زندگی کا سفر

ہم سب لوگ زندگی کے راستے پر گاڑیوں پر سفر کرنے والے لوگ ہیں- اس راستے پر سفر کرتے بہت دفعہ ایسا ہوتا ہے کہ کبھی کسی گاڑی کا ٹائر پنکچر ہو جاتاہے اور کبھی کوئی گاڑی سڑک سے اتر جاتی ہے- بعض دفعہ ایسا بھی ہوتا ہے کہ گاڑی سڑک پر موجود کسی گڑھے میں پھنس جاتی ہے- اس وقت اس سڑک پر سفر کرنے والی دوسری گاڑیوں میں سے کسی نہ کسی کو اس گاڑی کے پاس روک جانا چاہیے اور دیکھنا چاہیے کہ دوسرے کی گاڑی کو کس طرح سڑک پر واپس لایا جا سکتا ہے یا گڑھے میں سے نکالا جا سکتا ہے- اس وقت چند لمحوں کے لیے ہمارا اپنا سفر روک کر وہاں رک جانا دوسرے کو ٹریک پر لے آتا ہے اور ایسا نہ کرنے کی صورت میں دوسرے کی گاڑی ہمیشہ اس گڑھے میں پھنسی رہتی ہے-
یہ حال عام زندگی کا ہے ، جب کوئی کسی پریشانی میں پھنس جائے ، کسی مصیبت میں مبتلا ہو تو اسکی مدد کرکے اسکا ساتھ دے کر اسے اس پریشانی سے نکالنے کی کوشش کرنی چاہیے ۔ ہماری ذرا سی ہمددری کسی کے بہت بڑے مسئلے کو حل کرسکتی ہے