اﺏ ﺟﻮ ﺑﭽﮭﮍﮮ ﮨﯿﮟ ﺗﻮ ﺍﺣﺴﺎﺱ ﮨﻮﺍ

اﺏ ﺟﻮ ﺑﭽﮭﮍﮮ ﮨﯿﮟ ﺗﻮ ﺍﺣﺴﺎﺱ ﮨﻮﺍ
ﮨﮯ ﮨﻢ ﮐﻮ
ﺩﺭﺩ ﮐﯿﺎ ﮨﻮﺗﺎ ﮨﮯ ﺗﻨﮩﺎﺋﯽ ﮐﺴﮯ ﮐﮩﺘﮯ
ﮨﯿﮟ
ﭼﺎﺭ ﺳﻮ ﮔﻮﻧﺠﺘﯽ ﺭﺳﻮﺍﺋﯽ ﮐﺴﮯ ﮐﮩﺘﮯ
ﮨﯿﮟ
ﺍﺏ ﺟﻮ ﺑﭽﮭﮍﮮ ﮨﯿﮟ ﺗﻮ ﺍﺣﺴﺎﺱ ﮨﻮﺍ
ﮨﮯ ﮨﻢ ﮐﻮ
ﮐﻮﺋﯽ ﻟﻤﺤﮧ ﮨﻮ ﺗِﺮﯼ ﯾﺎﺩ ﻣﯿﮟ ﮐﮭﻮ
ﺟﺎﺗﮯ ﮨﯿﮟ
ﺍﺏ ﺗﻮ ﺧﻮﺩ ﮐﻮ ﺑﮭﯽ ﻣﯿﺴﺮ ﻧﮩﯿﮟ ﺁﭘﺎﺗﮯ
ﮨﯿﮟ
ﺭﺍﺕ ﮨﻮ ﺩﻥ ﮨﻮ ﺗﺮﮮ ﭘﯿﺎﺭ ﻣﯿﮞﮩﻢ
ﺑﮩﺘﮯ ﮨﯿﮟ
ﺩﺭﺩ ﮐﯿﺎ ﮨﻮﺗﺎ ﮨﮯ ﺗﻨﮩﺎﺋﯽ ﮐﺴﮯ ﮐﮩﺘﮯ
ﮨﯿﮟ
ﺍَﺏ ﺟﻮ ﺑﭽﮭﮍﮮ ﮨﯿﮟ ﺗﻮ ﺍﺣﺴﺎﺱ ﮨﻮﺍ
ﮨﮯ ﮨﻢ ﮐﻮ
ﺟﻮ ﺑﮭﯽ ﻏﻢ ﺁﺋﮯ ﺍُﺳﮯ ﺩﻝ ﭘﮧ ﺳﮩﺎ
ﮐﺮﺗﮯ ﺗﮭﮯ
ﺍﯾﮏ ﻭﮦ ﻭﻗﺖ ﺗﮭﺎ ﮨﻢ ﻣﻞ ﮐﮯ ﺭﮨﺎ
ﮐﺮﺗﮯ ﺗﮭﮯ
ﺍﺏ ﺍﮐﯿﻠﮯ ﮨﯽ ﺯﻣﺎﻧﮯ ﮐﮯ ﺳﺘﻢ ﺳﮩﺘﮯ
ﮨﯿﮟ
ﺩﺭﺩ ﮐﯿﺎ ﮨﻮﺗﺎ ﮨﮯ ﺗﻨﮩﺎﺋﯽ ﮐﺴﮯ ﮐﮩﺘﮯ
ﮨﯿﮟ
ﺍﺏ ﺟﻮ ﺑﭽﮭﮍﮮ ﮨﯿﮟ ﺗﻮ ﺍﺣﺴﺎﺱ ﮨﻮﺍ
ﮨﮯ ﮨﻢ ﮐﻮ
ﮨﻢ ﻧﮯ ﺧﻮﺩﺍﭘﻨﮯ ﮨﯽ ﺭﺳﺘﮯ ﻣﯿﮟ
ﺑﭽﮭﺎﺋﮯ ﮐﺎﻧﭩﮯ
ﮔﮭﺮ ﻣﯿﮟ ﭘﮭﻮﻟﻮﮞ ﮐﯽ ﺟﮕﮧ ﻻﮐﮯ
ﺳﺠﺎﺋﮯ ﮐﺎﻧﭩﮯ
ﺯﺧﻢ ﺍﺱ ﺩِﻝ ﻣﯿﮟ ﺑﺴﺎﺋﮯ ﮨﻮﺋﮯ ﺧﻮﺩ
ﺭﮨﺘﮯ ﮨﯿﮟ
ﺩﺭﺩ ﮐﯿﺎ ﮨﻮﺗﺎ ﮨﮯ ﺗﻨﮩﺎﺋﯽ ﮐﺴﯽ ﮐﮩﺘﮯ
ﮨﯿﮟ
ﺍﺏ ﺟﻮ ﺑﭽﮭﮍﮮ ﮨﯿﮟ ﺗﻮ ﺍﺣﺴﺎﺱ ﮨﻮﺍ
ﮨﮯ ﮨﻢ ﮐﻮ
ﯾﻮﮞ ﺗﻮ ﺩﻧﯿﺎ ﮐﯽ ﮨﺮ ﺍﮎ ﭼﯿﺰﺣﺴﯿﮟ
ﮨﻮﺗﯽ ﮨﮯ
ﭘﯿﺎﺭ ﺳﮯ ﺑﮍﮪ ﮐﮯ ﻣﮕﺮ ﮐﭽﮫ ﺑﮭﯽ
ﻧﮩﯿﮟ ﮨﻮﺗﯽ ﮨﮯ
ﺭﺍﺳﺘﮧ ﺭﻭﮎ ﮐﮯ ﮨﺮ ﺍﮎ ﺳﮯ ﯾﮩﯽ
ﮐﮩﺘﮯ ﮨﯿﮟ
ﺍﺏ ﺟﻮ ﺑﭽﮭﮍﮮ ﮨﯿﮟ ﺗﻮ ﺍﺣﺴﺎﺱ ﮨﻮﺍ
ﮨﮯ ﮨﻢ ﮐﻮ
ﺩﺭﺩ ﮐﯿﺎ ﮨﻮﺗﺎ ﮨﮯ ﺗﻨﮩﺎﺋﯽ ﮐﺴﮯ ﮐﮩﺘﮯ
ﮨﯿﮟ
ﭼﺎﺭ ﺳﻮ ﮔﻮﻧﺠﺘﯽ ﺭﺳﻮﺍﺋﯽ ﮐﺴﮯ ﮐﮩﺘﮯ
ﮨﯿﮟ
ﺍﺏ ﺟﻮ ﺑﭽﮭﮍﮮ ﮨﯿﮟ ﺗﻮ

از وصی شاہ

ﺳﻨﻮ ﺟﻦ ﺳﮯ ﻣﺤﺒﺖ ﮨﻮ

ﺳﻨﻮ ﺟﻦ ﺳﮯ ﻣﺤﺒﺖ ﮨﻮ
ﻭﮦ ﺟﮕﻨﻮ ﮨﻮﮞ،ﭘﺮﻧﺪﮮ ﮨﻮﮞ ﮐﮧ ﺍﻧﺴﺎﮞ ﮨﻮﮞ
ﺍﻧﮩﯿﮟ ﭘﮭﺮ ﻣﭩﮭﯿﻮﮞ ﺳﮯ ،ﺍﻭﺭ ﻗﻔﺲ ﺳﮯ
ﺁﺭﺯﻭﺋﮯ ﻃﻠﺐ ﺳﮯ ﺁﺯﺍﺩ ﮐﺮﺗﮯ ﮨﯿﮟ
ﺍﻧﮩﯿﮟ ﻗﯿﺪﯼ ﺑﻨﺎﺗﮯ ﮨﯿﮟ ﻧﮧ ﮨﯽ ﻣﻘﯿﺪ ﮐﺮﺗﮯ
ﮨﯿﮟ
ﻣﺤﺒﺖ ﻧﺎﻡ ﮨﮯ ﻧﻔﺮﺕ ﮐﯽ ﺑﻨﺪﺵ ﺳﮯ ﺭﮨﺎ
ﮨﻮﻧﺎ
ﻣﺤﺒﺖ ﻧﺎﻡ ﮨﮯ ﺩﻝ ﮐﮯ ﻗﻔﺲ ﺳﮯ ﺁﺭﺯﻭ
ﺁﺯﺍﺩ ﮐﺮﺩﯾﻨﺎ
ﺗﻮ ﭘﮭﺮ ﺍﯾﺴﺎ ﮐﺮﻭ ﺗﻢ ﺑﮭﯽ
ﭘﺮﻧﺪﻭﮞ ﮐﻮ ﺭﮨﺎ ﮐﺮﺩﻭ
ﺍﻭﺭ ﻣﭩﮭﯽ ﮐﮭﻮﻝ ﮐﺮﻧﻨﮭﮯ ﺳﮯ ﺟﮕﻨﻮﮐﻮ
ﺍﮌﺍﮈﺍﻟﻮ
ﺭﮨﺎ ﺍﻧﺴﺎﻥ
ﻭﮦ ﺑﮯﭼﺎﺭﮦ
ﺭﮨﺎ ﮨﻮﮐﺮ ﺑﮭﯽ ﻗﯿﺪﯼ ﮨﮯ
ﮐﺮﺏ ﮐﺎ،ﺭﻧﺞ ﻭ ﺍﻟﻢ ﮐﺎ، ﺭﻭﺯﮔﺎﺭ ﺯﻧﺪﮔﯽ
ﮐﺎ،ﺍﻭﺭﺟﺒﺮ ﮐﺎ،
ﻭﮦ ﺻﺪﯾﻮﮞ ﺳﮯ ﮐﺌﯽ ﺟﯿﻠﻮﮞ ،ﮐﺌﯽ
ﻧﻔﺴﻮﮞ ،ﮐﺌﯽ
ﻗﻔﺴﻮﮞ ﮐﺎ ﻗﯿﺪﯼ ﮨﮯ
ﺗﻤﮩﺎﺭﯼ ﻗﯿﺪ ﺳﮯ ﺁﺯﺍﺩ ﮨﻭ ﮐﺮ ﺑﮭﯽ ﮐﮩﺎﮞ....
ﺟﺎﺋﮯ؟
ﻣﮕﺮ ﯾﮧ ﮨﮯ ﮐﮧ ﺍﮎ ﮐﮭﮍﮐﯽ ﮨﯽ ﺳﮩﯽ
ﮐﮭﻞ ﺗﻮ ﺟﺎﺋﮯ ﮔﯽ
ﭼﻠﻮ ﺗﮭﻮﮌﯼ ﺳﮩﯽ
ﺗﺎﺯﮦ ﮨﻮﺍ ﻣﻞ ﺗﻮ ﺟﺎﺋﮯ ﮔﯽ
ﺳﻨﻮ ﺟﻦ ﺳﮯ ﻣﺤﺒﺖ ﮨﻮ ﺍﻧﮩﯿﮟ ﺁﺯﺍﺩ ﮐﺮﺗﮯ
ﮨﯿﮟ
ﻗﻔﺲ ﺳﮯ، ﺁﺭﺯﻭﺋﮯ ﻃﻠﺐ ﺳﮯ.

دکھ کیا چیز ہوتے ہیں

تمہیں کیا علم ہے اس کا،
کہ دکھ کیا چیز ہوتے ہیں۔۔؟
اگر تم پیڑ ہوتے،
اور تمہاری زرد رو شاخیں،
دعائے برگ و گُل کرتیں،
کوئی جھونکا بہاروں کا،
تمہاری بےثمر شاخوں سے،
کترا کر گزر جاتا۔۔
تمہیں احساس تب ہوتا۔۔
کہ دکھ کیا چیز ہوتے ہیں۔۔!
اگر تم ریت ہوتے،
اور تمہارے تشنہ لب ذرّے،
کڑکتی چلچلاتی دھوپ میں،
پانی کی بوندوں کو ترس جاتے۔۔
کوئی بادل کا آوارہ سا ٹکڑا،
گرجتا ، طنز کرتا۔۔
اور بن برسے گزر جاتا۔۔
تمہیں احساس تب ہوتا۔۔
کہ دکھ کیا چیز ہوتے ہیں۔۔!!!

محبت

مجھے
یعنی محبت کو بھلا اس بات سے کیا ھے
کہ تم کیا تھیں
کہاں کس سے ملی تھیں
اور کہاں شامیں گزاری تھیں
تمھاری سرمگیں آنکھوں نے کس کے خواب دیکھے تھے
نہیں !
مجھ کو
محبت کو کسی ماضی کے لمحے سے کوئی مطلب نہیں رکھنا
محبّت " ہے" کا صیغہ ہے !
یہ تھا اور تھی نہیں ہوتی
یہ ہوتی ہے
سدا ہونے کو ہوتی ہے
یہ وہ مٹؔی ہے جو پانی بگھوتی ہے
سو میں
یعنی محبّت، تم سے کیوں پوچھے
کہ تم کس غم سے گھائل تھیں
محبّت پوچھتی کب ہے !!
کہاں سے آ رہے ہو ؟ کون ہو ؟ اور کس سے ملنا ہے  ؟؟
سوالوں میں نہیں پڑتی
یہ استقبال کرتی ہے
تھکے ہارے ہووں کو اپنا جیون دان کرتی ہے
گلے ملتی ہے اور آنکھوں پہ اپنا اسم پڑھتی ہے
تو پھر جیسا بھی ماضی ہو
کوئی ماضی نہیں رہتا
سو میں بھی لمحہ ء موجود میں تم کو سنبھالوں گا
تمھاری مسکراہٹ سے ذرا پیچھے
جو اندیکھی خراشیں ہیں
اگر میں بھر سکوں ان کو
تمھاری گفتگو میں سسکیوں کے ان کہے وقفے
ہنسی میں گر بدل پاوں
تو پھر مانوں
کہ ہاں مجھ کو محبّت ہے
مجھے
یعنی محبّت کو کسی ماضی سے کیا لینا
مجھے یہ " حال" کافی ہے ۔۔۔ !!

سنو ِمیرے خواب زندہ رکھنا

مین نے چند محبت کہ خواب
اپنی آنکھوں میں بوے ہیں
وہ خواب جو میرے اپنے ہیں
وہ خواب جو ایک عمر  درد کی گرفت میں
جھلستے رہے،،،
وہ خواب جو ابھی تک نا مکمل ہیں
وہ خواب جو زندہ تو ہیں
مگر درد کی سیاہی میں
اس نقشہءِ کلا کی طرح ہیں
جن پر صدیوں سے دھول جمی ہوئ ہے
اور وہ آئینہءِ شفاف بننے کہ لیے
کسی معجزے کہ منتظر ہیں
وفا کی روشنی میں مجھے
اپنے خوابوں کو تعبیر کرنا ہے
دیکھو وہ لکڑی کا چھوٹا سا گھر
سامنے پھولوں کی کیاری
اک سکوت کا ساحل
سامنے گہری خاموشی کا منظر
وہ منظر جس میں یادوں کا سناٹا ہے
سامنے وہ ادھورا سا چاند
جس میں دھندلی سی صورت ہے
میری چاہتوں کی
وہ تیرا انتظار ہی تو ہے
میں مدتوں سے تو وہیں بیھٹھی ہوں
ارے دیکھو ذرا
دیکھو ایک وفا تنہا تڑپ رہی ہے
اس وفا کی صدا میں سنو مدھم سی آواز
ابھی گونج رہی ہے کہ
اب کوی بھی نہ ہو
بس میں اور تم اور وہ لمحے ہوں
جو ہم نے ساتھ جینے ہیں
دیکھو میری انکھوں کے یہ دیپ بجھ نہ جاہیں
میری آنکھوں کہ دیپ بجھنے سے پہلے
اک نیا غم آنے سے پہلے
وہ منظر بدلنے سے پہلے
وہ خاموشی تھمنے سے پہلے
وہ سکوتِ ساحل جلنے سے پہلے
وہ ساری یادوں کہ پھول مرجھانے سے پہلے
بس اتنا ہی کر دینا کے میں جب مر جاوں میری انکھیں اسے دینا
تاکہ میرے خواب زندہ رہیں
وہ خواب جس کی تعبیر کو میں عمر بھر ترستی رہی
وہ خواب جو میرے اپنے ہیں
وہ خواب جو ابھی تک نا مکمل ہیں
جن میں کسی کی امید ابھی بھی اس شعلہ کی طرح بھڑک رہی ہے
جس کی تپش وقت کی بارشوں نے کم تو کردی
لیکن اس کا اثر ابھی تک دل کو جلاتا ہے
ابھی تک سانسوں میں ان کی ضیافت کی چمک ہے
سنو وہ سب میرے خواب زندہ رکھنا
سنو وہ سب خواب میرے زندہ رکھنا
عظمی شاہ

ﻣﺤﺒﺖ ﺍﯾﮏ ﺻﺤﺮﺍ ﮨﮯ

اﺳﮯ ﮐﮩﻨﺎ
ﻣﺤﺒﺖ ﺍﯾﮏ ﺻﺤﺮﺍ ﮨﮯ
ﺍﻭﺭ ﺻﺤﺮﺍ ﻣﯿﮟ ﮐﺒﮭﯽ ﺑﺎﺭﺵ ﻧﮩﯿﮟ ﮨﻮﺗﯽ
ﺍﻭﺭ ﺍﮔﺮ ﺑﺎﺍﻟﻔﺮﺽ ﮨﻮ ﺑﮭﯽ ﺗﻮ
ﻓﻘﻂ ﺍﮎ ﭘﻞ ﮐﻮ ﮨﻮﺗﯽ ﮨﮯ
ﺍﻭﺭ ﺍﺱ ﮐﮯ ﺑﻌﺪ ﺻﺪﯾﺎﮞ ﺧﺸﮏ ﺳﺎﻟﯽ ﻣﯿﮟ
ﮔﺰﺭﺗﯽ ﮨﯿﮟ
ﺍﺳﮯ ﮐﮩﻨﺎ
ﻣﺤﺒﺖ ﺍﯾﮏ ﺻﺤﺮﺍ ﮨﮯ
ﺍﻭﺭ ﺍﺱ ﻣﯿﮟ ﻭﺻﻞ ﮐﯽ ﺑﺎﺭﺵ ﮐﻮ ﺻﺪﯾﺎﮞ ﺑﯿﺖ
ﺟﺎﺗﯽ ﮨﯿﮟ
ﻣﮕﺮ ﭘﮭﺮ ﺑﮭﯽ ﻧﮩﯿﮟ ﮨﻮﺗﯽ
ﺍﻭﺭ ﺍﮔﺮ ﺑﺎﺍﻟﻔﺮﺽ ﮨﻮ ﺑﮭﯽ ﺗﻮ
ﭘﮭﺮ ﺍﺱ ﮐﮯ ﺑﻌﺪ ﺻﺪﯾﻮﮞ ﮐﯽ ﺟﺪﺍﺋﯽ ﻣﺎﺭ ﺩﯾﺘﯽ
ﮨﮯ
ﺍﺳﮯ ﮐﮩﻨﺎ
ﻣﺤﺒﺖ ﺍﯾﮏ ﺻﺤﺮﺍ ﮨﮯ
ﺍﻭﺭ ﺻﺤﺮﺍ ﮐﮯ ﺳﺮﺍﺑﻮﮞ ﻣﯿﮟ ﺑﮭﭩﮏ ﺟﺎﻧﮯ ﮐﺎ
ﺧﺪﺷﮧ ﺳﺐ ﮐﻮ ﺭﮨﺘﺎ ﮨﮯ
ﮐﺒﮭﯽ ﭘﯿﺎﺳﮯ ﻣﺴﺎﻓﺮ ﺟﺐ ﺳﺮﺍﺑﻮﮞ ﻣﯿﮟ ﺑﮭﭩﮏ
ﺟﺎﺋﯿﮟ
ﺍﻧﮭﯿﮟ ﺭﺳﺘﮧ ﻧﮩﯿﮟ ﻣﻠﺘﺎ
ﺍﺳﮯ ﮐﮩﻨﺎ
ﻣﺤﺒﺖ ﺍﯾﮏ ﺻﺤﺮﺍ ﮨﮯ
ﻭﻓﺎﺅﮞ ﮐﮯ ﺳﺮﺍﺑﻮﮞ ﺳﮯ ﺍﭨﺎ ﺻﺤﺮﺍ
ﻣﺤﺒﺖ ﮐﮯ ﻣﺴﺎﻓﺮ ﮔﺮ
ﻭﻓﺎ ﮐﮯ ﺍﻥ ﺳﺮﺍﺑﻮﮞ ﻣﯿﮟ ﺑﮭﭩﮏ ﺟﺎﺋﯿﮟ
ﺗﻮ ﭘﮭﺮ ﻭﮦ ﺯﻧﺪﮔﯽ ﺑﮭﺮ ﺍﻥ ﺳﺮﺍﺑﻮﮞ ﻣﯿﮟ ﮨﯽ
ﺭﮨﺘﮯ ﮨﯿﮟ
ﮐﺒﮭﯽ ﻭﺍﭘﺲ ﻧﮩﯿﮟ ﺁﺗﮯ

ﺯﻧﺪﮔﯽ، ﻭﻗﺖ ﺍﻭﺭ ﻣﯿﺮﯼ ﺫﺍﺕ

ﺯﻧﺪﮔﯽ، ﻭﻗﺖ ﺍﻭﺭ ﻣﯿﺮﯼ ﺫﺍﺕ،
ﺍﮎ ﻣﺜﻠﺚ ﮐﯽ ﯾﮧ ﻟﮑﯿﺮﯾﮟ ﮨﯿﮟ،
ﺟﺲ ﻣﯿﮟ ﺍﮎ ﺯﺍﻭﯾﮧ ﮨﮯ ﻧﻮّﮮ ﮐﺎ،
ﺯﻧﺪﮔﯽ ﺍﻭﺭ ﺫﺍﺕ ﮐﮯ ﻣﺎﺑﯿﻦ،
ﯾﻌﻨﯽ ﺗﮑﺮﺍﺭ ﮨﮯ ﻟﮑﯿﺮﻭﮞ ﻣﯿﮟ،
ﺯﻧﺪﮔﯽ ﺍﻣﺘﺤﺎﻥ ﮨﮯ ﻣﺸﮑﻞ،
ﺫﺍﺕ ﯾﮧ ﺍﻣﺘﺤﺎﻥ ﺳﮩﺘﯽ ﮨﮯ،
ﺍﻭﺭ ﺍﮎ ﺗﯿﺴﺮﯼ ﻟﮑﯿﺮ ﮨﮯ ﺟﻮ،
ﺑﺎﻗﯽ ﺩﻭﻧﻮﮞ ﮐﻮ ﻭﮦ ﻣﻼﺗﯽ ﮨﮯ،
ﺍﻭﺭ ﯾﮧ ﻭﻗﺖ ﮐﯽ ﻟﮑﯿﺮ ﮨﯽ ﮨﮯ،
ﺯﻧﺪﮔﯽ ﺟﺐ ﺑﮭﯽ ﺳﺎﻣﻨﮯ ﻣﯿﺮﮮ،
ﺍﻟﺠﮭﻨﯿﮟ ﺑﮯ ﺷﻤﺎﺭ ﺭﮐﮭﺘﯽ ﮨﮯ،
ﺗﻮ ﻣﯿﮟ ﭼُﭗ ﭼﺎﭖ ﺍﻟﺠﮭﻨﯿﮟ ﺳﺎﺭﯼ،
ﻭﻗﺖ ﮐﮯ ﮨﺎﺗﮫ ﻣﯿﮟ ﺗﮭﻤﺎﺗﺎ ﮨﻮﮞ،
ﺍﻭﺭ ﭘﮭﺮ ﻭﻗﺖ ﮐﮯ ﺗﻤﺎﺷﮯ ﮐﻮ،
ﺑﮍﺍ ﺧﺎﻣﻮﺵ ﮨﻮﮐﮯ ﺩﯾﮑﮭﺘﺎ ﮨﻮﮞ،
ﺍﻭﺭ ﭘﮭﺮ ﻓﯿﺼﻠﮧ ﺟﻮ ﮨﻮﺗﺎ ﮨﮯ،
ﮐﮭﻠﮯ ﺩﻝ ﺳﮯ ﻗﺒﻮﻝ ﮐﺮﺗﺎ ﮨﻮﮞ،
ﯾﮧ ﺗﻌﻠﻖ ﮨﮯ ﺯﻧﺪﮔﯽ ﺳﮯ ﻣﺮﺍ،
ﺍﻭﺭ ﺍﯾﺴﮯ ﮐﭩﮭﻦ ﺗﻌﻠﻖ ﮐﻮ،
ﺯﻧﺪﮔﯽ ﺑﮭﺮ ﻧﺒﺎﮨﻨﮯ ﮐﮯ ﻟﺌﮯ،
ﻭﻗﺖ ﮐﻮ ﺭﮨﻨﻤﺎ ﺑﻨﺎﯾﺎ ﮨﮯ،

سورج پرانا ہو گیا ہے

یہ سورج !
گر یہاں کچھ روشنی تقسیم کرنے کا جتن کرتا
مرے ماحول پر تاریکیاں یوں راج نہ کرتیں
اسے ہر روز اس امید پر
گھر میں اترتے دیکھ کر خوشیاں منائی ہیں
کہ اس کی روشنی،
اس کی تمازت،
زندگی کو
زندہ رہنے کا ہنر دے گی
مگر یہ کیا !
کہ میرے چارسو جو روشنی ہے
اسے اب
روشنی کہتے ہوئے بھی خوف آتا ہے
عجب یخ بستگی ہے،
دھند ہے،
بے چہرگی ہے
اور ہر منظر ڈرا سہما
مجھے آواز دیتا ہے
کسی احساس کو جگنو بناؤ
روشنی تقسیم کرنے کا اذن بخشو
کہ یہ سورج پرانا ہو گیا ہے

یوسف خالد

ﺑﺎﺭﮨﻮﺍﮞ ﮐﮭﻼﮌﯼ

ﺑﺎﺭﮨﻮﺍﮞ ﮐﮭﻼﮌﯼ
ﺧﻮﺷﮕﻮﺍﺭ ﻣﻮﺳﻢ ﻣﯿﮟ
ﺍﻥ ﮔﻨﺖ ﺗﻤﺎﺷﺎﺋﯽ
ﺍﭘﻨﯽ ﺍﭘﻨﯽ ﭨﯿﻤﻮﮞ ﮐﻮ
ﺩﺍﺩ ﺩﯾﻨﮯ ﺁﺗﮯ ﮨﯿﮟ
ﺍﭘﻨﮯ ﺍﭘﻨﮯ ﭘﯿﺎﺭﻭﮞ ﮐﺎ
ﺣﻮﺻﻠﮧ ﺑﮍﮬﺎﺗﮯ ﮨﯿﮟ
ﻣﯿﮟ ﺍﻟﮓ ﺗﮭﻠﮓ ﺳﺐ ﺳﮯ
ﺑﺎﺭﮨﻮﯾﮟ ﮐﮭﻼﮌﯼ ﮐﻮ
ﮨﻮﭦ ﮐﺮﺗﺎ ﺭﮨﺘﺎ ﮨﻮﮞ
ﺑﺎﺭﮨﻮﺍﮞ ﮐﮭﻼﮌﯼ ﺑﮭﯽ
ﮐﯿﺎ ﻋﺠﺐ ﮐﮭﻼﮌﯼ ﮬﮯ
ﮐﮭﯿﻞ ﮨﻮﺗﺎ ﺭﮨﺘﺎ ﮬﮯ
ﺷﻮﺭ ﻣﭽﺘﺎ ﺭﮨﺘﺎ ﮬﮯ
ﺩﺍﺩ ﭘﮍﺗﯽ ﺭﮨﺘﯽ ﮬﮯ
ﺍﻭﺭ ﻭﮦ ﺍﻟﮓ ﺳﺐ ﺳﮯ
ﺍﻧﺘﻈﺎﺭ ﮐﺮﺗﺎ ﮬﮯ
ﺍﯾﮏ ﺍﯾﺴﯽ ﺳﺎﻋﺖ ﮐﺎ
ﺍﯾﮏ ﺍﯾﺴﮯ ﻟﻤﺤﮯ ﮐﺎ
ﺟﺲ ﻣﯿﮟ ﺳﺎﻧﺤﮧ ﮨﻮ ﺟﺎﺋﮯ
ﭘﮭﺮ ﻭﮦ ﮐﮭﯿﻠﻨﮯ ﻧﮑﻠﮯ
ﺗﺎﻟﯿﻮﮞ ﮐﮯ ﺟﮭﺮﻣﭧ ﻣﯿﮟ
ﺍﯾﮏ ﺟﻤﻠﮧﺀ ﺧﻮﺵ ﮐﻦ
ﺍﯾﮏ ﻧﻌﺮﮦﺀ ﺗﺤﺴﯿﻦ
ﺍﺱ ﮐﮯ ﻧﺎﻡ ﭘﺮ ﮨﻮ ﺟﺎﺋﮯ
ﺳﺐ ﮐﮭﻼﮌﯾﻮﮞ ﮐﮯ ﺳﺎﺗﮫ
ﻭﮦ ﺑﮭﯽ ﻣﻌﺘﺒﺮ ﮨﻮ ﺟﺎﺋﮯ
ﭘﺮ ﯾﮧ ﮐﻢ ﮨﯽ ﮨﻮﺗﺎ ﮬﮯ
ﭘﮭﺮ ﺑﮭﯽ ﻟﻮﮒ ﮐﮩﺘﮯ ﮨﯿﮟ
ﮐﮭﯿﻞ ﺳﮯ ﮐﮭﻼﮌﯼ ﮐﺎ
ﻋﻤﺮ ﺑﮭﺮ ﮐﺎ ﺭﺷﺘﮧ ﮬﮯ
ﻋﻤﺮ ﺑﮭﺮ ﮐﺎ ﯾﮧ ﺭﺷﺘﮧ
ﭼﮭﻮﭦ ﺑﮭﯽ ﺗﻮ ﺳﮑﺘﺎ ﮬﮯ
ﺁﺧﺮﯼ ﻭﺳﻞ ﮐﮯ ﺳﺎﺗﮫ
ﮈﻭﺏ ﺟﺎﻧﮯ ﻭﺍﻻ ﺩﻝ
ﭨﻮﭦ ﺑﮭﯽ ﺗﻮ ﺳﮑﺘﺎ ﮬﮯ
ﺗﻢ ﺑﮭﯽ ﺍﻓﺘﺨﺎﺭ ﻋﺎﺭﻑ
ﺑﺎﺭﮨﻮﯾﮟ ﮐﮭﻼﮌﯼ ﮨﻮ
ﺍﻧﺘﻈﺎﺭ ﮐﺮﺗﮯ ﮨﻮ
ﺍﯾﮏ ﺍﯾﺴﮯ ﻟﻤﺤﮯ ﮐﺎ
ﺍﮎ ﺍﯾﺴﯽ ﺳﺎﻋﺖ ﮐﺎ
ﺟﺲ ﻣﯿﮟ ﺣﺎﺩﺛﮧ ﮨﻮ ﺟﺎﺋﮯ
ﺟﺲ ﻣﯿﮟ ﺳﺎﻧﺤﮧ ﮨﻮ ﺟﺎﺋﮯ
ﺗﻢ ﺑﮭﯽ ﺍﻓﺘﺨﺎﺭ ﻋﺎﺭﻑ
ﺗﻢ ﺑﮭﯽ ﮈﻭﺏ ﺟﺎﺅ ﮔﮯ
ﺗﻢ ﺑﮭﯽ ﭨﻮﭦ ﺟﺎﺅ ﮔﮯ

مجھے جب یاد آتے ہیں

مجھے جب یاد آتے ہیں
تمہارے ساتھ گزرے دن
تو پتھر ہوچکی آنکھیں
اچانک پھوٹ پڑتی ہیں
کسی سے کچھ نہیں کہتا
مین دریا اوڑھ لیتا ہوں
تری خاموش تربت کی
بلندی سے گرے ذرّات
جب مٹھی میں لیتا ہوں
یہی احساس ہوتا ہے
تجھے اب یاد کرنے سے
بھلا حاصل ہی کیا ہوگا
............................
پھر ایسے میں
ہوائے خوش گماں آکر
مرا دامن ہلاتی ہے
اچانک یاد آتی ہیں..
مجھے وہ سب حسیں باتیں...
شگوفوں سے معطر...
پھوٹتی خوشبو..
وہ راتیں------
قہقہے...
شوخی....شرارت میں گزارے دن...
زرا سی بات پر اک دوسرے سے روٹھ جانا
اور خود ہی مان جانا بھی
مجھے سب یاد آتا ہے
مجھے ادراک ہے اس کا تو ماضی ہے..
یہی تو اک اذیت ہے
جو ماضی ہے
سدا ماضی ہی رہتا ہے
مراماضی!
ترے پیکر میں ڈھل کر
مری پلکوں کے چھجے پرکھڑا ہوکر
مجھے آواز دیتا ہے
میں اس آواز کے پیچھے لپکتا ہوں
مگر تم بھاگ کر
تربت میں اپنی لیٹ جاتے ہو
بتاؤ نا...
کہ تم کیوں کر
مری آغوش سے اٹھ کر
یہ مٹی اوڑھ لی
یہاں کیوں سوگئے
سنو!اب جاگ جاؤ نا
اگر تم جاگ جاؤگے
تو سب کچھ جاگ جائے گا
اٹھو اور دیکھ لو مجھکو
کہ مین اب لوٹ آیا ہوں
کبھی واپس نہ جانے کو
خدارا جاگ جاؤنا!!!!!

جسم کے ٹکڑے

اپنے جسم کے ٹکڑے کرکے
پہروں سوچ بچار کے بعد
میں نے اپنا ملبہ بیچا۔
ہاتھ تو ہاتھوں ہاتھ گئے ۔
پاوں بھی کوئی لے ہی گیا ۔
آنکھیں میں نے رکھ لی ہیں ۔
یہ میں اس کو بیچوں گا.
جو تیری گلی میں رہتا ہو

ﺍﺏ ﺳﻤﺠﮫ ﻣﯿﮟ ﺁﺗﺎ ﮨﮯ

ﺍﺏ ﺳﻤﺠﮫ ﻣﯿﮟ ﺁﺗﺎ ﮨﮯ
ﭘﯿﺎﺭ ﮐﯽ ﮐﮩﺎﻧﯽ ﻣﯿﮟ
ﮐﺲ ﺟﮕﮧ ﭨﮭﮩﺮﻧﺎ ﺗﮭﺎ؟
ﮐﺲ ﺳﮯ ﺑﺎﺕ ﮐﺮﻧﺎ ﺗﮭﯽ؟
ﮐﺲ ﮐﮯ ﺳﺎﺗﮫ ﭼﻠﻨﺎ ﺗﮭﺎ؟
ﮐﻮﻥ ﺳﮯ ﻭﮦ ﻭﻋﺪﮮ ﺗﮭﮯ
ﺟﻦ ﭘﮧ ﺟﺎﻥ ﺩﯾﻨﺎ ﺗﮭﯽ؟
ﮐﺲ ﺟﮕﮧ ﺑﮑﮭﺮﻧﺎ ﺗﮭﺎ؟
ﮐﺲ ﺟﮕﮧ ﻣﮑﺮﻧﺎ ﺗﮭﺎ؟
ﮐﺲ ﻧﮯ ﺍﺱ ﮐﮩﺎﻧﯽ ﻣﯿﮟ
ﮐﺘﻨﯽ ﺩﻭﺭ ﭼﻠﻨﺎ ﺗﮭﺎ؟
ﮐﺲ ﻧﮯ ﭼﮍﮬﺘﮯ ﺳﻮﺭﺝ ﮐﮯ
ﺳﺎﺗﮫ ﺳﺎﺗﮫ ﮈﮬﻠﻨﺎ ﺗﮭﺎ؟
ﺍﺏ ﺳﻤﺠﮫ ﻣﯿﮟ ﺁﺗﺎ ﮨﮯ
ﺍُﺱ ﻧﮯ ﺟﻮ ﮐﮩﺎ ﺗﮭﺎ ﺳﺐ
ﮨﻢ ﻧﮯ ﺟﻮ ﺳﻨﺎ ﺗﮭﺎ ﺗﺐ
ﮐﺲ ﻃﺮﺡ ﮨﻠﮯ ﺗﮭﮯ ﻟﺐ
ﮐﺲ ﻃﺮﺡ ﮐﭩﯽ ﺗﮭﯽ ﺷﺐ
ﮨﻢ ﻧﮯ ﺍﻥ ﺳﻨﯽ ﮐﺮ ﺩﯼ
ﺑﺎﺕ ﺟﻮ ﺿﺮﻭﺭﯼ ﺗﮭﯽ
ﮐﺲ ﻗﺪﺭﻣﮑﻤﻞ ﺍﻭﺭ
ﮐﺲ ﻗﺪﺭ ﺍﺩﮬﻮﺭﯼ ﺗﮭﯽ
ﻭﮦ ﺟﻮ ﺍﮎ ﺍﺷﺎﺭﮦ ﺗﮭﺎ
ﺫﮐﺮ ﺟﻮ ﮨﻤﺎﺭﺍ ﺗﮭﺎ
ﻭﮦ ﺟﻮ ﺍﮎ ﮐﻨﺎﯾﮧ ﺗﮭﺎ
ﺟﻮ ﺳﻤﺠﮫ ﻧﮧ ﺁﯾﺎ ﺗﮭﺎ
ﺍﺏ ﺳﻤﺠﮫ ﻣﯿﮟ ﺁﺗﺎ ﮨﮯ
ﺟﺎﻥ ﮐﮯ ﮨﯽ ﺩﺷﻤﻦ ﺗﮭﮯ
ﺟﺎﻥ ﺳﮯ ﺟﻮ ﭘﯿﺎﺭﮮ ﺗﮭﮯ
ﮨﻢ ﺟﮩﺎﮞ ﭘﮧ ﺟﯿﺘﮯ ﺗﮭﮯ
ﺍﺻﻞ ﻣﯿﮟ ﺗﻮ ﮨﺎﺭﮮ ﺗﮭﮯ
ﺭﺍﮦ ﺟﺲ ﮐﻮ ﺳﻤﺠﮭﮯ ﮨﻢ
ﺭﺍﺳﺘﮧ ﻧﮩﯿﮟ ﺗﮭﺎ ﻭﮦ
ﻭﺍﺳﻄﮧ ﺩﯾﺎ ﺟﺲ ﮐﻮ
ﻭﺍﺳﻄﮧ ﻧﮩﯿﮟ ﺗﮭﺎ ﻭﮦ
ﮐﺲ ﻧﮯ ﺭﺩ ﮐﯿﺎ ﮨﻢ ﮐﻮ؟
ﮐﺲ ﻧﮯ ﮐﯿﻮﮞ ﺑﻼﯾﺎ ﺗﮭﺎ؟
ﺟﺲ ﮐﻮ ﺍﺗﻨﺎ ﺳﻤﺠﮭﮯ ﮨﻢ
ﮐﯿﻮﮞ ﺳﻤﺠﮫ ﻧﮧ ﺁﯾﺎ ﺗﮭﺎ؟
ﺍﺏ ﺳﻤﺠﮫ ﻣﯿﮟ ﺁﺗﺎ ﮨﮯ
ﺍﺏ ﺳﻤﺠﮫ ﻣﯿﮟ ﺁﯾﺎ ﺟﺐ
ﺯﻧﺪﮔﯽ ﺍﮐﺎﺭﺕ ﮨﮯ
ﺩﯾﺮ ﺳﮯ ﺳﻤﺠﮫ ﺁﺋﯽ
ﺍﯾﺴﯽ ﺍﮎ ﺑﺠﮭﺎﺭﺕ ﮨﮯ
ﺯﻧﺪﮔﯽ ﮐﮯ ﺑﮭﯿﺪﻭﮞ ﮐﻮ
ﮨﻢ ﻧﮯ ﺍﺏ ﺳﻤﺠﮭﻨﺎ ﺗﮭﺎ
ﺗﺐ ﺳﻤﺠﮫ ﺑﮭﯽ ﺁﺗﯽ ﺗﻮ
ﮨﻢ ﻧﮯ ﮐﺐ ﺳﻤﺠﮭﻨﺎ ﺗﮭﺎ
ﺁﻧﮑﮫ ﺟﺐ ﭘﮕﮭﻞ ﺟﺎﺋﮯ
ﺍﻭﺭ ﺷﺎﻡ ﮈﮬﻞ ﺟﺎﺋﮯ
ﺯﻧﺪﮔﯽ ﮐﯽ ﻣﭩﮭﯽ ﺳﮯ
ﺭﯾﺖ ﺟﺐ ﻧﮑﻞ ﺟﺎﺋﮯ
ﺑﮭﯿﺪ ﺍﭘﻨﮯ ﺟﯿﻮﻥ ﮐﺎ
ﺗﺐ ﺳﻤﺠﮫ ﻣﯿﮟ ﺁﺗﺎ ﮨﮯ
ﺳﺐ ﺳﻤﺠﮫ ﻣﯿﮟ ﺁﺗﺎ ﮨﮯ

خواب

خواب سارے،
خیال سارے،
حقیقتوں کا لبادہ اوڑھے،
تمھاری ہستی سنوار جائیں
یہ چاند سورج،
یہ سارے تارے،
چراغ جتنے بھی جل رہے ہیں،
تمھارے چہرے کے رنگ دیکھیں تو ہار جائیں
یہ بہتی ندیا،
یہ چڑھتے دریا،
یہ گہرا ساگر،
یہ جھیل جھرنے،
یہ آبشاریں،
یہ اپنا جیون تمھاری آنکھوں پہ وار جائیں
یہ رنگ ، خوشبو
گلاب سارے،
محبتوں کے نصاب سارے،
سبھی تمھاری بلائیں لے لیں،
نظر تمھاری اتار جائیں۔

کچھ کہو

کچھ کہو
کچھ تو کہو
کوئ تیر سی بات
کوئ خنجر سا لہجہ
میرے نام کردو
کوئ ٹوٹا تارا
کوئ سوکھا ہوا پھول
بجھوا دو مجھے
کوئ جھوٹا آنسو
کوئ بودا جذبہ
دے ڈالو مجھے
کئ دن بیتے
کئ راتیں گزریں
مجھے کچھ نا ملا
میں خالی بہت ہوں
میں تنہا بہت ہوں
               سیما مناف

فرق پڑتا ہے!

فرق پڑتا ہے!

فرق پڑتا ہے
جب میں کہتا ہوں
مجھے کوئی فرق نہیں پڑتا
لہجہ
کچھ اور ہی بتاتا ہے
لفظ گو ہیں
فرق نہیں پڑتا

نور
آنکھوں میں نہیں رہتا ہے
سانس
سانسوں سے چلی جاتی ہے
دھڑکنیں
دل کی بکھر جاتی ہیں
زخم
پھر سے بپھر جاتے ہیں

جب بھی سوچوں فرق نہیں پڑتا
جب بھی کہتا فرق نہیں پڑتا

میں تو ہر بار یہی چاہتا ہوں
میں تو ہر بار چلا آتا ہوں
چھوڑ دیتا ہوں تیری محفل کو
تیری محفل تیرے زمانے کو
کیا کروں
وقت بہت ظالم ہے
ٹہر جاتا ہے
پلٹ آتا ہے
کسی خوشبو میں بدل جاتا ہے
اسی منظر میں یہ ڈھل جاتا ہے
کوئی دستک سی پھر سے دیتا ہے
کوئی جادو سا پھر سے ہوتا ہے
کوئی دھیرے سے ہاتھ تھامے ہے
کوئی دھیرے سے پھر یہ پوچھے ہے
سچ کیا ہے مجھے بتاو ذرا
کیا تمھیں اب فرق نہیں پڑتا
کوئی فرق نہیں پڑتا ؟
اک حسرت جواب دیتی ہے
بالکل فرق نہیں پڑتا
کوئی فرق نہیں پڑتا
وہ ھولے سے
پھر یہ کہتا ہے
چلو میری قسم اٹھاو ذرا
چلو پھر سے یہی بتاو ذرا
تم کو فرق نہیں پڑتا
اسے بےچارگی سے تکتا ہوں
اس سے پہلے کہ میرے ہونٹ ہلیں

اک قسم !
قسم کھا کے کہتی ہے
پڑتا ہے بہت پڑتا ہے
جب بھی کہتا 
فرق نہیں پڑتا  
بس صرف

فرق ہی تو پڑتا ہے!

----------------------------------- (اتباف ابرک)

اُسی کمرے میں چھوڑ آیا ہوں

تمہارے پاس سے میں
اُٹھ کے آگیا ہوں مگر
ہر ایک شئے اُسی کمرے میں
چھوڑ آیا ہوں
وہ مُشک بار سی سانسیں
وہ دھیمی دھیمی مہک
وہ خوشگوار سی حدت
ہر ایک شئے
اُسی کمرے میں چھوڑ آیا ہوں
وہ میرے چہرے کو تکتی ہوئی
غزل آنکھیں
وہ جُھک کے اُٹھتی ہوئی
دلنواز پلکیں
وہ بےقرار نگاہیں
وہ سوگوار نظر
ہر ایک شئے
اُسی کمرے میں چھوڑ آیا ہوں
میرے لبوں پہ وہ گبھرا کے
ہاتھ رکھ دینا
وہ ان کہی میں ہر اِک بات
مجھ سے کہہ دینا
تمہارے پاس سے میں
اُٹھ کے آگیا ہوں مگر
ہر ایک شئے اُسی کمرے میں
چھوڑ آیا ہوں
کتابیں فیض کی بکھری ہوئی
سرہانے پر
نفی میں ہلتا وہ سر
بے خودی میں شانے پر
ہر ایک منظرِ زیبا
ہر ایک ساعتِ خوش
ہر ایک شئے
اُسی کمرے میں چھوڑ آیا ہوں
وہ مہکتے ہوئے لب
وہ ڈبڈبائی نظر
وہ الوداعی تبسم سا
زرد چہرے پر
ٹھہر گیا ہے نگاہوں میں
آخری منظر
تمہارے پاس سے میں
اُٹھ کے آگیا ہوں مگر
ہر ایک شئے اُسی کمرے میں چھوڑ آیا ہوں

خاموش سا شاعر

میں تو بس خاموش سا شاعر
الفت، چاہت کے رنگوں سے
دل کی خالی تصویروں میں
کوئی محبت بھر دیتا ہوں
اور کبھی اپنے اشکوں سے
بنجر اس من کی دھرتی پر
کوئی محبت بودیتا ہوں
اور کبھی دیوار سے لگ کر
کوئی محبت رو دیتا ہوں
اور کبھی آنکھوں آنکھوں میں
ساری باتیں کہہ جاتا ہوں
میں اپنے اس پاگل پن میں
کتنا تنہا رہ جاتا ہوں
میں تو اک خاموش سا شاعر
مجھ کو باتیں کب آ تی ہیں؟
مجھ کو باتیں گر آتیں تو!
کیا تم مجھ کو چھوڑ کے جاتیں؟
میرے سپنے توڑ کے جاتیں؟
کیا میری آنکھوں میں غم کے
اتنے آنسو دے سکتیں تھیں؟
میرا کل سرمایہ تھا جو
کیاوہ مجھ سے لے سکتیں تھیں؟
گر مجھ کو باتیں آتیں تو!
اپنے لفظوں کے جادو سے
میں بھی تم کو خواب دکھاتا
تم سے ڈھیروں پیار جتاتا
تم کو اپنا میت بناتا
میں بھی تم سے وہ سب کہتا
جو تم سننے کی خواہش میں
مجھ کو ایسے چھوڑ آئیں تھیں
سارے رشتے توڑ آئیں تھیں
میں ٹہھراخاموش سا شاعر
مجھ کو باتیں کب آتی ہیں
مجھ کو باتیں گر آتیں تو
تم بھی مجھ کو میت بناتیں
میرے سارے خواب سجاتیں
یوں نہ تنہا چھوڑ کے جاتیں
میں ٹہھرا خاموش سا شاعر
کاش مجھے بھی باتیں آتیں!

ناراض ہو ہم سے

سنو ۔ ناراض ہو ہم سے
مگر ہم وہ ہیں
جن کو تو منانا بھی نہیں آتا
کسی نے آج تک ہم سے محبت جو نہیں کی ہے
محبت کس طرح ہوتی ہے
ہمارے شہر کے اطراف میں تو سخت پہرا تھا
خزاؤں کا
اور اُس کی فصیلیں زرد بیلوں سے لدی ہیں
اور اُن میں نہ کوئی خوشبو
نہ کوئی ُُپھول تم جیسا
کہ مہک اُٹھتے ہمارے دل وجاں
جس کی قربت سے
ہم ایسے شہرِ پریشاں کی ویراں گلیوں میں
کسی سُوکھے ہوئے زرد پتے کی طرح تھے
کہ جب ظالم ہَوا
جب ہم پر اپنے قدم رکھتی تھی
تو اُس کے پاؤں کی نیچے ہمارا دَم نکل جاتا
مگر پت جھڑ کا وہ موسم
سُنا ہے ٹل چکا اب تو
مگر جو ہار ہونا تھی
سو وہ تو ہو چکی ہم کو
سنو
ہارے ہوئےلوگوں سے تو رُوٹھا نہیں کرتے

اسمِ اعظم

زمیں پہ پھیلے اداس لوگو!
قریب آؤ !
مری صداؤں کے دائروں میں
کہ میری لہجے کی اوس، لفظوں کے ہاتھ، فقرے کی ہر تسلی
فقط تمہارے دُکھے ہوئے دل کے واسطے ہے
میں جن دنوں گونجتی ہوا تھا
تو سایہ و جسم، رنگ و آواز سے ملا میں
محبتوں، نفرتوں، عقیدوں کی سرزمینوں ۔۔۔
منافقت کی سیہ فصیلوں سے سر پٹختا ۔۔
نگر نگر، شہر شہر گزرا
(یہ ہست کے بازؤوں کے مابین فاصلہ تھا)
تلاش کے اس کڑے سفر سے پگھل گیا میں
تو جسم سے لفظ بن گیا میں ۔۔۔
اداس لوگو!
میں لفظ ہوں، سایہ و سکوں ہوں
جہاں پہ جسموں کے ہر سہارے کا خاتمہ ہے
تمہارے شانوں پہ میں وہاں دستِ ریشمیں ہوں
وہ تم جسے پا کے بھی نہ بھی پاؤ گے
میں اسی لمحہء مسلسل کا آشنا ہوں
اداس لوگو!
تم آسمانوں پہ جا بسو گے، دکھی رہو گے
سمندروں کی تہوں سے موتی اچھال دو گے ۔۔۔ دکھی رہو گے
رقابتوں کے وسیع میدان مار کر بھی تم اپنے دشمن بنے رہو گے
جواز اندر جواز جینے پہ سوئی نفرت لہو رلائے
نہ چاہنے پر بھی بیتے وقتوں کی یاد آئے
کبھی اکیلے کا دکھ ستائے ۔۔
تو میرے شعروں کو گنگنانا
یہ اسمِ اعظم اسی مصیبت کے واسطے ہے

سرور کامران

یہ حرف سارے یہ لفظ سارے

یہ حرف سارے یہ لفظ سارے
یہ چمن و بلبل کے استعارے
حلب کا دکھ کیسے کہہ سکیں گے
وہ سارے گھر جو اجڑ گئے ہیں
وہ میرے ساتھی مرے مجاہد
وہ میرے بچے جو مر گئے ہیں
حلب کے کھنڈروں میں جا کے دیکھو
وہ بکھرے لاشے وہ مسلے چہرے
ظلم کی آندھی بڑی ہے وحشی
امن کی سانسوں پہ اب ہیں پہرے
درندگی کے خمار میں تم
ظلمتوں کے دیار میں تم
بنے ہو شعلہ بنے ہو خرمن
جلے گا جلدی ستم کا آنگن
ہوا میں بارود کی تھی خوشبو
فلک پہ سائہ فگن تھی ظلمت
وہ ڈھیر ملبے کے جا کے دیکھو
دفن ہوئی ان میں اپنی امت
کہا تھا کس نے یہ تم سے ہمدم
میداں میں آؤ اٹھا کے سینے
لگن تھی کیسی یہ تم میں ہمدم
چلے شہادت کا جام پینے
نثار تم نے جو کی ہے جاں یہ
ملی ہے عزت کی موت تم کو
تمہارے مرنے پہ اے شہیدو
پڑا زرا سا نہ فرق ہم کو
جشن منا یا ہے ہم نے لوگو
نبئی رحمت کے آنے پر جو
نبی کے امتی حلب کی اندر
کل کسی وقت مر گئے تھے
لڑے تھے تنہا ستم گروں سے
مرے تھے لیکن جھکے نہیں تھے
عزم یہ کر کے اب تو ہم سب
آخری گولی تک لڑیں گے
گئے جو مقتل میں پھر نہ لوٹے
بروز محشر وہ جب اٹھیں گے
حضور مالک اگر انہوں نے
جو ہم سے پوچھا کہاں تھے تم تب
ہمارے سر پہ اجل تھی رقصاں
کہاں مگن تھے کہاں تھے تم سب
کہو گے ہم تومنا رہے تھے
جشن میلاد مصطفی تب
ہمیں کیا معلوم مالک
یہ لوگ مر گئے کب
سوچتا ہوں بروز محشر میں کیا کہوں گا
حلب کا نوحہ میں کیا لکھوں گا
عبداللّٰہ حماد

ایسا ہی کیوں ہوتا ہے آخر

ایسا ہی کیوں ہوتا ہے آخر !!
جب کبھی کوئی ہمیں دل سے چاہتا ہے
ہماری قدر کرتا ہے
ہماری پرواہ کرتا ہے
ہماری خاطر ہر حد سے گُزر جاتا ہے
مگر پھر
ایسا کیوں ہوتا ہے آخر!!
کہ جب ہمیں ان کی محبت کا احساس ہوجاتا ہے
ہمیں ان کی قدر ہوجاتی ہے
ہمارا دل  بھی پرواہ کرنے لگ جاتا ہے
ہمیں ان کی عادت سی ہو جاتی ہے
ہر سانس ان ہی کا نام لیے جاتی ہے
وہ ہم سے آخر کیوں پھر
دور ہوجاتے ہیں
کیوں اس قدر مجبور ہوجاتے ہیں
کیا اتنی سی ہی محبت کرتے ہیں
وہ ہم سے ؟؟
کہ ہمیں درد کے اک گھنے جنگل میں دھکیل جاتے ہیں
جہاں ہم بھٹک جاتے ہیں
جہاں سے پھر کبھی لوٹ نہیں پاتے ہم
ہماری ذات کہی کھو جاتی ہیں

ایسا ہی کیوں ہوتا ہے آخر  ؟؟
ایسا ہی کیوں ہوتا ہے آخر  ؟؟
ایسا ہی کیوں ہوتا ہے آخر ؟

تمھیں چھونے کی خواہش میں

تمھیں چھونے کی خواہش میں
نجانے ضبط کے کتنے کڑے موسم
تمہارے سامنے بیٹھے ہوئے
میں نے گذارے ہیں
مجھے معلوم ہے چھونے سے
تم کو یہ نہیں ہو گا
مرے ہاتھوں کی پوروں پر کئی
جگنو دمک اٹھیں
تمہارے لمس کی خوشبو
مری رگ رگ میں بس جائے
مگر شاید یہ ممکن ہے تمہارے لمس کو پا کر
سلگتے دل کی دھرتی پر کوئی بادل برس جائے

مگر جاناں حقیقت ہے
تمھیں میں چھو نہیں سکتا!
اگرچہ لفظ یہ میرے
تمہاری سوچ میں رہتے،
تمہارے خواب چھوتے ہیں
تمھیں میں چھو نہیں سکتا
مجھے تم سے محبت سے
کہیں زیادہ محبت ہے
میں ڈرتا ہوں کہیں چھونے
سے تم پتھر نا ہو جاؤ
میں وہ جس نے تمھیں تتلی
کے رنگوں سے سجایا ہے

میں وہ جس نے تمھیں لکھا ہے
جب بھی پھول لکھاہے
بھلا کیسے میں اس پیکر کو
چھو لوں اور ساری عمر
میں اک پتھر کی مورت کو سجا لوں
اپنے خوابو ں میں
مجھے تم سے محبت سے
کہیں زیادہ محبت ہے
تمھیں پتھر اگر کر لوں
تو خود بھی ٹوٹ جاؤ ں گا

سنو جاناں!

بھلے وہ ضبط کے
موسم کڑے ہوں ذات پہ میری
تمھیں میں چھو نہیں سکتا

میری محبت مجھے واپس کر دو

مجھ سے کہتی ہو کہ تم اپنی محبت لے لو
یہ مجھے خون رلاتی ہے بہت راتوں میں
جن کو سننے سے مجھے میرا پتا ملتا ہے
کھوئی رہتی ہوں صبح وشام انہی باتوں میں
جانتی ہوں کہ بہت تلخ حقیقت ہے مگر
ساتھ چاہوں بھی تمہارے تو نہیں چل سکتی
بات یہ مان لو! تم اپنی محبت لے لو
میں اب اس آگ میں اک پل بھی نہیں جل سکتی
مجھ سے کہتی ہو کہ تم اپنی محبت لے لو
جانِ جاں کیسے تمھیں بات یہ سمجھاؤں میں
آج تک رکھا نہیں میں نے محبت کا حساب
مجھ کو معلوم نہیں کتنی محبت کی ہے
ہاں مگر دل میں تمہارے تو سجی ہے ساری
یوں کرو! میری محبت مجھے واپس کر دو
دیکھ لینا کہ کوئی چیز نہ رہ جائے کہیں
خواب بھی، لفظ بھی اور میری سبھی سوچیں بھی
جو ہوئیں نذر تمہاری وہ مری نیندیں بھی
ساتھ جو ہم نے گزارے وہ سبھی لمحے بھی
مجھ کو معلوم نہیں کتنی محبت کی ہے
کیوں بھلا میرے سہارے کی طلب ہے تم کو
بوجھ لگتی ہے تمہیں میری محبت جاناں!
یوں کرو! میری محبت مجھے واپس کر دو