وہ جو لازوال ہیں ساعتیں

وہ جو لازوال ہیں ساعتیں 
مری دسترس میں نہیں ابھی 
وہی بابِ حرفِ طلسم کھلبے کی ساعتیں 
ابھی منتشر سے خیال ہیں 
ابھی زیرِ صفحہ شب ہے کرمکِ معنی 
جس میں چھپا ہے ممکنِ صبح 
جو ابھی حرف حرف ہے منتظر 
پرِ نیم وا سے جو پھڑپھڑایا کوئی دھندلکا 
مری فصیلِ وجود پر 
تو وہ لوحِ شب کی بساط میں کہیں کھو گیا 
مرے خواب اس سے جدا نہیں 
کہ یقین کا کوئی رنگ اس پہ کھِلا نہیں 
یہ مرے گمان کے پیچ و خم 
یہ صدائے سطوتِ منہدم 
ابھی پھر سے کرنا ہے طے اسے
کہ جو پیشِ دل ہے زمینِ غم 
یہ کفِ عدو پہ کھچا ہوا ہے جو حاشیہ مرے خون سے 
جو چمک رہا ہے قدم قدم 
یہ جو نقطہ وار چمک رہے ہیں ستارے 
زیر و زبر ہیں میرے کنارے 
کیا یہ طلوع ہے
کسی عصرِ کزب و شرور کا 
کہ یہ معنی ہے مرے خط کشیدہ سطور کا 
مری دسترس میں نہیں ابھی
کہ یہ رنگ کون سا آ گیا 
مرے روز و شب کے ملال میں 
کہ یہ کیسے آ کے اتر گیا 
مرے منتشر خد و خال میں 
پسِ شیشہ ء رخِ عصر صدیاں کا زنگ ہے 
ابھی لوحِ شب کی گرفت میں ہیں یہ صورتیں 
ابھی بابِ حرفِ طلسم کھلنے میں دیر ہے 

جاوید احمد