ﻓﺮﺍﻧﺴﯿﺴﯽ ﻣﺤﺒﻮﺏ
ــــــــــــــــــــــــــــــــــــــــــــــــــــــــــــــــــــ
ﮐﻮﺷﺶ ﮐﺮﺭﮨﯽ ﮨﻮﮞ ﮐﮧ ﻋﻠﻢِ ﮐﯿﻤﯿﺎ ﻣﯿﮟ ﻣﮩﺎﺭﺕ ﺣﺎﺻﻞ ﮐﺮﻟﻮﮞ
ﺗﺎﮐﮧ ﺳﻤﺠﮫ ﺳﮑﻮﮞ ﮐﮧ ﻣﺠﮭﮯ ﺍﺱ ﻭﻗﺖ ﮐﯿﺎ ﮨﻮﮔﯿﺎ ﺗﮭﺎ
ﺟﺐ ﮨﻢ ﺑﯿﺮﻭﺕ ﮐﯽ ﮔﻠﯿﻮﮞ ﻣﯿﮟ ﺍﭼﺎﻧﮏ ﻣﻠﮯ ﺗﮭﮯ
ﺍﻭﺭ ﺗﻤﮭﺎﺭﯼ ﻧﻈﺮﯾﮟ ﻣﺠﮭﮯ ﮐﺴﯽ ﺣﻘﯿﺮ ﺫﺭﮮ ﮐﯽ ﻃﺮﺡ ﺭﯾﺰﮦ ﺭﯾﺰﮦ ﮐﯿﮯ ﺩﮮ ﺭﮨﯽ ﺗﮭﯿﮟ !
ﮐﻮﺷﺶ ﮐﺮﺭﮨﯽ ﮨﻮﮞ ﮐﮧ ﻋﻠﻢِ ﻃﺒﯿﻌﺎﺕ ﻣﯿﮟ ﻣﮩﺎﺭﺕ ﺣﺎﺻﻞ ﮐﺮﻟﻮﮞ
ﺗﺎﮐﮧ ﺑﺮﻕ ﺳﮯ ﺑﮭﺮﯼ ﺍُﻥ ﺑﺠﻠﯿﻮﮞ ﮐﻮ ﺳﻤﺠﮫ ﺳﮑﻮﮞ
ﺟﻮ ﻣﯿﺮﮮ ﺧﻮﻥ ﻣﯿﮟ ﺍﺱ ﻭﻗﺖ ﺩﻭﮌﻧﮯ ﻟﮕﺘﯽ ﮨﯿﮟ
ﺟﺐ ﺗﻤﮭﺎﺭﺍ ﮨﺎﺗﮫ ﻣﯿﺮﮮ ﮨﺎﺗﮫ ﺳﮯﻣﺼﺎﻓﺤﮯ ﮐﮯ ﭘﺮﺩﮮ ﻣﯿﮟ ﮔﻠﮯ ﻣﻠﺘﺎﮨﮯ
ﮐﻮﺷﺶ ﮐﺮﺭﮨﯽ ﮨﻮﮞ ﮐﮧ ’’ ﮐﺮﻭﯼ ﺟﯿﻮﻣﯿﭩﺮﯼ ‘‘ ﻣﯿﮟ ﻣﮩﺎﺭﺕ ﺣﺎﺻﻞ ﮐﺮﻟﻮﮞ
ﺗﺎﮐﮧ ﮐﮩﯿﮟ ﺗﻤﮭﺎﺭﯼ ﭼﺎﮨﺖ ﮐﯽ ﻻ ﻣﺘﻨﺎﮨﯽ ﮐﺎﺋﻨﺎﺗﻮﮞ ﮐﯽ ﺧﻼﺅﮞ ﻣﯿﮟ ﺭﺍﺳﺘﮧ ﻧﮧ ﺑﮭﭩﮏ ﺟﺎﺅﮞ
ﮐﻮﺷﺶ ﮐﺮﺭﮨﯽ ﮨﻮﮞ ﮐﮧ ﻋﻠﻢِ ﻓﻠﮑﯿﺎﺕ ﻣﯿﮟ ﻣﮩﺎﺭﺕ ﺣﺎﺻﻞ ﮐﺮﻟﻮﮞ
ﺗﺎﮐﮧ ﺗﻤﮭﺎﺭﯼ ﺁﻧﮑﮭﻮﮞ ﮐﮯ ﺳﯿﺎﺭﻭﮞ ﮐﮯ ﻣﺪﺍﺭﻭﮞ ﮐﻮ ﭘﮍﮪ ﺳﮑﻮﮞ
ﮐﻮﺷﺶ ﮐﺮﺭﮨﯽ ﮨﻮﮞ ﮐﮧ ﺭﯾﺎﺿﯽ ﮐﮯ ﺍﺳﺒﺎﻕ ﻣﯿﮟ ﻣﮩﺎﺭﺕ ﺣﺎﺻﻞ ﮐﺮﻭﮞ
ﺗﺎﮐﮧ ﮨﻤﺎﺭﮮ ﺑﯿﭻ ﮨﻮﻧﮯ ﻭﺍﻟﯽ ’’ ﺟﻤﻊ ‘‘ ﺳﯿﮑﮫ ﻟﻮﮞ
ﺍﻭﺭ ﺩﯾﻮﺍﺭ ﮐﮯ ﻋﺮﺽ ﺳﮯ ﮨﺮ ﺍﺱ ﺷﺨﺺ ﮐﻮ ’’ ﺿﺮﺏ ‘‘ ﺩﯾﻨﺎ ﺳﯿﮑﮫ ﻟﻮﮞ ﺟﻮﮨﻤﺎﺭﯼ ﻣﺤﺒﺖ ﮐﻮ ’’ ﺗﻘﺴﯿﻢ ‘‘ ﮐﺮﻧﺎ ﭼﺎﮨﺘﺎ ﮨﻮ
ﮐﻮﺷﺶ ﮐﺮﺭﮨﯽ ﮨﻮﮞ ﮐﮧ ﺗﻤﮭﺎﺭﮮ ﻣﺰﺍﺝ ﮐﮯ ’’ ﺍﻟﮕﻮﺭﺗﮭﻢ ‘‘ کا ﺟﺪﻭﻝ ﺩﺭﯾﺎﻓﺖ ﮐﺮﺳﮑﻮﮞ
ﺗﺎﮐﮧ ﮐﮩﯿﮟ ﺗﻤﮭﺎﺭﮮ ﺟﺬﺑﺎﺕ ﻣﺠﺮﻭﺡ ﮐﺮﻧﮯ ﮐﯽ ﻏﻠﻄﯽ ﻧﮧ ﮐﺮﺑﯿﭩﮭﻮﮞ
ﮐﻮﺷﺶ ﮐﺮﺭﮨﯽ ﮨﻮﮞ ﮐﮧ ﻋﻠﻢِ ﺟﻐﺮﺍﻓﯿﮧ ﻣﯿﮟ ﻣﮩﺎﺭﺕ ﺣﺎﺻﻞ ﮐﺮﻟﻮﮞ
ﺗﺎﮐﮧ ﺗﻤﮭﺎﺭﮮ ﺑﺮﺍﻋﻈﻤﻮﮞ ﺍﻭﺭ ﺳﻤﻨﺪﺭﻭﮞ ﮐﯽ ﺣﺪﻭﺩﺳﮯ ﺁﮔﺎﮦ ﺭﮦ ﺳﮑﻮﮞ
ﮐﻮﺷﺶ ﮐﺮﺭﮨﯽ ﮨﻮﮞ ﮐﮧ ﮐﮧ ﻋﻠﻢِ ﺗﺎﺭﯾﺦ ﻣﯿﮟ ﻣﮩﺎﺭﺕ ﺣﺎﺻﻞ ﮐﺮﻟﻮﮞ
ﺗﺎﮐﮧ ﮐﮩﯿﮟ ﺗﺎﺭﯾﺦ ﮨﻤﺎﺭﮮ ﺳﺎﺗﮫ ﺑﮭﯽ ﻗﺪﯾﻢ ﻧﺎﮐﺎﻡ ﻣﺤﺒﺖ ﮐﯽ ﺩﺍﺳﺘﺎﻧﯿﮟ ﻧﮧ ﺩﻭﮨﺮﺍﺩﮮ
ﮐﻮﺷﺶ ﮐﺮﺭﮨﯽ ﮨﻮﮞ ﮐﮧ۔ ۔ ۔
ﻟﯿﮑﻦ ﮨﻤﯿﺸﮧ ﻧﺎﮐﺎﻡ ﮨﻮﺟﺎﺗﯽ ﮨﻮﮞ
ـــــــــــــــــــــــــــــــــــــــــــــــ
ﻏﺎﺩﮦ ﺍﻟﺴﻤﺎﻥ(شام)
ترجمہ: ﺍﺑﻮ عمش
No comments:
Post a Comment