ﺩﺳﻤﺒﺮ ﻣﺠﮭﮯ ﺭﺍﺱ ﺁﺗﺎ ﻧﮩﯿﮟ

ﮐﺌﯽ ﺳﺎﻝ ﮔﺰﺭﮮ
ﮐﺌﯽ ﺳﺎﻝ ﺑﯿﺘﮯ
ﺷﺐ ﻭ ﺭﻭﺯ ﮐﯽ ﮔﺮﺩﺷﻮﮞ ﮐﺎ ﺗﺴﻠﺴﻞ
ﺩﻝ ﻭ ﺟﺎﮞ ﻣﯿﮟ ﺳﺎﻧﺴﻮﮞ ﮐﯽ ﭘَﺮﺗﯿﮟ ﺍُﻟﭩﺘﮯ ﮨﻮﺋﮯ
ﺯﻟﺰﻟﻮﮞ ﮐﯽ ﻃﺮﺡ ﮨﺎﻧﭙﺘﺎ ﮨﮯ
ﭼﭩﺨﺘﮯ ﮨﻮﺋﮯ ﺧﻮﺍﺏ
ﺁﻧﮑﮭﻮﮞ ﮐﯽ ﻧﺎﺯﮎ ﺭَﮔﯿﮟ ﭼﮭﯿﻠﺘﮯ ﮨﯿﮟ
ﻣﮕﺮ ﻣﯿﮟ ﮨﺮ ﺍِﮎ ﺳﺎﻝ ﮐﯽ ﮔﻮﺩ ﻣﯿﮟ ﺟﺎﮔﺘﯽ ﺻﺒﺢ ﮐﻮ
ﺑﮯ ﮐﺮﺍﮞ ﭼﺎﮨﺘﻮﮞ ﺳﮯ ﺍَﭨﯽ ﺯﻧﺪﮔﯽ ﮐﯽ ﺩُﻋﺎ ﺩﮮ ﮐﮯ
ﺍَﺏ ﺗﮏ ﻭﮨﯽﺟﺴﺘﺠﻮ ﮐﺎ ﺳَﻔﺮ ﮐﺮ ﺭﮨﺎ ﮨُﻮﮞ
ﺳﻔﺮ ﺯﻧﺪﮔﯽ ﮨﮯ
ﺳﻔﺮ ﺁﮔﮩﯽ ﮨﮯ
ﺳﻔﺮﺁﺑﻠﮧ ﭘﺎﺋﯽ ﮐﯽ ﺩﺍﺳﺘﺎﮞ ﮨﮯ
ﺳﻔﺮ ﻋﻤﺮ ﺑﮭﯽ ﮐﯽ ﺳُﻠﮕﺘﯽ ﮨﻮﺋﯽ ﺧﻮﺍﮨﺸﻮﮞ ﮐﺎ ﺩﮬﻮﺍﮞ
ﮨﮯ
ﮐﺌﯽ ﺳﺎﻝ ﮔﺰﺭﮮ
ﮐﺌﯽ ﺳﺎﻝ ﺑﯿﺘﮯ
ﻣﺴﻠﺴﻞ ﺳﻔﺮ ﮐﮯ ﺧﻢ ﻭ ﭘﯿﭻ ﻣﯿﮟ
ﺳﺎﻧﺲ ﻟﯿﺘﯽ ﮨﻮﺋﯽ ﺯﻧﺪﮔﯽ ﺗﮭﮏ ﮔﺌﯽ ﮨﮯ
ﮐﮧ ﺟﺬﺑﻮﮞ ﮐﯽ ﮔﯿﻠﯽ ﺯﻣﯿﻨﻮﮞ ﻣﯿﮟ
ﺑﻮﺋﮯ ﮨﻮﺋﮯ ﺭﻭﺯﻭ ﺷﺐ ﮐﯽ ﮨﺮ ﺍﮎ ﻓﺼﻞ ﺍﺏ ﭘﮏ ﮔﺌﯽ
ﮨﮯ
ﮔﺰﺭﺗﺎ ﮨﻮﺍ ﺳﺎﻝ ﺑﮭﯽ ﺁﺧﺮﯼ ﮨﭽﮑﯿﺎﮞ ﻟﮯ ﺭﮨﺎ ﮨﮯ
ﻣﯿﺮﮮ ﭘﯿﺶ ﻭ ﭘَﺲ
ﺧﻮﻑ، ﺩﮨﺸﺖ، ﺍَﺟﻞ، ﺁﮒ، ﺑﺎﺭﻭﺩ ﮐﯽ ﻣَﻮﺝ
ﺁﺑﺎﺩﯾﺎﮞ ﻧﻮﭺ ﮐﺮ ﺍﭘﻨﮯ ﺟﺒﮍﻭﮞ ﻣﯿﮟ ﺟﮑﮍﯼ ﮨﻮﺋﯽ ﺯﻧﺪﮔﯽ ﮐﻮ
ﺩﺭﻧﺪﻭﮞ ﮐﯽ ﺻُﻮﺭﺕ
ﻧِﮕﻠﻨﮯ ﮐﯽ ﻣﺸﻘﻮﮞ ﻣﯿﮟ ﻣﺼﺮﻭﻑ ﺗﺮ ﮨﮯ
ﮨﺮ ﺍﮎ ﺭﺍﺳﺘﮧ، ﻣﻮﺕ ﮐﯽ ﺭﮦ ﮔﺰﺭ ﮨﮯ
ﮔﺰﺭﺗﺎ ﮨﻮﺍ ﺳﺎﻝ ﺟﯿﺴﮯ ﺑﮭﯽ ﮔﺰﺭﺍ
ﻣﮕﺮ ﺳﺎﻝ ﮐﮯ ﺁﺧﺮﯼ ﺩِﻥ
ﻧﮩﺎﯾﺖ ﮐﭩﮭﻦ ﮨﯿﮟ
ﮨﺮ ﺍﮎ ﺳَﻤﺖ ﻻﺷﻮﮞ ﮐﮯ ﺍَﻧﺒﺎﺭ
ﺯﺧﻤﯽ ﺟﻨﺎﺯﻭﮞ ﮐﯽ ﻟﻤﺒﯽ ﻗﻄﺎﺭﯾﮟ
ﮐﮩﺎﮞ ﺗﮏ ﮐﻮﺋﯽ ﺩﯾﮑﮫ ﭘﺎﺋﮯ
ﮨﻮﺍﺅﮞ ﻣﯿﮟ ﺑﺎﺭُﻭﺩ ﮐﯽ ﺑﺎﺱ
ﺧﻮﺩ ﺍَﻣﻦ ﮐﯽ ﻧﻮﺣﮧ ﺧﻮﺍﮞ ﮨﮯ
ﮐﻮﺋﯽ ﭼﺎﺭﮦ ﮔﺮ، ﻋﺼﺮِ ﺣﺎﺿﺮ ﮐﺎ ﮐﻮﺋﯽ ﻣﺴﯿﺤﺎ ﮐﮩﺎﮞ ﮨﮯ
ﻣﺮﮮ ﻣﻠﻨﮯ ﻭﺍﻟﻮ
ﻧﺌﮯ ﺳﺎﻝ ﮐﯽ ﻣُﺴﮑﺮﺍﺗﯽ ﮨﻮﺋﯽ ﺻﺒﺢ ﮔﺮ ﮨﺎﺗﮫ ﺁﺋﮯ
ﺗﻮ ﻣِﻠﻨﺎ
ﮐﮧ ﺟﺎﺗﮯ ﮨﻮﺋﮯ ﺳﺎﻝ ﮐﯽ ﺳﺎﻋﺘﻮﮞ ﻣﯿﮟ
ﯾﮧ ﺑﺠﮭﺘﺎ ﮨُﻮﺍ ﺩﻝ
ﺩﮬﮍﮐﺘﺎ ﺗﻮ ﮨﮯ
ﻣﺴﮑﺮﺍﺗﺎ ﻧﮩﯿﮟ
ﺩﺳﻤﺒﺮ ﻣﺠﮭﮯ ﺭﺍﺱ ﺁﺗﺎ ﻧﮩﯿﮟ