شرارت رقصّ کرتی ھے
سُنو زھرا
تقاضہ کب کیا ھم نے
کہ سورج چاند تارے آسماں قوسِ قزح جھیلیں
ھمارے نام ھو جائیں
تقاضہ تو کہیں امکان کی سرحد پہ ممکن ھے
جہاں باھم تعلق کی
چٹختی دودھیا رنگت فضا میں پھیل جاتی ھے
تقاضہ ھے
مگر اتنا
کہ دائیں پاؤں کی ایڑی پہ
جب تم گھومتی ھو
بائیں کو سہمے دھڑکتے
فرش کے سینے پہ رکھتی ھو
تو اُس لمحے مری سوچوں کا دریا
ساحلوں کے کان میں سرگوشیاں کرتا
یہ کہتا ھے
ھمیں اِس گھومتی ایڑی کی سینے پر ضرورت ھے۔۔۔۔۔
۔۔۔۔۔ارشد معراج۔۔۔۔۔
No comments:
Post a Comment