گفتگو کے لمحوں میں
دیکھ ہی نہیں پاتے
ہم تمہارے چہرے کو
تُم ہماری آنکھوں کو
آج ایسا کرتے ہیں
چشمِ لب کو پڑھتے ہیں
بات چھوڑ دیتے ہیں
جانے کیا لمحہ ہوگا
جب یہ ہاتھ ، ہا تھوں سے
گر کبھی جُدا ہوگا
آج ایسا کرتے ہیں
ضبطِ جاں پکڑتے ہیں
ہاتھ چھوڑ دیتے ہیں
لوگ کس طرح دل کی
منزلیں الگ کرکے
ساتھ چھوڑ دیتے ہیں
آج ایسا کرتے ہیں
بے سبب بکھرتے ہیں
ذات توڑ دیتے ہیں
Wednesday, December 3, 2014
گفتگو کے لمحوں میں
Subscribe to:
Post Comments (Atom)
No comments:
Post a Comment