اے مرے یار وطن
آنکھ بھر آتی ھے جب جب بھی تجھے سوچتا ھوں
نیم مردہ سے ترے جسم سے چمٹے ھوئے گدھ
بوٹیاں نوچتے جاتے ھیں یہی کہتے ھوئے
تیرے اپنوں نےتجھے ظلم کے ھاتھوں میں رھن رکھا ھے
تیرے وارث، ترے اپنے،ترے بےدرد سے لوگ
کیسے اپنے ھیں ترے ؟ جو تری بربادی کو
بے نیازی سے ،خموشی سے کھڑے تکتے ھیں
آنکھ بھر آتی ھے جب جب بھی تجھے سوچتا ھوں
آ ج آ جا کہ گلے مل کے بہت روئیں، بہت دیر تلک
رونے والا بھی میسر تجھے پھر ھو، کہ نہ ھو
No comments:
Post a Comment