نزاکت کس کو کہتے ہیں

نزاکت کس کو کہتے ہیں
نفاست کس کو کہتے ہیں
بہت ہے مان تجھ کو نرم و نازک مرمریں تن پر
ترے یہ ہاتھ جن پہ تو سدا سونا چڑھاتی ہے
محض ان پر حنا کیا رنگ لاتی ہے
یہ مانا ہے ترے دست حنا کو ذوق رعنائی
مگر یہ بھول ہے تیری
حنا کی یہ تو اک سچی روایت ہے
یہ ان ہاتھوں پہ بھی جچتی ہے اپلے تھاپتے ہیں اور جو چکی چلاتے ہیں
تجھے یہ زعم کیوں آخر
تو بھی حوا کی بیٹی ہے
وہ بھی حوا کی بیٹی ہے
تو پھر کیا فرق ہے تم میں