اصرار کرنا
تم ہی میرا پیار ہو
تم ہی میری زندگی ہو
تم ہی میرا پیار ہو
کِس قدر آسان لگتا ہے تمھیں