ﺯﻧﺪﮔﯽ ﮐﯿﺎ ﺗﺮﯼ ﺁﮨﭧ ﮐﯽ ﺻﺪﺍ ﮨﻮ ﺟﯿﺴﮯ
ﺑﻨﺪﮔﯽ ﮐﯿﺎ، ﺗﺮﮮ ﻣﻠﻨﮯ ﮐﯽ ﺩﻋﺎ ﮨﻮ ﺟﯿﺴﮯ
ﮐﺴﯽ ﺧﻮﺷﺒﻮ ﺳﮯ، ﮐﺴﯽ ﻟﻤﺲ ﮐﯽ ﺳﺮﮔﻮﺷﯽ ﺳﮯ
ﺩﻝِ ﻭﺍﺭﻓﺘﮧ ﮐﺎ ﺩﺭﻭﺍﺯﮦ ﮐﮭﻼ ﮨﻮ ﺟﯿﺴﮯ
ﺳﺮﺥ ﭼﻮﮌﯼ ﮐﯽ ﮐﮭﻨﮏ ﭼﮭﯿﮍ ﮔﺌﯽ ﭘﮭﺮ ﮨﻢ ﮐﻮ
ﭘﮭﺮ ﺗﺮﯼ ﯾﺎﺩ ﮐﺎ ﮐﻨﮕﻦ ﺳﺎ ﺑﺠﺎ ﮨﻮ ﺟﯿﺴﮯ
ﺗﯿﺮﯼ ﺁﻭﺍﺯ ﮐﯽ ﺭِﻡ ﺟﮭﻢ ﺳﮯ ﺷﺮﺍﺑﻮﺭ ﮨﮯ ﺩﻝ
ﻣﯿﮟ ﺗﻤﮭﺎﺭﺍ ﮨﻮﮞ، ﯾﮧ ﺩﮬﯿﺮﮮ ﺳﮯ ﮐﮩﺎ ﮨﻮ ﺟﯿﺴﮯ
ﺍﺱ ﺗﺼﻮﺭ ﺳﮯ ﮨﯽ ﺳﺮﺷﺎﺭ ﺭﮨﺎ ﮐﺮﺗﯽ ﮨﻮﮞ
ﻣﯿﺮﺍ ﺁﻧﭽﻞ ﺗﺮﮮ ﺩﺍﻣﻦ ﺳﮯ ﺑﻨﺪﮬﺎ ﮨﻮ ﺟﯿﺴﮯ
ﮐﺲ ﺳﮯ ﻣﺮﻣﭩﻨﮯ ﮐﯽ ﺳﯿﮑﮭﯽ ﮨﮯ ﺍﺩﺍ ﮐﯿﺎ ﮐﮩﯿﮯ
ﺷﻤﻊ ﭘﺮ ﭘﮭﺮ ﮐﻮﺋﯽ ﭘﺮﻭﺍﻧﮧ ﺟﻼ ﮨﻮ ﺟﯿﺴﮯ
ﺑﻦ ﺗﯿﺮﮮ ﺯﯾﺴﺖ ﺗﮭﯽ ﺍِﮎ ﺩﺭﺩ ﺳﻤﻨﺪﺭ ﮐﯽ ﻃﺮﺡ
ﯾﺎ ﮐﮍﯼ ﺩﮬﻮﭖ ﻣﯿﮟ ﺍﮎ ﺁﺑﻠﮧ ﭘﺎ ﮨﻮ ﺟﯿﺴﮯ
ﭘﮭﺮ ﭘﻠﭧ ﺁﺋﮯ ﮨﻮ ﮐﯿﺎ ﺳﻮﭺ ﮐﮯ ﺟﺎﻥِ ﺟﺎﻧﺎﮞ
ﭘﺎ ﺑﮧ ﺯﻧﺠﯿﺮ ﺍﺑﮭﯽ ﻣﯿﺮﯼ ﻭﻓﺎ ﮨﻮ ﺟﯿﺴﮯ
Friday, April 17, 2015
ﺯﻧﺪﮔﯽ ﮐﯿﺎ ﺗﺮﯼ ﺁﮨﭧ ﮐﯽ ﺻﺪﺍ ﮨﻮ ﺟﯿﺴﮯ
Subscribe to:
Post Comments (Atom)
No comments:
Post a Comment