محبت

محبت یہ نہیں
کہ چاند کو تم توڑ کے لاو
محبت یہ نہیں
کہ تم ستارے مانگ میں بھر دو
محبت یہ نہیں
کہ وعدے کر لو سات جنموں کے
محبت یہ نہیں
کہ پھول راہوں میں بچھا دو تم
محبت ہے
کہ تم جو ہاتھ تھامو چھوڑ نہ دینا
محبت ہے
کہ قلبِ جان کو تم توڑ نہ دینا
محبت ہے
کہ تم محبوب سے منہ موڑ نہ لینا
محبت ہے
کہ تم جھگڑو لڑو اور روٹھ بھی جاو
ستا کر مسکرا کر پھر منا لینا بھی آتا ہو
کسی کے عارض و رخسار جب شرم و حیا سے سرخ ہوجائیں...‼
تو اپنے لب جبین ناز پہ تم رکھ کے یہ کہہ دو
میں وہ سب نہیں کرسکتا کہ ممکن نہیں جو کچھ
مگر میں وعدہ کرتا ہوں کہ جب تک سانس باقی ہے
تمہاری زندگی میں الفتوں کا سایہ کردوں گا
تمہارے لاڈ ناز و نخرے سب کچھ میں اٹھاوں گا
زمانے بھر کی نفرت سے تمہیں ہر پل چھپاؤں گا
مجھے تم سے محبت ہے کہوں یا نہ کہوں لیکن
مجھے کتنی محبت ہے میں وہ کر کے دکھاؤں گا۔۔۔